¹ Mumatu ngo, nteko nkiri yakumanana tu na nti bhasira chi risa, Yesu wabhikira e santumwa, na werebho: ² Niri na bhonso mo nteko nji; bhusha matu ashatu ngi bhari kumushi nani, na bhasira ch'irisa. ³ Namakurucha bho kukwabho na nti bhakurisa, bhatabhesi na maa mo mu'nse; ⁴ E bhemisa bha Yesu bhamusako: Kuni kwamushee bho tumboosa na hano turi mu bweeru? ⁵ Yesu washishabho: Bhanu Muri na tumboonsa tunga? Bhasako mbu: Turinda. ⁶ Yesu warikech'ebhea haansi,wakasanyie e tumboonsa n'ikerato byunda byunda na waninka e santumwa sae, bhabhanyii e bhea. ⁷ Bhabhesanga nti bhari na bhikwa bhikeke wakasanyie byo n'ibhanyie e nkumanano. ⁸ Bhati bharisa n'isukuta. Bharia mu mitundu irinda ya byoombo. ⁹ E bharisanga bhabhesenga nti bhari bhea bhihumbi bhinye. Yesu wakurucha e nkumanano. ¹⁰ Kuruma naampo wataya mo bwato n'e bhafuku bhae bhehenda ku Darmanuta. ¹¹ Ebhafarisayo bhakia bhuhaka na Yesu n'imukonga washee bho kengeko kima ke kwiyo. ¹² Yesu wahumura nguru mu mutima wae n'iebha: Bhusha nki e rubhuto runo rwasonda kengeko. Nibhushishange mor'eira; mutusungi kengeko mor'obhuto runo. ¹³ Nawatuka munkati naabho, na wataya mo bwato, mwisoka m'umpe mwiiri. ¹⁴ E bhafuku bha Yesu bhobyanga iria mu tumbonsa; nti bhari ho na kambonsa kima mo bwato. ¹⁵ Yesu waninka bho e mwomba uno: musheerenga kore ne micho ye bhafarisayo nanji ya Herode. ¹⁶ E bhemisa bha Yesu bhabhesenga nti bhaanikirange n'iebha: bhusha tusira tumbonsa. ¹⁷ Yesu wakia wamakengura bho webha: Bhusha nki bhanu mwanikirange mutumbonsa e tusira bhaanu? Bhaanu musira bweenge n'iterera? bhanu muri na mitima y'ifund'isimira? ¹⁸ Bhanu muri na mitima 'suma? muri na meso mutungakae? Bhanu muri na mate,mutungorukira? Na bhaanu musira bwenge? ¹⁹ Mitundu inga ya tumbonsa yakurianga bhaanu e ntambi yakunoanga 'ni e tumbonsa tusano mu bhea bhihumbi bhisanu? E bhafuku bhae bhasako: Ekumi n'ebhi. ²⁰ N'e ntambi yakunoanga 'ni e tumbonsa irinda mu bhea bhihumbi bhinye,mitundu inga ya byuunda bya tumbonsa yakuria bhaanu? Bharinde, Bhasako mbu irinda. ²¹ Washisha bho: mutungorukira ho? ²² Bhenda ku Betesaida;bharishie Yesu kihumihumi bhamukonga wamuturane mo. ²³ Watinge cho mo mine wenda hekura nae, waria nte mo meso ae, wamuriere e mine n'imushisha usunga nki. ²⁴ Wakae n'iebha: Nisungang'e bhea bhuri miti yendange. ²⁵ Remeta bhi Yesu wamutinge mo meso wakae n'isunga shu. ²⁶ Nampo Yesu washish'emwana wakuruke kukwabho anga weta mo rubhungu. ²⁷ Yesu wenda n'e bhafuku bhae mo rubhungu rwe mwami Firipo na washisha bho mo munse: E bhea bhebhange mbwani ngi nye? ²⁸ Bhasako: Yohana Murubhiki,bhampe Eria na bhampe uma mo bhatahwa. ²⁹ Na bhaanu mwebha bhuni kuri ani? Petero wamusako: Ongo ngi Kirisitu. ³⁰ Yesu watinisha bo mbwangi ture mwea e mwasi ngo. ³¹ Nampo wabuch'ihana bho umbwasekia emwana we mwea wanubha nguru,waatinwa n'e bhakungu bhe rubhungu ne bhafarisayo, wasekwa n'ifuka kuruma na matu ashatu. ³² Washisha bho e bhinwa mbyo na shushu nampo webha na Petero wesine. ³³ Yesu wakae e bhafuku bhae,wahakanya Petero n'iebha: eta kuruma nani mushumbu bhushwa mbu utunga nikira bhinwa bya Ongo ina bya bweya. ³⁴ Wakia bhama bhikira e nkumanano ne bhafuku bhae,bhashisha bho: e wahun'inemisa witune wesine,warie e riango rae na wantuche. ³⁵ Bhushwa ingwashima ioshukaya e bhuingo bwae waariminya bho,nangu wariminyayo e bhuingo bwae bhushwa ani ne mwasi wakonda wa ramyayo bho. ³⁶ Chakome munki e mwea washee e chuo kiti n'iriminya e bhuingo bwae? ³⁷ Kinki chamwengana nebhuingo bwe mwea? ³⁸ Bhushwa kinsi mwea ngu wasenkwireyo nkene ne bhinwa byani munkati na kino kiranga che bhabhi e mwana we mwea wamukwiri hotu nkene,kubhusondori ne sa ngashani e rotu rwa heende, mo bwime bw'Ishe.