¹ Nasunga impe ngashani munkangwe nt' uhitang' etukire mo mbingu, wakandwa m' otundo; hambasiro n' emunt' wae nti hari mungere, n' embaso yae bhuri mwishi; n' emind' yae bhuri nkuso sa kasha. ² Wabhesanga nt' watinge mo mine yae karisi kakeke kobhorwa. Watereka e mwindi wae w' ekwabhume mo nyansa, n' emwindy' ae w' ekurembe mo chuo; ³ Wakua mu murenge mukiri, bhuri ntare ihiyange. Warekiya wakuwa, e mirabyo irinda y' orukirwa e mirenge. ⁴ E mirabyo irinda yarekiya yamorukirwa e mirenge, Nasond' etiranya, eina norukira mo mbingu murenge weba: Tereka nsimiko mo yatikurwa mbu mirabyo irinda, ang' itiranya. ⁵ E ngashani yasungang' ani isimene habasirwa n' e nyansa na habhasirwa n' echuo, wasimany' emwine w' ekwabhume mo mbingu. ⁶ Na wasere kuring' uri ho mo bhiranga n' ebhiranga, ing' waronjang' embingu n' ebhiri ko, e chuo n' ebhiri mo, n' enyansa nambi bhirimo, mbu kusira tu kashangi. ⁷ Eina mor' otu rw' emurenge w' engashani y' emet' arinda, wasekiya wamakaso mo kahanda, e bhishisharo bya Ongo nti byabhererera, bhuri bwaturenga we o mo bhakori bhae ebhatahwa. ⁸ N' emurenge, ing' werukirang' ani etuk' ekariho, wanere tu: Enda, tinge e karisi kakeke kobhorwa mo mine y' engashani yasimana hambasiro n' enyansa na habhasirw' echuo; ⁹ Nenda kury' engashani, mw' emushisha wambesi e karisi kakeke. Na wanishisha: Tinge'ko,na mina 'ko, kasebhesa na bwae mo bhura bwabhe, eina mo bhunu bwabhe kaseshamuka bhuri bhuki. ¹⁰ Nating' ekarisi kakeke mo mine y' engashani, namina ko; karonja mo bhunu bwani nsese bhuri bhuki, eina narekia namamina ko, e bhura bwani bwarisa bwae. ¹¹ Kuruma bhanire: Rarengekana uronje bhumpe bhutahwa mu bhea bhingi, mu nganda ,mu myebhe, na mu bhabhake.