¹ Kuruma nasunga nyamishwa nima itayange n' enyansa nt' irikire na mahembe ekumi na mintw' erinda, na habhasirw' emahembe ae twembo ekumi,na habasirw' emintw' ae mina ikamba Ongo. ² E nyamishwa yasungang' ani abhesenga iri na bhususe bhuri ngoi; e mindy' ae abhesenga nt' iri bhuri ya nyakatama, n' ebhunu bwae bhuri bwa ntare. E kisoka chamuninka bhunkangwe, ekitumbi chae ch' ebhubhake na bhukakare bhukiri. ³ Na nasunga uma mo mintw' ae bhuri wamabhabhara kihuru ch' ikwa; eina ekihuru chae cherikwa ncho charama. E chuo kiti chabhesa mw' emutata n' iyemisa e nyamishwa njo. ⁴ Bharonjie ekisoka mpero, bhushwa n' ereninka cho ebhukakare kur' enyamishwa: bharonjie enyamishwa mpero bhebha: Inye ng' ususene n' enyamishwa, na wamukoch' ikwana nayo? ⁵ Na waninkwa bhunu bw' iebha bhinwa bya ngari na nkambao; waninkwa bhunkangwe bw' ikora mu myeri makumi anye na ibhi. ⁶ Na wobhor' ebhunu bwae mw' ikamba Ongo, mw' ikamb' erina rae, erirango rae n' ebhari mo mbingu. ⁷ Wanikwa ikwana bhita n' ebhashuururwa n' ehundisa bho. Waninkwa bhunkangwe mu kinsi kisasa, Kinsi bhea, kinsi mwebhe na kinsi nganda, ⁸ Na bhis' echuo bhati bhamuronjie mpero, imbi abheseng' emina abho nty' atiranyiwa kumunda n' ekarisi k' ekaramo k' emwan' emburi ing' wasibhurwanga etuk' entangiro y' echuo. ⁹ Amabhesa kuri ukwengi mate, worukire. ¹⁰ Amebhesa kuri warairwa etingirwa mo bhita wasenda mw' etingirwa, kw' amabhesa washura mw' obhasi, rarengeka nt' washurwa mw' obhasi. E hano ngi hari kwesumya n' erisimira r' ebhashuururwa. ¹¹ Kuruma impe nyamishwa itayange n' enyansa abhesenga ikwengi mahembe abhi bhuri bhususe bwa mwana wa mburi n' eriebha rae bhuri kisoka. ¹² Yabhesenga nt' ikorengi e bhukakare bw'e nyamishwa yaroso mpero,inji yabhesanga n'e kihuru ch'erikwa na chamarama. ¹³ Yabhesenga nt'ikorange bhishisharo bhikiri, iya m'oero rw' ehicha kasha etuka mo mbingu iy' ekwansi,mo meso e bhea. na nti bhakaengi. ¹⁴ N' abhesenga usheereshang' ebhea b' echuo mo bhishisharo abhesanga byaninkwayo ironje byo hamakako n' enyamishwa, y'ebha n'ebhea bh'echuo bharonje kamoi k' enyamishwa y' abhesanga n' ekihuru ch' erobhasi na nt' ikiri ho. ¹⁵ Na yaninkwa iyebher' ekamoi k' enyamishwa, kongo e kamoi k' enyamishwa k' ebha na bhakoch' ishur' ebhati mbi nti bhasimira ironjie enyamishwa mpero. ¹⁶ Na yaronja mbu e bhati, bhakeke n'ebhakakare, bhatumba n'ebhasene, bhari 'shu n'ebhakobhe, bhariarwe mo nsimiko mo mwine wabho w' ekwabhume ari mo mbaso. ¹⁷ Na kutabhesingi mwea wachura ari wachuya amabhesa usira e nsimiko erina r' enyamishwa ari e mwanso w' erina rae. ¹⁸ E hano ngi h'ebhuteesa. Kinsi ng' uri na bwenge wanse e mwanso w' enyamishwa. Bhushwa mwanso wa mwea, n' emwanso we nti mana mutubha makumi mutubha na mutubha.