¹ E r'otu rukiri rwe Pasaka ne rwe tumbonsa intu nti turi na ntero rweya mu matu abhi kuruma. E bhakungu n'e bhandiki bhasonda bhuni bhusetinge bho Yesu muri mushura. ² Bhushe bhebha: ritabhesengi mu rotu rukiri rwe ririsa ni omo, bhushwe e bheya bhamutuhakanya nitukuanya. ³ Nambu bwa bhesenga Yesu ku Betania, mo numba ya Simoni e mubhembi , momina uma wakime, muntambi ye ririsa. abhese wa tinge kibya chakonda, e kibya chabhesenga nti kiri na rungo rwa bhusi bwasuma; wabhera ekibya wakubhurero mo muntwe wa Yesu. ⁴ Bhima mu santumwa sae bionga ni eba: bhushanki wabhishabhisha e rungo? ⁵ Rwamuchukange manashatu sa mpai, ni ninka to e bhasene. Bhahakany'emomina ngo. ⁶ Iina Yesu webha : mumureki. bhushwa nki bhanu mu mukwanyange? wakundonje'e kinwa chakonda; ⁷ Bhushwa bhanu muri ne bhasene bhinu kirotu, na mu makorebho cha hunda e ntambi ya shima bhanu, bhanu musira 'ani kirotu. ⁸ Wamakora'nchi cha kochae; wakutangir'isingo e muntwe w'ani mo risinda. ⁹ Nabhushisha mu reira, e kuti 'nko kwaatu kurwi e mwasi wakonda, mo chuo kiti, bha turio mwisubhukia e byakoranga e mumina'ngu. ¹⁰ Yuda ngi Isikarioti, uma mo re kumi na bhabhi, wenda kuri bha shebhakungu bhakakare, kongo wasibura Yesu. ¹¹ Bharekia bha makindi mwerukire, bhabhe na ngoa, na bhamuraa imuninka bhehe. Yuda wasonda ntambi insi sakomenwa muri musibhura. ¹² E r'otu rwa roso rwe tumbonsa tusira ntero, e rotu rw'ekibhimbi che pasaka, 'bhemisa bha Yesu bha mwiire: kuni kwashimaongo twendi kakuronjie 'Pasaka? ¹³ Watuma bhabhi mo sa ntumwa sae,washisha bho: mwendi mo rubhungu; mukumana wabhume waria kisha cha mecha,mumwemise. ¹⁴ E hasekime we, mushishe mine numba: Nyerekuritu webha: hani ngi haserire ani e kibhimbi ne sa ntumwa sani? ¹⁵ Na use bhusheya e chumbi riry'ekwiyo, e bhitumbi bhiti bhiriho: hiha hase turonjee bhanu ekibhimbi. ¹⁶ E santumwa senda, bhiya mo robhungu, na bhakumana e bhikai e bwerengawe bho; na bhatunganyanya e kibhimbi. ¹⁷ Erorisisi rwakia rwamia, wiya ne rikumi n'ebhabhi. ¹⁸ Bharekiya bhari mo bhutanda,na nti barisange ,Yesu webha: nabhushisha mo reira,uma mu bhanu waanisibhura. ¹⁹ Bhatingirwa na katingitingi, na bhamwire: uma ne umpe: mbe nti ani? ²⁰ Wasubhie bho: uma morikumi n'ebhabhi, e urubhiengi hima nani mo ntengi. ²¹ E mwana we mwea wenda itukana nambo bwatiranyiwa cho kuruwe. ina bhonso kuri 'ngu usesibhura e mwana we mwea! rakonda utamubhutwange. ²² Bharekiya bharisange, Yesu watinge e kambonsa. na kuruma ner' ihema wabhengaa e kambonsa; waninka bhoko, na weba: mutingi uno nge mubhi wani. ²³ Watinge e rusara; na kuruma nihema, waninka bho, ne bhati bhomo. ²⁴ Washisha bho: ino nge nchama yani, nchama ye ndani mu bhea bhingi. ²⁵ Nibwirengi mor'eira, ntomuyo tu mumecha e byuma, iya mo rotu rusomoyo ani mo bhubhake bwa Ongo. ²⁶ Kuruma nesimba e rumbo, bhenda mo r'ou rw'e miseituni. ²⁷ Yesu w'ire bho: bhanu bhati muku saansansabhanayo, bhushwe ratiranyiwa: nahumbayo e murangi, nesa mburi siti sansabhanayo. ²⁸ Ina, kuruma n'er'ifuka, nsebhusondoreyo ku Ngariraya. ²⁹ Petero wamw'ire: e ntambi bhati bhasekubheka, ani nta kubhekiyo. ³⁰ Yesu wamw'ire: nakwire mo riira, runotu, muno mutu, bhusondori enchongore ibhikire, ukubhesa nt'umantuna met'ashatu. ³¹ Ina Petero wasako nguru: bhushwe rakomenwa ikwa hima nabhe, nta kutuniyo. Bhati bhebha bhumbo. ³² Bhenda tu ku Gesemani, Yesu werebho misa bhae: murike hano, mu ntambi ya hema ani. ³³ Watinge hima nae Petero, Yakobo na Yohana , Wabhuch' isubhaha nabhuch'ikwa bhobha n'ititimane. ³⁴ washisha bho: e mutima wani uri na bhonso mwiya muntambi ye rikwa;,murike hano na nti bhanu muhemange. ³⁵ Warekiya wamakia nkaramika sima kubhusondori, windame kwansi, ni hema mbu, ramakocheka, e r'osara r'uno runetiri kore. ³⁶ Webha: Aba, tita, kinsi kikai chakocheka kuri ongo, nkuturi kore e rusara runo! ina, nt'isasa r'ani, ina e byashima ongo. ³⁷ Wiya kuri e santumwa sae, wakumana bho nti barere, na w'ire Petero: Simoni, ongo rere! nt'ukukocha ihema nani ntambi nima! ³⁸ Mukereshe ni hema, kongo mutukimingi mu myereko, e mutima uri na maa ina e mubhi mutetera. ³⁹ Weshika tu, wa hema tu. ⁴⁰ Wakuruka tu nti bhakiri bharere , ne meso abho abhesanga nti amaritoha. Bharuka chi musako. ⁴¹ Wiya rameta shatu,wa shisha bho: mwekindi ke, na muruhuke! rarengekana! e ntambi iya, sunga e mwana we mweya wasibhurwa mo mine y'ebhabhi. ⁴² Musimane, twendi; mukai, ingu waanisibhura uri kwihi. ⁴³ Na warekiya ukiri w'ebhange, Yuda wiya uma mor' ekumi na bhabhi, hima nae na nkumanano nti bhari na myere na nkoma bhatumwanga ne mukakare we rirameso, ne bhandiki hima n'e bhakungu. ⁴⁴ Ingu waamusibura waninkabo kengeko: ingu wa koke ani,ngiwe; mumutingenga. ⁴⁵ Mo r'iya r'ae , washeere kuri Yesu, weba: emuhani! wamukoke. ⁴⁶ Himpo bhamutinge. ⁴⁷ Uma mumbi bhabhesanga ho, murisunga ie bhamukamange, wanyonyora e mwere wae mo rubho, wakaso mufuku uma we mukungu n'imukera e kote. ⁴⁸ Yesu, watinge e kinywa, were bho: mukwiya bhuri bhanyai, na myere na mihumbo, mor'inikwanya. ⁴⁹ E matuati nibhesanga ninu, morirameso ra Ongo nihanange nti Bhanu munorukirengi. Ina bhushwa ebyatiranyiwanga bhibhe rereshiwe. ⁵⁰ E ntambi injo e bhati bhamubheka. ⁵¹ Musike uma wamwemisa, ntwibhumbe murekani mu mubhi wae bhamutinge; ⁵² Ina wishunura mo nganju yae, wabheka munkaanga. ⁵³ Bharisha Yesu mo makako e bhashebhakungu, mo nkumanano ye bhakungu bhati, Bhabhakungu n'ebhandiki. ⁵⁴ Petero wa mwemisa kasoka iya na kumunda ne bhutara bwe shebhakungu mukakare; warika hima n'ebhafuku, na ntunyukarange kasha. ⁵⁵ E bhakungu bhakakare hima ne bhashandukayo bhasonda bhinwa bhi muhambike kongo. bhamuya, bhatashei byo. ⁵⁶ Bhusha bhingi bharisha bhinwa bya manko kuri we, ina e bhinwa mbyo nti bhitanga simirana. ⁵⁷ Bhiima bhasimana, bharisha bhinwa bya manko, niebha: ⁵⁸ Twamwerukiranga ntw'ebhange mbu waakakura e numba ya Ongo eimbwa ne mine ye bhea, na mu matu ashatu nti wimba impe e nti yumbwa na mine ya mwea. ⁵⁹ Na kiro mukinwa ncho bhatarukirwi. ⁶⁰ Nampo e Shebhakungu mukakare, wasimana munkanti nebhea, washisha Yesu, wa mwire: ntusako kikai? Inki ngi cha kwebere bho che manko e bhea mbi? ⁶¹ Yesu wakobha, utasubyi kikai. shebhakungu mukakare wamushisha, n'emwire: ongo ngi kirisitu, mukasanirwa mwana wa Ongo? ⁶² Yesu wamusubhiye: ngi ani. na mukusunga e mwana we mwea wa rika muruharo rwe mombo we kwabhume we bhunkangwe bwa Ongo, nt' utukange kwiyo. ⁶³ Nampo e Shebhakungu mukakare wabhengaa e sa nchangi sae, nishisha: bhanu musondange wabhushishe tu bhuni? ⁶⁴ Mwerikira e bwa tukambae. e bhati bhebha na kubha mbu wakwe. ⁶⁵ Bhima mu bho bhabhucha imuture nte, ni mu bhumbura e mbaso, ni musunda nkundo nguru, ni mushisha: Teerera! nebhakori bhamushee mwimukaso bhihi. ⁶⁶ Muntambi Petero ntu ri e kwansi ha bhutara, heya mukori uma wa momina we shebhakungu mukakare. ⁶⁷ Wasunga Petero nti unyukarange kasha, wa mukae, ni mushisha: naongo, nti ubhesenga hima na Yesu munasareti. ⁶⁸ Petero watuna, webha: nti nosi,nti nateerera ebhisondange iyebha ongo.wasaa ha bhutara mwienda hari kisusu. e nchongore ya bhikira. ⁶⁹ E mukori we momina, warekia umusungange, wamwere tu re meta'bhi:uno uma mu bho. wamutuna tu. ⁷⁰ Ntambi nti nkeke, e bhabhesenga mpo bhashisha tu Petero: eira ongo uma mo bheya'mbo, bhushwe ongo mu ngariraya. ⁷¹ Wabhuchi ihera ni sere: nti nosi emweya ngo e washange bhanu. ⁷² Kuruma nampo,rem'abhi, e nchongore abhikira Petero wasubhukia e byamushishanga Nyerekurwabho: kubhusondori e nchongore ibikire met'a enchongore yabhikira: uku ntunayo meta shatu. Mor'isubhukia mbyo, ware.