¹ Kuruma nampo, bhanakitu, mukokome kumunda na Nyerekuritu. Ntakoch'iruha moributiranyie ebhinwa bhibyabhibya na kuri bhanu bhibya karamo. ² Mukohyanga mo sambibhi, mukohyanga mo santumwa sema, mukohyanga mo bhema entibharend'ekotende. ³ Bhushe ebhend'ekotende ngi bhate ngi turonjiengi Ongo mpero mo mutima wa Ongo eutatange bhate munkati na Yesu Kirisitu, na ntitwariya mwenyihiro witu mo mubhi. ⁴ Ani hotu, ina naabhinduke na kinwa ch'iterek'emwenyihiro wani mo mubhi, amabhese umpe wasimira kweriya mo mubhi, namukocharo ani tu nguru. ⁵ Ani 'ngu nendang'ekotende mo matu munane mo roanda rwa bha Isiraeri rwe kisasa cha Benjamini, mwebhurania wabhutwa mo bhaebrania, mo myomba, mufarisayo. ⁶ Mo muho, munubhii w'erirameso ra Ongo, usira bhubhi munkati emyomba. ⁷ Ina ebhikai mbi abhesenga mwengerero kuri ani, namasungabyo bhuri iriminya bhushe na Kirisitu. ⁸ Na nasunga kinsi kikai bhuri bhusa bhushe n'ebhukome bweriteerera Yesu Kirisitu Nyerekurwani, bhushwa nacha narerisiya ebhiti na nisungange byo bhuri keto, kongo nashee Kirisitu. ⁹ Na nishekane kumunda nae, nti bhushe n'ereira rani indi ratukana n'emyomba, ina hima nandi rishekanange mo resimira Kirisitu ereira ratuka kwa Ongo mo resimira. ¹⁰ Kongo nasibha Kirisiru n'ebhunkangwe bw'erefuka rae, n'ebhunakima bw'eminubho yae, mw'ibhesa bhuri we moroku rwae morikocha. ¹¹ Na nakocha, mo refuka munkati n'ebhakwi. ¹² Nt'ebhura mbu namakindi hima, ari namakindiya hambasiro n'ebhutunganane, ina nikanyahange mwikoch'itinge, bhushe nani natingirwanga na Kirisitu. ¹³ Bhanakitu, nti nebha mbu namakindi ikocha, ina nikorange kinwa kima: yobya ebhiri kuruma, na kweriya mumbi bhiri kubhusondori. ¹⁴ Nikanyahange mokisondangy'ani morishee emuhango warebhikirwa ekwiyo wa Ongo, kuri Yesu Kirisitu. ¹⁵ Bhate bhati mbi twatunganana, tubhinduki n'emwanikiri umangu, na amabhese bhanu muri mu umpe mwanikiri, Ongo wabhusachii chaka hotu mucho. ¹⁶ Ina iya mpi iye hari bhate, mwienda munkaramika nima. ¹⁷ Nubhese bhanu bhati bhea bher'isianya, n'isindera mumbi ebhendange bhuri bhate. ¹⁸ Bhushe, kuri bhingi hbendange mubhurenda moriyango ra Yesu Kirisitu, namabwire ngendo ningi, na nebhange tu mubyo mwihicha biro. ¹⁹ Engendero yabho yabhese y'erimina, bhari na Ongo wabho ebhura wabho, bhaterekange eresima rabho mu 'mbi byakiya nkene sabho, bhanikirange ho mu bhikai byechuo. ²⁰ Ina erobhungu rwitu rurikire ekwiyo inko turindirengi hotu emwoshukayi witu Nyerekuritu Yesu kirisitu. ²¹ Ingo usebhundurayo e mubhi w'erikwehicha ritu, mwironjao ususane n'emubhi w'ebhusime wae mo bhunkangwe bhukwengi we werinoa ebhikai bhiti.