1 Yesu wabhucha tu erininkana e mahano wendende nyansa. Bhea bhingi bhiya kwihi nae wakambe ni rika mo bwato, habhasirw' enyansa. E bhea mbo nti bharika kwansi mo kirindo ch' enyansa. 2 Watangira ininka bho mahano mingi mu mwani, washisha bho: 3 Mutee mate. Mweki wa mbuto uma wiya keka, murieka , 4 Mbuto sima sakire mu nse; sariwa n'emironge. 5 Simpe sasuruke hari makoi. 6 Ina, mumatu e mwishi mwingi wakamya e mbuto njo, bhushwa n'er'iruka miri. 7 Impe mbuto yakire munkati ne menke nayo y'ekenyiwa, e mbuto njo yakama itabhuti byuma. 8 Impe mbuto ya kire hari oto rwahunda, yabhuta byuma yataya,yashuka kinsi mbuto yarisha mitundu makumi ashatu, makumi mutubha, n'iyana rima. 9 Webha tu, e uri ne mate er'iyorukira worukire. 10 Warekia uri kwesine, wabhesanga watimbwa ne ne rikumi ne bhabhi bhamushisha bhushwe ne mwani. 11 Yesu weba: Bhanu ngi muhanwa enama ya Mumbingu kwa Ongo, ina mu bhimbo bhekubhutara,bhorukirange ho mwani. 12 Bhushwa kongo bhakae ina bhatorukire bhatateereringi, kongo bhata bhundukingi n'e bhibhi byabho bhitasasirwingi. 13 Washisha tubho: nti morukir' emwani ngo? Bhuni ngi bhusorukira bhanu? 14 E mweki wekange kinwa cha Ongo. E bhima imbo bhari munkati ense,ehekwa e kinwa. 15 E ntambi yorukira bho cho, nyamurairi ntweya, n' ekuto e kinwa chakwekwanga kumunda nabho. 16 Ne bhampe b'ekange 'mbuto hari makoi. Mor' iyorukira e kinwa, bhabhese ni moa. 17 Ina bhasira miri kumunda nabho bharuka muho n'eminubho yameya ntyabishabhisha e kinwa nti bhashee ntambi sirimina. 18 Na bhampe bheka nge mbuto munkati ne menke, bhibha ngi bhorukirange e kinwa cha Ongo. 19 Ina uri ne myanikiri ye matu ne bhehe ne karawa kingi e kinwa nti charuk' ibhuto kumunda nabho. 20 Ne bhampe bheka mbuto hari oto rwahunda, ngi bhorukirange e kinwa, bhashima 'cho,n'erisha byuma makumi ashatu makumi mutuba n'iyana rima. 21 Washisha tubho, mbeti emwea wamusacha eritara mwi riaro hambasiro e bhutanda ari kumunda e ndaro? 22 Bhushwa kusira cha bhisamayo mbu chaarukayo itabhurwa na kusira nama ya bhisamayo ina e bhiti bya tabhurwayo. 23 N'e uri na mate er'iyorukira worukire. 24 Washisha tu bho,morukire shu e mwasi uno,engerero njo irengechange ongo mu bhampe ngi yaarengechiwayo ongo. 25 Bhushwa bhaninkayo ungo euri na kikai ina ingu usira wasenyakwa yo n'ekiri nae. 26 Webha tu: nti bhura mbwe bwami bwa Ongo bhuri e mwea e wekanga embuto muroto. 27 Nakiro wenda toro ari wakeresha e mbuto ina yamashuka na mineyo nti usi. 28 E roto rubhutange rwesine bhisu,miti e tukobya, n'e mbuto kumund' e tukobya. 29 E ntambi e chuma chamase nti henda nseo bhushwa nge muri e bhio. 30 Washisha tu bho:mususanya e bwami bwa Ongo na kini kikai ari na mwani nki washea bhate? 31 Bwasusanyiwa na mbuto ya haradari e ya mekwa muroto na kubha nge nkeke mu sambuto siti, 32 Ina entambi ya shuka nti yabhe nkiri nguru irenga e miti iti ni bhese na ntabhi sikiri-sikiri,nenironge ye kwio nti yarika muto. 33 Mu myani mingi yasusa bhuno, ngyabhesanga ihanange mo we bho, iyemisanya n'ekara k' er' imorukire. 34 Wabhesenga were hobho mu myani ina kwesine ntwansonsomore e sa ntumwa sae. 35 Er'otu ndo mwi yoro Yesu werebho,twete mo umpe mwiri we nyansa. 36 Warekia wamakindi enja e bhea bhamurisha mu bwato. N'ehari we nti hari ampe mato. 37 Kwatuka nsusa nkiri y'esunda mo bwato, ehntambi njo e bwato bwabuch' erisa mecha. 38 Nae nt'urere kubasirw' ebwato bhamusimo ni mushisha, e Muhani, ongo nti urae murikwa ritu? 39 Wasumuka wafine e mibhimbi ni shisha e nyansa kobha, kiro tenga tu ne nsusa ye ndeha, ekuti kwabhebhera. 40 Washisha tubho, bhushwanki mukwa koha? bhuni ngwaruka bhanu erisimira? 41 Bhasubhaha nguru nabho bhashishana, inye tungu ne mibhimbi nayo ekeme n'enyansa bhimorukirengi?