¹ Yesu wakime tu mwirameso wakumana wabhume uri na mwine wasamba. ² Ba mwendere mw'isunga kubha wasemuramya e r'otu rw'e r'iruhuka; kongo bhamusonda imusongere. ³ Yesu washisha e wabhume e uri ne mwine wasamba: Simana, hiha hamunkati. ⁴ Kuruma washisha bho: rakomenwa, ikora 'shu otu rw' er' iruhuka ari ikora byema, mwi shukaya mwea ari mwishura? Ina bharika nti bhakobha bhatasaku. ⁵ Yesu watambya e meso munkati nabho mwikae na bhonso, Muntambi iyaiya wasunga er'isuma re mitima y'abho washisha e wabhume;oro emwine wabhe,woro e mwine,E mwine warama. ⁶ E bhafarisayo bhatuka,bhakia nama hima ne bhaherodia mwisonda inse yi mushura. ⁷ Yesu wishika ne bhemisa bhae kumushi ne nyansa. Bhea bhingi bha ku Gariraya bhamwemisa; ⁸ Na ku Yudea, na ku Yerusarema na bha kwindumea niteana ku Yorodani na bwendende ku Tiro na ku Sidoni, bhea bhingi, bhorukira e bhiti bhikorangewe bhiya ka mwemisa. ⁹ Watonde e bhemisa bhae bharike nti bhari na bwato bhushwe bhamenda kakutwa-kutwa ne bhea. ¹⁰ Nambu, Bhushwe, e bhuramya ngewe bhea bhingi e bhati e bhasambange e bhari ne makoni bhesicha kuriwe kongo bharama. ¹¹ E bhifasi, e ntabhi ya musunganga bho, bhihicha mu makako ae na bhabhuchi' ikuwa: ongo ngi musike wa Ongo. ¹² Ina wa hangire bho nguru kiro bhamu shea kuri e bhampe. ¹³ Wataya tu murou, wabhikira e bhemisa bhae, nabho bhia kuriwe. ¹⁴ Warondora ikumi na bhabhi, hima nae. ¹⁵ Mw' etuma bho katura emwasi hima na bhunkangwe bw' ihensa e bhifasi. ¹⁶ Sunga e rekumi ne bhabhi: Simoni, wamubhikira mbu Petero, ¹⁷ Yakobo, musike wa Sebedayo, na Yoana, musike' abho Yakobo, iwe wanikwa rina ra Boanerge,ngiri ebha bhasike bha mirabyo. ¹⁸ Andere; Firipo; Bariteremayo; na Matayo; Tomaso; Yakobo musike wa Arufayo ;Tareo ;Simoni wa Kukanana. ¹⁹ Na Yuda Esikariote, e wasubhuranga Yesu. ²⁰ Bhenda e kunumba, ne kikembe che bhea cha kumanana tu, mwiya na mungerero y'ifund' irisa. ²¹ E bhabhuti bha Yesu, bhakia bhamarukira e byetange, bha mwemisa mbu bhamutingi, bhushwe bhebhange mbu nti uri na bwenge. ²² Na bhaandiki bhahitanya ku Yerusarema, bhebha: urisere Berseburu; bhushwe iwe mukiri we bhashumbu kisingwa wahensanya e bhashumbu. ²³ Yesu wabhikira bho, na were bho mu myani:bhuni mushumbu wamukochi ihensa umpe mushumbu? ²⁴ Kuti e bhubhake bwi bhanya mo,e bhubhake mbo bhutamusimana. ²⁵ Na kuti e nyumba yi bhanya mo y'esine itamusimana. ²⁶ Kubha mushumbu wi kwanyisha wisine,ntwibanya, ntweshiria na ntwa shire mpo. ²⁷ Kusira mwea wamukochi kime ni shokora, mu numba ya munkangwe kuba ntwa mumina; bhumbo ntwashokoro e numba yae. ²⁸ Nibhushishange muriira, e bhibhi bhiti byamusasirwa kuri e bhana bhe bhea, ne sankambao e byari shimabho; ²⁹ Ina uti uti wakambayo e Mutima mushasha utasasirwiyo: wakerwi ubhansa rwa bhubhi rwe matuati. ³⁰ Yesu webha bhubho bhushwe bhebhanga: mbu urisere n'eshumbu. ³¹ Bhiya nina na bhasike bhabho, nti bhasimana ha bhutara, bhatuma ntumwa ka mubhikira. ³² Ntwatimbwa na bhea bhingi, bhamwire :sunga, nsoko na bhasike bhinu habhutara bhakusondange. ³³ Wasubhie bho: Inye ngi koyo, na bhanye ngi bhasike bh'itu? ³⁴ Kuruma' na'mpo wakae kuri'mbi bhamutimba: sunga, koyo na bhasike bhitu. ³⁵ Bhushwa ,kinsi ukorange e risasa ra Ongo, ungo ngi munakitu, mwis' itu, na koyo.