¹ W'ire tu bho, nabwire mu reira bhima mumbi bhari hano bhatakwiyo nti bhasunga e bwami bwa Ongo bwiya na bhunkangwe. ² Kuruma na matu mutubha, Yesu watinge Petero,Yakobo na Yohane wenda nabho kumushi hambasiro er'ou. ³ E nchangi s'ae sa sana na murisanando nti bya mu chuo kino ngi bya musana bhumbo. ⁴ Eria na Musa bhasaire bho, niebha na Yesu. Petero webha na Yesu: e Muhani witu, chakomenwa turike hano, natwimbe tumbara tushatu, ⁵ Kima kabhe, kima ka Musa na kampe ka Eriya. ⁶ Baruka ch'iebha bhushwa koha. ⁷ Otundo rwasikebho, na murenge wasaa murutundo:uno mwanani, mumwerikire. ⁸ Himpo e bhamisa bhakae kumushi bhasunga munkati nabho Yesu w'esine. ⁹ Bhakia bhahitang'er'ou Yesu washishabho anga bhatura mwasi w'e bhinwa byamasunga bho iya er'otu rwasefuk' ehmwana w' e mweya. ¹⁰ Bhabhika e kinwa ncho, ina bhashishana erifuka mu bhakwire ngenki. ¹¹ Bhemisa bhamushisha bhushwa nki, e bhandiki bh'ebhange mbu Eriya useyayo kasa eraroso? ¹² Wasako bho: Eriya waseya eraroso, n'itunganya kinsi kikayi. na chatiranyiwa bhusha nki mbu musike wa Ongo wasenubha ringi n'inenwa? ¹³ Ina nabw'ire mbu Eria wariya na bharimukore e bwasasa bho, etukana n' e bwatiranyiwa cho ekuri we. ¹⁴ Etambi warekia bhameya, kuri bhemisa bha Yesu, bhasunga kikembe kikiri cha bhea na bhandiki bhakiange bhuhaka nabho. ¹⁵ Bharekia bhasunga Yesu, bhisarima bheya tete kamukea. ¹⁶ Washisha bho: bhuhaka nki bhukiange bhanu? bhanu mwe bhanange munki? ¹⁷ Abhume munkumanano wa musako: e Muhani nakurisha kuri ongo musike wani watingirwa n'eshumbu. ¹⁸ Kuri ntambi nti r'endura emwan'e kwansi, e mwana ntwatunj'ehuro n'eshiish'emeno, nt'wasusa na bhuri wamaninke. Nakuhemanga 'santumwa sabhe bhamuramye, bhahense er'eshumbu Bhakufundwa. ¹⁹ Yesu wa shisha bho, owanda rwa bhasir'esimira, nsebhayo ninu, ibhusake iya runi otu? mumurishe; bhomurishie we. ²⁰ E mwana warekiya wasunga Yesu, e kifasi chamuteya nguru, n' e musund' e kwansi wabhundukana n' utunjange ehuro. ²¹ Yesu washisha Ishe matu anga bhino byabhucha? Wasako; itukire e bwana bwae. ²² Ntambi e kifasi nti chamurekera mo kasha, na mo mecha mwisond' imuya. Tusaki umasasa. ²³ Yesu wamw' ire: umakocha, e bhiti byakocheka kuri 'ngu wasimira. ²⁴ Kuruma mpo, ishe w' emwana wakuwa: nasimira, nsaki mo bhubhi bwani. ²⁵ Yesu mor' isunga we 'bheya, wafin' e kifasi: Ongo kifasi tuka mo mwana uno na kiro mukurukeyo tu. ²⁶ E kifasi chatuka n'ekua nguru, n'imutenja rasuma. E mwana wakobha bhuri wamaninke, bhingi b'ebha mbu wamakwa. ²⁷ Yesu wamutinge mo mwine, wamusimanya na wasimana. ²⁸ Yesu warekiya wamakime 'munumba e bhemisa bhamushisha bhushwa nki twakufundwanga? ²⁹ Yesu w'ire bho, kino er' ituka racho rasonda mahemo. ³⁰ Bhatukire mpo, wakunduka ku Gariraya. Yesu wabhesenga utanga sonda mbu bhamu sunge. ³¹ Bhushwe wabhesanga uhanange 'santumwa washisha bho: e mwana we mweya waninkanwayo kury'e bhea na bhasemuya, matu ashatu kurum' er' ikwa rae usefuka. ³² Eina e santumwa nti sorukira ncho kinwa, bhasubhah' imushisha. ³³ Bhia ku Kapernaumu bharekiya bhari e munumba, Yesu washisha bho: bhuhaka nki ngi bhuri rero mo bhanu mo munse? ³⁴ Bhabhebhera: bhushe mo munse bhabhesanga bh'ebhanange mwisibha inye nge 'mukakare. ³⁵ Warika, wabhikire er' ekumi n'ebhabhi washisha bho kubha mweya usondibhesa waroso, wabhesanga wa hende mo bhati na mukori w' ebhati. ³⁶ Watinge mwana, wamuria munkati n'abho waerikia wamamutinge w'ebha: Kinsi mweya 'ngu wakoke uma. ³⁷ Kinsi ngu wakoke uma mo bhana bhano, ntwanikoke. Nang'wanikoke ntukokengi ingwarintuma. ³⁸ Yohana wa mushisha: e Muhani twamasunga mweya uhensange bhifasi mo rina rabhe, twamamufine bhushe ntwemisanya n' itu. ³⁹ Wasako: kiro mumuhangire; kusira mweya wamutiko, rina rani, na webha bhubhi kury' ani. ⁴⁰ E nti watutuma nti witu. ⁴¹ Na kinsi ngwabhuninka osara rwa mecha iyomo mo rina rani, bhushwa bhanu bhana Kirisitu, mor' eira watarukiyo ohembo rwae.. ⁴² Kubha, mweya wariminya mo bhakeke mbi, wakomenwa iminwa ikoi h' ikoti n' itawa mo nyansa. ⁴³ E mine yabhe yamabhesa ntyamusingwa urimina, nt' ukera yo. ⁴⁴ Riari ekime mo bhubhake kirema ekiya wenda mo kasha. ⁴⁵ Kubha emwindi wamusingwa urimina, nt' ukerao. ari ikime mo mbingu kirema mor' ienda mo kasha na mind' ibi. ⁴⁶ Hari kusira funza na kusira kasha. ⁴⁷ Na kubha e riso rabhe ramusingwa urimina, kura ro. Riari kuri ongo usie na riso rima, mo bhubhake ekiya ubhesi na meso abhi na utawe mo kasha. ⁴⁸ Kuunko e kasha kasira erima. ⁴⁹ Bhushe inko kinsi mweya wabhesi omini rwa kasha. ⁵⁰ E mukwa wakonda; eina wamaruka ichoke, ntiwamuriarwa mo kikai nki uhunde? Mubhesi mukwa bhanu bhesine na bhesine na mubhesi na bhuhori munkati n'inu.