¹ N'eeba: Rukira, mwami wa Yakobo, n'e babake bee numba ya Isiraeri, nti kuri banu ngi kwa musungwa e rukero rwe mansa? ² Muyongwa e byahunda na bushima e byema. Muhora bo e roohu n'itunja minunku mu makua. ³ Murisa nyama ye bea bassni, muhora bo erakoba, n'itanda e makuwa ae; baronja buri mbi bya tekwa mu munaa, buri nyama mu mahiya yakasha. ⁴ Himbo baakuere Mukota, iina utasubio; wabisi e mbaso yae mukashangi nko, busha e bibii bya koranga bo. ⁵ Ngi bweba Mukota mu butahwa buriminyange e bea baani, basheyange buhoro kuba e meno abo a bure mukikayi; na bebebange biita kuba kusira chariya bo mu meeno. ⁶ Busha byoo, mukushee mutuu...n'isheirwa biingi. mukushee murimya n'e mirabyo. E mwishi waabingi te mu batahwa mbo; ba sisirwayo. ⁷ Basheiwange banki byi yeeba, ba ongo baasuwa bati babumbi e rusana; busha Ongo utasubyiyo. ⁸ Iina ani, nirisere maa, mu mutima wa Ongo, n'irisere iira n'irimirwa, muisheya Yakobo bubi bwae, na Isiraeri mwema kuriwe. ⁹ Murukire kino, baami bee numba ya Yakobo, n'e babake bee numba ya Isiraeri, banu-mbi murisere iira naambi basimya kisi chamupese chae. ¹⁰ Banu-mbi mwumba Sioni na nchama, na ku Yerusaremu na bubi. ¹¹ Baami babo bari muumbi bisunwange ho, bakunguu babo, bahanengi m'ohembo, n'e batahwa babo bakiange butahwa bwa behe; na b'ereka kiiseke kwa Mukota, beeba; Mukota nti uri munkati niitu? Tutanga kumanwi tu na bwasuma. ¹² Ngi chasingwa, busha baanu, Sioni wahingwa buri kisambu, Yerusaremu waabunduke chunda ch'ikoi, n'er'ou rwe rirameso rwaabumbirwa na miiti.