1 Nakae, nasunga, e mwana w' emburi nt' uri habhasirwa n' erou Sayuni, na hima nae bhea bhihumbi iyana na makumi anye na bhanye, abhesenga bhari n' erina rae n' erina ra Tita wae ratiranyiwa mo mbaso sabho. 2 N'orukira mo mbingu murenge, bhuri changa cha mecha makiri, bhuri changa cha murabyo mukiri, n' emurenge worukirang' ani abhesenga bhuri wa bhamini bha nsimbi bhaminang' ensimbi yabho. 3 Abhesanga bhasimbange rumbo rushasha hamakako n' ekitumbi ch' ebhubhake na bhusondori bw' ebhashere bhanye n' ebhakungu. Na kusira ngu wamukochang' ihanw' erumbo, kuti nty' ebhihumbi iyana na makumi anye n' ebhanye imbi bharekururirwa mo chuo. 4 Imbi nti bharikwebhisha mu bhomina, bhushwa ibho bhashasha; bhemisa e mwan' emburi e kuti kwenda we. Bharekururirwa munkati n' ebhea, bhuri ntangi kuri Ongo n' ekuri e mwan' emburi. 5 Na mo monu abho nti mwaribhesa bhushukishuki, bhushwa bharengekana. 6 Nasunga umpe ngashani wokange munkati n' embingu; abhesenga uri na mwasi wakonda w' ematu ati n' eati, mw' etura o mo bhea bh' echuo,mosanganda siti, mo bhisasa bhiti, mo myebhe iti na mo bhea bhati. 7 Wabhesanga w' ebhange mu murenge wasuma: musubhahe Ongo na mumuninke itatwa, bhushwa e kashangi k' er' ikera erobhansa kameya na mumuronjei mpero ing' wakiyanga e mbingu, n' echuo, e nyansa n' esanchoko s' esandusi. 8 Umpe ngashani w' emet' abhi wemisa webha: Wamahuka wamahuka, Bhabironi mukiri, ing' womoshang' esanganda siti mau e bhusubuke bw' erosingirwe rwae! 9 Na umpe ngashani mu murenge wasuma: amabhese kuri waronjie, na wamariarwa nsimiko mo mbaso yae ari mo mwine, 10 Nti wasomo, nae hotu, mau ebhusubhuke bwa Ongo, ingi nty' ashubhurwa mor' osara rw' ebhusubhuke bwae, na wasenubha mo kasha, bhusondori w' esangashani sashuururwa na bhusondori bw' e mwan' emburi. 11 N' e mwiki w' e minubho yabho wataya bhiranga na bhiranga na bhasira eruhuka ari mu mwishi ari mutu imbi bhareronjie e nyamishwa mpero n' ekamoi kayo, na kinsi uti ng' warerierwa nsimiko y' erina rae. 12 Ehano ngi herikw' esumya e myomba ya Ongo n' erisimira ra Yesu. 13 Na norukira mo mbingu murenge webha: Tiranya: Bhakasanirwa etuk' entamb' ino e bhakwi mbi bhakwa kumunda na Nyerekuritu. Eira ng' webh' E mutima, kongo bharuhuka mo mirimo yabho, bhush' emikorere yabho y' emisa bho. 14 Nakae, nasunga, otunda rusanange, na habhasirwa n' erotundo nti harika ususene na mwana mwea na mo muntw' ae muri kembo ka noro, na mo mine y' ae mukushu watwa. 15 Na umpe ngashani wasaa mo rirameso, wakua mu murenge wasuma kuri ng' wabhesanga warika hambasiro n' erotundo: Rerek' emukush' wabhe na kao; bhushwa entambi y' erikao yameya, e mirime y' echuo yamase. 16 Ing' wabhesanga warika habasirw' erotundo warekera emukushu wae mo chuo. N'echuo chakaurwa. 17 Umpe ngashani wasaa mor' irameso r' irikire mo mbingu nt' uri nae hotu na mukushu watwa. 18 Na umpe ngashani, ing' wabesanga uri n'ebhukakare mo kasha wasaa mor' irango, webha mu murange wasuma nang' wabhesanga urin' emukushu watwa, weba: Rerek' emukushu wabhe watwa,na koresha e mukushu wabhe watwa na unoe e mirime y' echuo bhushwa yamase. 19 N' engashani wareker' emukushu wae mo chuo, wakoresha mo mirime y' echuo, na warekera e mirime mo katiri kakiri k' ebhusubhuke bwa Ongo. 20 E katiri kanyenshawa ekumushi n' erobhungu; nshama yasaa mo katiri, yahita iyenda mu kirometere mana ashatu, mu bhuari bwa nkaramika nina na chunda.