¹ Bhambese iseke rasusa bhuri nkoma, bhebha: Simana, ansa e sankaramika s' erirameso ra Ongo, erirango, nambi bhaherenga muro. ² Eina ebhuari bwa hambuka n' erirameso, usiyanga bho kumushi, n' ang' iyansa esankaramika sabho; bhushwa bwareninkw' esanganda ne bhasekimeyo n' emindi yabho mor' obhungu rwashuururwa mu myeri makumi anye na ibhi. ³ Naninka e turiho twani tubhi bhunkangwe bw' ironja bhutahwa, nti bhambara inku , mu matu kihumbi mana 'bhi na makumi mutubha. ⁴ Iya nge miseituni ibhi n' etutara tubhi twitereka mo tusuku imbi bhisimananga hamakako na Mukota min' echuo. ⁵ Amabesa usondang' ironja bho bhubhi, kasha nti kasaa mo bhunu bwabho n' erisa e bharenda bhabho; n' amabhesa kuri usondang' ironja bho bhubhi, rarengekana nt' washurwa m' umbo bhususe. ⁶ Bhakwengi bhunkangwe bw' emin' embingu, kongo kutakingi tu mbura mo matu ebhutahwa bwabho; na bhakwengi bhunkangwe bw' ebhundur' emecha mo nchama, n' esund' echuo kinsi bhususe bwa mote, kinsi kashangi kasasa bho. ⁷ Bhasekiya bhamakind' ekariho kabho e nyamishwa y' eretuk' ekwerunga yaaronjieyo bho bhita, yaahimayo bho, n' eshura bho. ⁸ N' esantundwe sabho sabhesayo mo bhutara bw' erobhungu rukiri indu rwabhikirwa mu bhususe bwe mutima bwa ku Sodoma na ku Misiri, nanko na kubha ngi kwakianga Nyerekurwabho. ⁹ Bhabhume bhamunkaty' ebhea, ebhisasa e myebhe, esanganda bhaasungayo esantundwe sabho mu matu ashatu na chunda, na batasimiriyo mbu esantundwe sabho siterekwe kumunda n'esinda. ¹⁰ Na bhushwa nabho, bhis' echuo bhasebheseyo na ngowa na bhasebhesayo n' ikokoma, na bhaserekeranayo bhisabho e bhima mu bhampe, bhushwa 'mbo bhatahwa bhabhi bhanubyang' ebhis' echuo. ¹¹ Kuruma n' ematu ashatu n' echunda, mutima wa karamo watuka kuri Ongo, waakime kuri bho, na bhasimanayo mo mindy' abo n' ebhasunganga bho bhabhesa na bhobha bhukiri. ¹² Bhorukira murenge mo mbingu washisha bho: Mutaye kuno! bhataya e kwiyo m' otundo n' ebharenda bhabho bhasunga bho. ¹³ Mo kashangi nko, kwabhesa karingiri kakiri, n' echunda ch' erekumi ch' erobhungu ch' enduka; bhea bhihumbi bhirinda bhakwa munko karingiri, n' ebhampe bhabhesa na bhobha na bhatata Ongo w' ekwiyo. ¹⁴ E mario emet' abhi eta. Sunga e mario emet' ashatu eyange tu. ¹⁵ E ngashani w' emet' arinda wabhuha mo kahanda. Kwabhesa mo mbingu mirenge mikiri yebha: ebhubhake bw' echuo bwakuruke Nyerekuritu na kuri Kirisitu wae, na wasima bhiranga na bhiranga. ¹⁶ N'ebhakungu makumi abi ne bhanye imbi abhesenga bharika hamakako na Ongo mo bhitumbi by' ebhubhake, bhindam' esambaso mor' oto, na bharonjie Ongo mpero; ¹⁷ N' iyebha: tusekushimayo, Nyerekuritu Ongo, mine bhunkangw' ebhuti, ing'uri ho, na wabhesanga, bhushwa umating' ebhunkangwe bwabhe bhukiri n' eting' ebhusime bwabhe. ¹⁸ Esenganda sasubhuka e bhusubhuke bwameya,n'e ntambi yameya y' erikera erobhansa rw' ebhakwi, y' er'ihemba e bhakori e bhatahwa, e bhashuururwa nambi bhari na bhobha bw' erina rabhe, e bhakeke n' ebhakakare n' eshiria ebhabhishanga' echuo. ¹⁹ N'erirameso ra Ongo mo mbingu r' obhorwa, n' enku yae y' endani yasungwa mor' irameso rae. kwabhesa bhimpenya mirenge, mirabyo, karingiri na mauu asuma.