¹ Kuruma na matu nti makeke,Yesu wakuruke Ku Kapernaum, ² Bhorikira mbu uri munumba, bhatumana bhea nti bhakeke ne bhuari bwa ku bhusondori ne rubhi nti rutamukochi erumira bho. wature bho kinwa cha Ongo. ³ Bheya bhiya kuri we, bharisha mukoni wa rumbosa nti warierwa na bheya bhanye. ⁴ Mwisunga mbu bhata kochi imwiya mo, bhushwa n'ebwingi bw'ebhea, bhatobhora e mambio e numba e mwabhesenga we,na bhahicha mu mweha ngo e watobhoranga bho, e ntange yabhesenga yariya e rukata. ⁵ Yesu, erisunga e risimira rabho, webha ne rumbonsa: mwana 'ni, e bhibhi byabhe byama sasirwa. ⁶ Habhesengampo nti hari bhandiki, bhabhesenga nti bharika e kwansi, na nti bheshishange kumunda nabho. ⁷ Bhushwa nki e mwea uno webhange mbu? wakamba Ongo! Inye wamusasira bhibhi kuti nti Ongo wisine? ⁸ Warekia wamasibha mo mutima wae ebyanikirange bho kumunda nabho,were bho: bhushwa nki bhanu muri na myanikiri irimbu mo mitima inu? ⁹ Kinki chahunda iyere erukata: ebhubhi wabhe wama sasirwa, ari, iyebha: simana tinge ntange yabhe enda? ¹⁰ Namurishea musibhe mbu e mwana we mwea uri na maa isasira e bhibhi: ¹¹ Were erukata simana tinge endaro yabhe enda mu mwabhe. ¹² Na mukashangi nko, wasimana watinge endaro yae, wasaa munkati ne bhati, mwisunga mbu ebhati e bwabhesanga bho mu bhishisharo bhataata Ongo bhebha: tutanga sunganga kiri mbu. ¹³ Yesu wenda wendende n'e nyansa. nkumo nkiri yamwemisa na wahana bho. ¹⁴ Mwieta wasunga Rawi musika wa Rufani ntwarika mo numba y'emikongoro, wa mwire; nimise. Rawi wasimana wamwemisa. ¹⁵ Bhakiya bharisange mwa Rawi, e bhakongori bhe horo ne bheya bhema nabho bhenda karisa nae. hima ne sa ntumwa sae bhushwa bhabhesenga bhingi e bhamwemisange. ¹⁶ E bhaandiki ne bhafarisayo bhakia bhasunga Yesu urisange ne bhakongori bhe horo hima ne bhasene ,bhashisha e santumwa, Bhushwanki ongo urisange hima ni omo ne bhakongori be horo ne bhasene? ¹⁷ Yesu wakia worukira, werebo:nti ebhankangwe ngi bharaa mu munganga ina ebhakoni. Nti narehie ebhea bhe riira ina e bhabhi. ¹⁸ E bhemisa bha Yohana ne bhafarisayo bhabhesanga bhararisa mw'ihema,bhiya ka shisha Yesu: bhushwa nki e bhamisa hima ne bhakongori bhe horo bhatinanga irisa? ina e bhemisa b'abhe bhatatinanga irisa? ¹⁹ Yesu wasubhie bho: e bhira bh'emuherucha bhamufund'irisa emuherucha Yesu uri nabho? muntabhi bhari nabho bhatamutina irisa. ²⁰ E matu asiayo e muheruki wakiya wamenda bhasetinayo irisa e rotu ndo. ²¹ Kusira mwea wamukocha iranda kebhe cha nchangi kishasha mu murekani wa karekare, e kebhe kishasha nti chabhenga nguru enchangi ya karekare. ne ribhereka nti ra suma nguru. ²² Na Kusira mwea nti'mbo e mau ntyabhenga e bhibya. N'e bhibya hima n'e mau nti byarimina. Eina rakomenwa iriya e mau mashasha mu bhibya bhishasha. ²³ Rwakiya rwamiya otu rwiruhuka,Yesu weta mumashwa a bhuhi. E bhemisa bae bhabhuch'inoa etukobya. ²⁴ E bhafarisayo bhashisha: kae, bhushanki e bhemisa bhabhe bhakorange otu rwiruhuka? ²⁵ Yesu wasubhie bho: nti morukiranga e mwasi wa Ndauti warekiya urikire mo murao werikira rwaka, iwe ne bhabhesenga hima ne; ²⁶ Bhuni ngi bwakimengabho mwirameso ra Ongo mo matu e mukakare we mpero Abiatari, na bharisa e tumbonsa twa murirango. Twakomenwa mubhakakare bhe mpero erisa to waninkana abhesanga bhari nae! ²⁷ Washisha bho: rwe turu rwe ruhuka rwaronjiwanga bhushwe bwe mweya, Ina nti e mweya e rotu rw'e r'iruhuka. ²⁸ Bhushwe emwana we mwea ng'emukakare na kubha w'er'otu rw'er'iruhuka.