1 Kengeko kakiri kasungwa mo mbingu momina wakandwa n' emwishi, n' emweri mo mindy' ae na nkekeni ekumi na sibhi hambasiro n'e munt' wae. 2 Abhesanga nti mukure na nt' ukuange uri mo murimo na mo bwae bw' er' ebhuta. 3 Kampe kengeko kasungwa tu mo mbingu, nasunga, kisoka kikiri cha nchama yakasha, abhesenga kiri na mintwe irinda na mahembe ekumi na habhasirw' emintwe twembho turinda. 4 E mukira wae abhesenga ukurange e mihango ishatu y'e mwanso w' esankekeni sa mo mbingu, n' irekera to mo chuo. E kisoka chasimana kubhusondori n'e momina uhunang' ebhuta, kongo charis' emwana wae, usekiya wamabhuta. 5 Wabhuta mwana wa abhume,weriranga esanganda siti na nkoma ya chuma. E mwanae wakukumirwa.kwa Ongo na mo kitumbi ch' ebhubhake. 6 N' emomina wabheke mo bweru, inko wabhesanga nt' uri ko na bhuari bwaronjeiwa bo na Ongo, kongo warireyo ko, mu matu kihumbi na man' abhi na makumi mutubha. 7 Kwabhesa bhita mo mbingu. Mikairi esangashani sae bhakwanya ekisoka. N' ekisoka n' esangashani sae bhakwana. 8 Eina bhatabhesi na maa, irenga, n' ebhuari bwabho bhutabhesi tu mo mbingu. 9 Bharekerwa, e kisoka kikiri, e nsoka ya karekare, inj' ibhikirwange mbu mushumbu na Nyamuraire, iwe ng' usheereshang' echuo kiti, warekerwa mo chuo, n' esangashani sae hima nae. 10 Norukira mo mbingu murenge mukiri webha: e ntamb' ino enchukayo yameya,hima n' ebhunkangwe, eresima ra Ongo witu n' ebhukakare bwa Kirisitu wae; bhushwa wamarekerwa, emusongeri wa bhanakitu, iwe ng' wabhesanga usongerenga bho hamakako na Ongo witu, mu mwishi na mutu. 11 Bhamamuhima bhushwa n' enchama y' emwan' emburi na bhushwa n' ekariho kabo ekuriwe, na nti ntibhashima ebhuingo bwabho iya mw' esubhah' eroku. 12 Ngy' asingwa mumoe; embingu, na bhanu mbi murikir' ekwiyo. Bhonso mo chuo na mo nyansa! Bhushwa mushumbu wahit' ekuri bhanu, urikire na bhusubhuke bhukiri, usi mb' urikire na ntambi nkeke. 13 E kisoka mor' esunga we wamarekerwa mo chuo, Wemis' emomina ing' wabhutang' emwana w' eabhume. 14 N'ebyubhi bhibhi by' enju nkiri byanikw' emomina, kongo woka mo bweru, mo bhuari bwae, inko warishiwa mwotu, matu na chunda ch' otu kore n'ensoka. 15 N' ebhunu bwae, e nsoka yarekera mecha bhuri rusi kuruma n' emomina, mw' emutiisha mundo rusi. 16 Eina e roto rwasak' e momina, Rw' obhor' ebhunu bwae, n' emina erusi ndo rwarekerwanga n' ekisoka mo bhunu bwae. 17 Ekisoka chasibhuk' emomina, na chenda karonja vita n' embuto yae, mumbi bharang' emyomba ya Ongo na 'mbi bhari n' ekariho ka Yesu. 18 Na wasimana mo misie y' enyansa