¹ Yesu watuka hiha ,wenda mu bhutaka bwa ku Yudea. iteana ku Yorodani. E bhea bhabhesa nti bhamutimba tu, n' itukana n' e mwenjo wae wabhuch'ihana bho. ² Bafarisayo bhiya bhamutea bhinwa,bhamushisha: rakomenwa mu wabhuume ihensa mukari we? ³ Wasubhie bho: Musa wabutiranyienga e mitiro bhuni? ⁴ Bhasako: Musa wasimiranga imukiere mitiro y'esiana. ⁵ Yesu w'ire bho nti bhushwe n'e mitima yinu yasuma chasingwanga Musa wabhushisha mbo. ⁶ Ina muntangiro,Ongo wabhumbanga wabhume na momina. ⁷ chasingwa e wabhuume usesiayo ishe na nina nt' warandakana na mukari, ⁸ nambi bhabhi bhasebhayo mubhi uma. ⁹ Bhushwa mbu anga mwea wasianya inchi chakumanya Ongo. ¹⁰ Bhakia bhari mu numba,santumwa se samushisha tu mumbyo bhinwa. ¹¹ Wasubhie bho: ing'warikita mukari we na watinge umpe,wakia usingirwa. ¹² Na kubha momina wasia moke na wabhingwa n'ompe,nt'wakia osingirwa. ¹³ Bhamurishie e bhana, wakasanyii bho. Ina e santumwa se sahangise e bharishanga bho. ¹⁴ Yesu wayongwa, washisha e santumwa se: mureki e bhaana bhakebhake, kiro muhangire bho, bhushwe e bhubhake bwa Ongo bwambi bhasusa bho. ¹⁵ Nabhushisha moreira,utukoch'isunga e bwami bwa Ongo kubha ntususana nambi bhaana. ¹⁶ Warembera bho n'ikasanyie bho. ¹⁷ Yesu wakia uri mo nse,abhume uma weya n'ikome maru mumakako ae wamushisha e muhani: bhuni bwamukia nakime mu bwami bwe matuati? ¹⁸ Yesu wamushisha: umbikira wakonda? hari wakonda uma ngi Ongo wesine. ¹⁹ Ong'osi e myomba? kiro usingirana, ang'ishura, ang'ishuma, ang'iebha manko, angi hote umpe mwea,tunda so na nsoko. ²⁰ Wamusubhie:muhani,e bhiti mbyo nemisa byo itukire mobhusike bwani. ²¹ Yesu wamukae,wamushima ni mushisha: urosa kinwa kiima,enda,chuya e bhikwengi ongo,ninkabyo e bhasene,ub e na inku ko kwiyo. Ikinda mpo,un'emise. ²² Ina wasunga bhubhi mukinwa ncho,wenda nti ti wamoa bhushwa wabhesanga uri na bhehe bhiingi. ²³ Yesu wakae kumushi,washisha e santumwa se rasekaramayo mumbi bhari n'e bhutumba ikime mu bwami bwa Ongo. ²⁴ Santumwa sashishara mumbi byabhesanga byebhange we. Yesu webha, ²⁵ Ratamba kuri muna mpunda ikime mo kiribhu ch'enandi kurenga e mutumba ikime mu bwami wa ko kwiyo. ²⁶ E santumwa sashishara tu, bhebhana inye ngi woshukari? ²⁷ Yesu wakae bho webha: nti byakochekana mo mweya, eina kuri Ongo byakochekana. Bhushwa e bhiti byatamba kuri Ongo. ²⁸ Petero wamushisha:sunga twamasia bhiti twamakwemisa, twasheeyo nki? ²⁹ Yesu wasako: nabhushisha mureira,kisi mwea e wakutuka bhushwa ani na bhushwa we mwasi wakonda na wasia e ndikaro ye,bhasike bhabho na bhisi bhabho,mbe nti nina,ishe wae ne bhaana ne mashwa,hima na minubho, ³⁰ Usehembwayo iyana hano hansi ,na mu matu asiyayo bhuriki bwe matu ati. ³¹ Bhingi mumbi bharoso bhasebhesayo bhahende,nambi bhahende bhasebhesayo bharoso. ³² Bhakia bhari mo munse ienda ku Yerusarema na Yesu kubhusondori nabo,e santumwa sashishara bhamwemisa na koha. Yesu waria erikumi na bhabhi kumushi ne,wabhucha ishisha bho mumbi bhisemwiyere. ³³ kae twataya ku Yerusaramu,e mwana we mwea useninkanwa mo bhakakare bhe mpero na mu bhandiki. Bhasemushura na bhasemuninkana mumbi nti bhasimira. ³⁴ Bhasemucharika,nimuture nte,bhasemuhumba mihumbo na bhasemushura kuruma na matu ashatu wasefuka. ³⁵ E bhasike bha Sebedayo,Yakobo na Yohana bhiya kumushi na Yesu bhamwire: tuhunange utukieri e bhisekonga bhaate. ³⁶ Wasubhie bho: bhanu muhunange nikie bhuni? ³⁷ Tuhunange turike uma mu mombo wabhe w'ekwabhume n'ompe mu mombo w'e kurembe,ukukiya umabhese mo ntambi ukubhesa mu bwime. ³⁸ Yesu wasubhie bho,nti musibha e bhikongange bhanu. Muk'omo e rusara rusomo ani mbe nti rubhikwa imbu bhuserubhikwa ani. ³⁹ Twamukocha,Yesu wasubhie bho:mukomo rusomoyo ani, na mukurubhikwa bwaserukwa 'ni; ⁴⁰ Mumbi bhamubhesa kwabhume nani na kurembe nti byatukana nani,ina mumbi e bhabhikirwanga byo. ⁴¹ E rikumi mor' iyorukira bhumbo,bhasubhuke Yakobo na Yohana. ⁴² Yesu wabhikira bho,washisha bho. Imbi bhasungwa bhuri bhakakare munkati e bhea, bhanubyange nambi bhakakare bhasimanire bho. ⁴³ Ntinge bhumbo,munkati niinu ing'usondange ibhesa mukakare munkati niinu wakore bhaampe. ⁴⁴ Naangu washima ibhesa waroso munkati niimu, wabhesi ntumwa ye bhati. ⁴⁵ Bhushwe e mwana we mwea wiyanga nti kakorerwa, ina mwikore n'eninkana e bhuingo bwae mo bhea. ⁴⁶ Yesu ne sa ntumwa bheya ku Yeriko na warekiya watuka kuro n'e santumwa sae, Musike wa Timayo ngi Bartoromayo, kihumihumi warika kumushi ne nse. ⁴⁷ Worukira mbu Yesu wakunasareti. Wabhucha'ikua: Musike wa Daudi Yesu,nkwiri bhonso. ⁴⁸ Bhabhesa nti bhamurorobhanyange ina wabhesa nt' ukuwange nguru: musike wa Daudi, nisasire. ⁴⁹ Yesu wasimana webha: mumubhikire, bhamubikira. bhamushisha: simika ukubhikirange. ⁵⁰ Wataa e nganju yae,wasimana,wiya kuri Yesu. ⁵¹ Yesu wa mwere,nikukie bhuni?, e muhani, nihunange nikai. ⁵² Yesu wamwere: erisimira rabe ramakuramya,wakae wemisa Yesu.