¹ Yesu washishabho mu myani. Mweya uma weka mirime, Watimbyayo rukumbu watunganya muringa, Watereka mo bhahingi wenda. ² Mo matu er'iko watuma mwea kuri e bhahingi bhamurebheke mo mbuto. ³ Bhamamutinge, bhamukama n'imukurucha bhumbobhumbo kusira kikai. ⁴ Watumire tubo impe ntumwa, bhamukama n'imuya nkene. ⁵ Watuma umpe wabhashatu nae bhamushura na bhampe bhakamwa nishurwa. ⁶ Nt'uri na musike we ewashimae nguru. wamutuma kuri bho ntwanikirange mbu bhasebha na usubhahwa kuri we. ⁷ Ina e bhahingi mbo bhebha bhesine na bhesine sunga mine mwandu wiya tumushure kongo twasiya ne mwandu usebha witu. ⁸ Bhamutinge, bhamushura ni mutaa kwendende erishwa. ⁹ Kinki kisekora Nyerekurwabho wameya? Washurayo bho n'eninka e mirime bhampe bheya. ¹⁰ Nti mur'isoma e kinwa nchi. Er'ikoi rataw'anga n'e bhumbi, rabhunduke ikoi ha nkuso. ¹¹ Mor'isasa ra Mukota ngi mwarebhunduke ro. ¹² Bhasondi mutinge ina bhasubhaha e kikembe ch'ebheya bhateerera mbu Yesu webhang' e mishumo njo. bhushe nabho, bhamusiya na kweire. ¹³ Bhatuma kuri Yesu bhima mubhafarisayo na bhaherodia kongo bhamwekenya mo bhinwa byae wesine. ¹⁴ Bheya kamushisha: e Mukota, tosimbu ongo w'eira na ntwi'anyie mwea bhushe utukaenga ensusanya y'emwea n' 'ongo hanange ense ya Ongo mureira. Rasimisirwa ari anga itundja kodi y'e mwami. ¹⁵ Yesu wasibha e bhukongobhanya bwabho: wasakobho: Bhushwa nki bhanu munerekange? mundishii e kichere ncho nikai mucho. ¹⁶ Bharisha kima, na Yesu washishabho: yanye ensusanya ino n'emitiro ino? Bhamusako mbu ya Kaisari. ¹⁷ Na'impo w'irebho, muninke Kaisari bya Kaisari na Ongo bya Ongo, Bhashishara n'e bhinwa byae. ¹⁸ E Bhasandukayo imbi bhasi mbu kusir'efuka b'ehie Yesu bhamushisha bhuno: ¹⁹ E Mukota kae byebhanga Musa: Musiky'abho mwea wamakwa na wasia mumina n'usira mwaana nti wamutinga n'ibute munachabho bhaana. Musike wabho wakomenwa ibhinga e mushumbakari kongo wamubute bhana. ²⁰ Kuri bhasike bharinda bhana bha bhura bhuma wa roso webhinga, wakwa nti ntwabhuta. ²¹ W'emet'abhi wating'emushumbakari nae wakwa anga mwaana, ²² Bhenderana iya mo webharinda. Anga uma mubati bharinda wabhuta. ²³ Kuruma n'e bhati, e mumina nae wakwa. Er'otu rw'er'ifuka, E mumina ngo wabhe yo wanye? Bhushwa e bhati bhamutingenga bhuri mukari wabho. ²⁴ Yesu wasubhiyebho: nti murengwa-rengwa nti murikorukira e mitiro ne maa a Ongo, Bhusha erifuka n'e bakwire. ²⁵ E bhabhume bhatabhingi tuyo n'ebhomina bhatabhingwi tuyo eina e bhati bhabhindukeyo bhuri ngashani ko kwiyo. ²⁶ Bhusha n'erifuka rebakwange nti muri soma ekarisi ka Musa. Ongo wamushisha mu nkeko yominange. Ani ngi Ongo wa Abrahamu Ongo wa Isaka na Ongo wa Yakobo. ²⁷ Ongo nti Wambi bhakwa, ina w'ebhari ho, bhanu muri mu ndengwa-ndengwa. ²⁸ Uma mo bhandiki bhabhesanga bhorukirange ebhuhaka, wasiba mbu Yesu wamasako e bhasandukayo ishu. Weya kwihi na Yesu, wamushisha: uni nge momba waroso mo iti? ²⁹ Yesu wasubhie uno nge muomba waroso Orukira e Isiraeri, Ongo witu nge Mukota wesine. ³⁰ Shima Mukota, Ongo wabe mo mutima wabhe uti mo mianikiri yabhe na mo maa abhe ati. ³¹ ch' emet' abhi ngikino, shima munakinu wishima ong' wesine bhusha kusira myomba mikiri irenga iya. ³² E mwandiki wamushisha nanki e Muhani w'ebh'eira Ongo uma ho hasira umpe iwe ho. ³³ Ne rimushima ne mutima uti ne mwamkiri uti, n'e mubhi uti, ne maa ati ni shima munakinu bhuri ong' wesine byarenga ohembo na bhinsinso. ³⁴ Yesu wasunga nt'wamasako na bwenge, w' ebha: nti ongo urikire kore n'ebubake bwa Ongo. kutasungwi tu mweya washisha. ³⁵ Yesus wenderana n'ihana mo mor'irameso webha: bhuni ng'webhange 'bhandiki mbu rukombora musike wa Ndauti? ³⁶ Ndauti wesine, nt' uri mo Mutima mushasha webha: Mukota webhanga na Nyerekuritu: Rika mo haro rw'ekwabhume iya mu ntambi unante e bhashumba bhabhe. ³⁷ Ndauti wesine umu bhikirange mbu Mukota iwe musike we mu nki? Nakikembe kikiri nti kiri na ngowa y'imorukira. ³⁸ Wabhesanga uhanange bho mo mahano ae: mwirange n' e bhandiki. Bhashima ebunga bhambara Sareha n'ikeiwa mu mwengere. ³⁹ Bhashima bhitumbi bya roso mo s'emahemo matu makiri. ⁴⁰ Bhashamburange ma numba e bhashumbakari n'ihema mahemo mare-mare. Bhasekererwa y' obhansa rwasuma. ⁴¹ Yesu warika kumushi n'enku y'er'ohembo ntukaengi bhuriyange bho e bhehe mo nku. e bhatumba bhataa mo siingi. Wasunga mushumbakari uma, ⁴² Waria Kumunda ne nku byunda bibi bya bhehe chunda kima mu bhinye by'etukoi. ⁴³ Yesu wabhikira e bhafuku bhae w'ire bho: Nibhushishange mor'eira e mushumbakari uno ng'wamakuto bhingi. ⁴⁴ bhushwa e bhati bhamakuto mo bwingi bw' e bhiri nabho, eina iwe wamakuto e bhiti bhikwengi rero we mor' ibha we ho.