¹ Ku Betania, kumushi ne rou rwe misabhibhu, Yesu, were ntumwa sae sibhi wa shisha bho: ² Mwendanga morubhungu eruri kub usondori ninu, mukukiya mukime mu'ro,mukusunga muna mpunda waminwa na neki ntwatairwa na mwea, mu mo bhoranga na mumurishe. ³ Ne wase bhushisha mbu inki nge kikiange bhanumpo, mumweri mbwe mubhake ngwamuraamo. ⁴ E santumwa sarikia samenda, sakumana muna mpinda ntwamina hambuka kwihi na rubhikumushi, mo munse, bhamubhora. ⁵ Ne bhabhesengampo bhashisha: inki nge kikiange bhanu mpo? na bhushwa 'nki mwobhora e mpunda? ⁶ Bhasubya bhuri bwashishiwanga bho na Nyerekurwabho. Bhareke bho bhenda. ⁷ Bharishie Yesu e mpunda, bhansanso muyo esa nchangi sabho na Yesu wataya hambasiro nayo. ⁸ Bhea mingi bhansansa esa ngombe sabho mo munse na bhampe bhakera ntabhi sa miti mo mashwa 'bho murimukoke. ⁹ Ne bhabhesenga bha musondore ne bhamusiere kuruma bhamusimbengi: Hosanna! Watatwe e wiya morina ra Mukota! ¹⁰ Bhutatwe e bwami wiya, e bhusime wa Ndauti tita witu! Hosanna! Musandikaro sikiri sikiri. ¹¹ Yesu wakime ku Yerusalemu monumba ya Ongo. Wakia wama sibha mbwe kashangi kameta, wenda ku Bethania n' e bhemisa bhae kumi na bhabhi. ¹² Mo mukomakoma, mor' ituka e ku Bethania, Yesu worukira rwaka. ¹³ Kore wasungu muti urisere masani, wenda, wabhungurao muribha wamushee kikai, nchumo yema muri saa kwihi nao utashei anga na chuma, wasunga ho kikai kima nty' e bhisu, bhusha abhesenga nti matu ebhuta. ¹⁴ Webha nishisha e muti, kutabhingi yo mweya washei byuma bhirisa kuri ongo e bhemisa bhea nti bhorukirange. ¹⁵ Bhiya ku Yerusalemu, na Yesu wakime mu numba ya Ongo. Wabhuch' ihensa ebhati e bhabhesenga bhachuyange ne bhachurange mo numba yishe; wasansa e matanda ati e mwabhesenga muchuyengi bho e tukoyi n'e tumpite. ¹⁶ Ntwasierenga na mwea e kashangi kerisombo e bhikai bya mo numba ya Ongo. ¹⁷ Wabhuch' ihana bho n'ishisha bho: chatiranyiwa bhuno,e numba yani yasebhayo numba ya mahemo mo bhea bhati. Ina bhaanu mu bhundura yo numba ya bhiibhi. ¹⁸ E bhakungu bhati ne bhandiki mor' iyorukira e bhinwa mbyo bhamwendere nama y'imushura bhushwe e kikembe nchi chatingirwa na bhobha murirukira e mwenjo ngo. ¹⁹ Mo murisisi Yesu watuka mor' obungu. ²⁰ Mo mukoma-koma murikuruka rabho,e santumwa se sasunga e muti wakukama itukire e kwitina na mo masani. ²¹ Petero wasubhukia e byakwetanga,washisha Yesu: e muhani, kae e muti waherayo oongo wamakama. ²² Yesu watinge e kinwa washisha bho: musimire e bhinwa bya Ongo. ²³ Nabhushisha muriira. e mwea wameebha kubha wasimira na kwitingire kuri Ongo, n'urikire na nsimiro,wamushisha e rou,tukampo enda mo nyansa,ne kinwa ncho nti cha bhererera. ²⁴ Nge chasingwa nabhushisha, kinsi chakongayo bhanu morisimira,musibhanga mbu chamabe ho na muusunga cho. ²⁵ Na mukukiya mu masimana mw'ihema,kubha oongo urikire na bhuyongwa na mwea,musasire,kongo tita witu shemine ku nchukari wakusasira. ²⁶ Ina e watina isasira munachabho,iso wabhe wa mombingu nae watakusasiri. ²⁷ Bhenda tu ku Yerusaremu e ntambi Yesu warikiya utambange mo numba ya Ongo ,e bhakungu e bhati, e bhandiki ne bhakungu bhiiya kuri we. ²⁸ Nimushisha:inye mwami ngwakushisha ukie bhikai mbi na inye ngwakuninka e bhunkangwe bw'er'ikia byo? ²⁹ Yesu wasubhie bho: naabhushisha kinwa kima,munisubhii kongo nabhushea e wantuma nikore e bhikai mbi. ³⁰ Erirubhika ra Yohana rasaire mo mbingu ari kuri e bhea? ³¹ Ina bhaanikira bhesine: twamasubie mbu mombingu,weebha bhushwa nki mutin' enisimira? ³² Na twamasubhie mbu mwana we bhea, bhasubhaha bhushwe e bhati bhasubhaha Yohana ng'usibhirwe bhuri mutahwa. ³³ Bhasubhie Yesu : nti tusi; na Yesu were bho:naani nta bhushei e wanininka e bhunkangwe bhuno.