¹ Yesu wakiya wasaa mo numba ya Ongo, uma mo ntumwa sae wamushisha: Ongo sungange ho e makoi ne bwimbe mbu! ² Yesu naye wamusubhiye: mo bwimbe bhukiri mbu kutasiiyo ikoi habhasirwa na rimpe. ³ Wakiya wamarika habhasirwa e rou, wabhucha mushambaro na Petero, Yakobo,Yohana na Andere, nabho bhamushisha. ⁴ Tushishe e bhinwa mbyo byaasungwayo runi otu na kinki ngi chaabheyo e kiteerere e bh'eribhererera byo? ⁵ Yesu wabhuch iere bho: kiro ihuswa, bhea bhingi bheyayo mo rina r'ani na bhahusayo bhea bhingi. ⁶ Kwabheseyo myasi na tumensimensi twa bhita, iina angi-subhaha, bhusha ibya byaakomenwayo ho isungwa. ⁷ Na chasekwanayo ntingi hende neki . ⁸ Chuo chaa kwanayo na kimpe chuo na kweeta yo turingiri mu turambo twingi na rwaaka rwingi eina bhibya nge ntangiro ye wae. ⁹ Mukohyanga. Bhaabhutarishayo mu ndushu sa mansa na bhasebhuhumbeyo mo numba sa Ongo; Mutondesayo mu makako na bhahanga na bhabhake, bhusha ne rina rani, risibwe. ¹⁰ Mu raroso e kinwa chakonda chaturwayo mo bhea bhati. ¹¹ Bhakiyayo bhabhurisha mw'ebhusibhura anga kweshishirisha bhusesubhie bhanu, hihahiha e Mutima Mushasha waabhuninkayo musubyo. ¹² Mweya waashiayo munachabho wakwe na ishe e bhana wamushiayo; e bhana bhatinayo bhishe nishura bho. ¹³ Mubhawayo nebhati, bhushe 'rina rani, iina ingu wabhe yo na muho more ngi woshukari. ¹⁴ Mukiya yo musunga e bhubhi mbu wahambike wakime impi hatamurikange bho, kinsi ng' usi soma wakohyanga imbi bhaakumanwayo ku Yudea bhabhekenga habhasirwa nesangu. ¹⁵ Ingu wakumanwa ha mambiyo watasiki tu eringa kikayi mo mwae. ¹⁶ Nangu uri e kwishwa watakurukiyo tu karinga nchangi e kumbuka. ¹⁷ Mo matu ngo bhonso kuri ebhakuri n'e bhabhire muhemanga kongo atabhengi matu a mabhura. ¹⁸ E wae we matu ngo bhusesuma yo irenga e matu ati ameta, na kuta bhesiyo tu bwae bwasusanyiwa nambo. ¹⁹ Na Mukota watamakehyange mu matu ko kusira ingu wamushukarange, ²⁰ wakehyanga e matu bhushwa na mbi bharondorwa. ²¹ Mweya wamakushishayo mbu Kirisitu uri hano ari uri hiha angi risiya. ²² Bhushe kweyayo bha Kirisitu bha bhushukishuki na bhatahwaa bha manko bhasekiyayo tushingishiro na bhishisharo mw'ehusa ebarirondorwa kongo ramukochekange. ²³ Mukohyanga namakindi bwire e bhiti. ²⁴ Mu matu a, e wae wamasira, e mwishi waakimeyo mo mwirimya n'e mweri utasakiyo. ²⁵ E sa nkekeni saahukayo, n'ebhunkangwe bwa mo mbingu bhuserubhayo. ²⁶ Kuruma naha twaasunga yo e Mwan'emweya nt' uhitange mu mwanya na bhunkangwe bhukiri ne bhuhime. ²⁷ Ngi haakiya yo warebheka e sa ngashani na wakumanyayo imbi bhari rondorwa nae bha mo sankaro siti sinye iya na hende 'chuo na hende 'mbingu. ²⁸ Mwihane iyetire e muti, bhusha e sa ntabhi sae sa makindi etito, n'ebhisu byama bhucha ishuka, nti musibha mbu mishi irikeya. ²⁹ E bhinwa mbyo byamabhucha isungwa, musibanga mbue mwana we Mweya weya, uri hamuyango. ³⁰ Nibhushishange iira, e rubhuto runo rutashiririyo ne bhinwa mbyo nti nesi byasungwa. ³¹ E mbingu n'echuo bhiseetayo eina e bhinwa byani bhiteetiyo. ³² kusira ng'usi erotu n'entabhi, nakiro ee sa ngashani nakiro musike wa Ongo, iina Tita wisinie ng'usi. ³³ Mukohyanga, mubhesi n'ikeresha hima n'ihema, bhushe nti bhanu musi entambi. ³⁴ Bya bhunduki bhurikanga mweya uma watuka mo mwae, wenda oendo, wasiyere e bhafuku bhae e bhukakare wae, washea kinsi mwea e murimo wae, washisha e murangi we rubi watahuniringi. ³⁵ Bhusha nti bhami mwosi e rotu rweyayo mine numba, isiba kubha murisisi, nkatinkati e bhutu, ari muranga, ari mukomakoma. ³⁶ Murikanga na koha, watabhukumani nti mumahunira, bhusha weyayo nsisu. ³⁷ Kibhushishange ani cha komenwa kuri e bhea bhati: Angihumira.