1 Bhiiya mo kirindo mo umpe mwiri we nyansa, mu chuo cha bha Gerasi. 2 Yesu warekiya uri mo bwato, wasunga kubhusondori nae mweya, watuka e ku masinda na ntwatingirwa na bhifasi. 3 E wa bhume ngo wabhesenga nturikanga e ku masinda, nti kusira tu wamumumina, nakiro mu bhurebhure. 4 Bhusha mbu wabhesanga ntwa minwa byuuma mo mindi yae, ntwakekera byo, na nti kusira tu mweya wamumusake. 5 Wamananga matu mingi, mutu na mu mwishi,e ku masinda na mo sa'ngu, ntukuwange, wibhabhayange ne makoi. 6 Wasunga Yesu kore nae, wamukanyahe, nimukomere e maru, 7 Na kwirake mu murenge wasuma: Twakwire'nki ani nabhe, Yesu, musike wa Ongo we kwiyo? nasere murina ra Ongo, angi n'inubya. 8 Bhushwe Yesu wa bhesenga ntu mwerengi: Tuka kumunda ne mweyangu, ongo kifasi! 9 Na wamushisha tu: ongo ngi nye? Rejioni nge rina rani, wamusako, bhushwe turi bhiingi. 10 Byamuhema bhonso kiro warekera bho mu kimpe chuo. 11 Abhesenga mor'ou nti kuri eimba rikiri ra tuhuwa nti ritambange. 12 E bhashumbu bha muhema: Turekere kumunda n' er'eimba re tuhuwa, kongo twakime kumunda nato. 13 Wasimira bho. Ne bhifasi byatuka, byakime mosampunu, n'er'eimba riti rirekera mo nyansa: abhesenga nti samwiya mu bhi humbi bhibhi, saminwa mo nyansa. 14 E bharangi bhe riimba bhabheka, bhansansa e mwasi mo sambungu na mo tunsari. e bhea bhenda kasunga e chameta. 15 Bhiya kwihi na Yesu, bhasunga ing'wabhesanga waris'e bhifasi e warika, wambara na myanikiri ya konda; bhatingirwa na bhobha. 16 Imbi bhasunganga e byameta bhatura e byamabhesa kuri e mwea n'ekuri esampunu. 17 Bhabhonganya Yesu watuke mu bhutaka bwabho. 18 Murikia utayange mo bwato, e mushire wasonda isiya na Yesu. 19 Yesu utamisimiri ina wamushisha enda mu mwabhe, kuri bhanakinu,na ture bho e bhiti byamakukore Mukota na bhuni ngi bwa kukukwire ngae bhoonso. 20 Wenda, ntuturange e mwasi wae ku Dekapori e bhiti bya mukorenga Yesu, e bheya bhashamikwa. 21 Yesu mo bwato wakuruka mo rumpe uharo nkumanano nkiri bhiya kwihi nae. wabhesenga uri kumushi ne nyansa. 22 Hiya mukakare uma w'esinangoki rina rae ngi Yairo, ingu, wamusunganga wahita mo bhisando byae. 23 Wa muhema nguru: mwisi ani uri mu nsanga nareke iya kamutereka mo makasa, kongo woshukara ni bhesa ho. 24 Yesu wenda nae. Nkumanano nkiri nti imubhungurange tete-tete. 25 Nti, habhesenga hari mumina uma ntu rokanga nchama rameta myaka ikumi na ibhi. 26 Wanubhanga ringi muieta mu mine y'e bhamunganga, abhesenga e bhikai bhiti nti bya mamu sire, na ntwasheenga anga na bhuhoro, warika ntusira bhuhoro. 27 Warekia werukira bhebhange kuri Yesu, wakime mo kikembe kuruma nae, waturana monchangi yae. 28 Bhushwa wabesenga ntwebhange kubha naturana ho mo nchangi yae nti nserama. 29 Muntambi ya, e nchama yakama, na werukira mo mubhi wae wasunga ntwamarama e bhukoni bwae. 30 Yesu worukira nti e maa amamutuka, wakae kuruma ne nkumanano webha, inye ngi waturana mo nchangi yani? 31 E santumwa sa musako: usera mbu turi munkati na kikembe cha bhea, na ntiushisha tu mbu inye ngi wamakuturana? 32 Yesu wa kae kumushi nae wasibhe mbu inye ngi wamakoranchi. 33 E momina watingirwa na bhoobha, hima n'ikake,mor'isunga byameta kuriwe; wa sonda ehita mo makako na Yesu; 34 Ina Yesu wamwire: Mwisiani, erisimira rabhe ramakuramya; enda mu bhuhoro, na urame mu mario abhe. 35 Warekia webhange, hiya mukakare wa sinangoki: bheya bhebhange: mwisi wabhe wamakwa, bhushwa nki unubya e muhani? 36 Ina Yesu nti waraanga mo myasi njo, washisha e mukakare w'esinangoki: kiro subhaha, bhesa n'esimira. 37 Watasimiri kinsi mweya wamutindiki, kubha ho nti Petero, Yakobo, na Yohana musiky'abho Yakobo. 38 Bheya mo numba ye mukakare w'esinangoki , himpo Yesu wasunga nkumanano nkiri n'e bhea nti bharengi n'ireker'emirenge. 39 Wakime na webha: Bhushwa nki bhanu murubhiange, na bhushwa nki bhanu murengi? e mwana nti wakwa, urere. 40 Bhamusea: washaisha e bhea bhati wasia nishe we mwana na nina nambi bhamutindikianga na wakime e muri e mwana. 41 Wamutinge mo mine, ni mushisha: Tarita kumi, ngeriebha mbu kikumi, simana n'endanga. 42 Mukashanginko, ekikumi chasimana, cha bhuch' ienda, bhushwa abesenga uri na myaka ikumi ne'bhi. Bhabhesa mu bhishisharo bhikiri. 43 Yesu washisha bho rwanko,kongo kinsi mwea watasibhingi kinwa; webha mbu bhamuninke bhiyo.