¹ V 1 Waronduwa ng' uanikirange byema na kwiusumya ibika byema murisisi. Mukomakoma bakora byo bushwa bari n'e bukakare mu mine. ² Baraa mu mashwa; na bitingirengi, ma numba, binyairengi; bakorengi beya bubi na mu numba yae, mu bea na mu myandu yae. ³ Ngi chasingwa bweba Mukota: Sunga bwanikirange ani byema mu rubuto ndu; mutukeri makoti na butungenda riume, busha matu ema eya. ⁴ Mu matu a baaburenjei mishumo; bakui na mirakasero beebi: bate twa bakwa; baninka na e muhango webeya bani. batu baka, babanyie bashumba bitu bisambu bitu. ⁵ Ngi chasingwa utusheiyo mweya wa tai muri w'irondora mu rirameso ra Mukota. ⁶ Kiro itunja utahwa. bweba bo Batatunja utahwa wa bikoi byambo; Ikuanura ritasiri. ⁷ Umuereka iyeba mbo, numba ya Yakobo? Mukehya e mutima wa Mukota. Ngi bu sisimyanga we? Binwa bya ni nti byahunda muungu uri muriira? ⁸ Itukire kare, beya bani bakorengi bo buri bashumba; Banu mutunjange e muri we sa nchangi yaambi betange shu murituka e ku bita. ⁹ Banu buhesanyange e bomina be beya bani mu manumba abo, mubakae tubonsobonso twabo maaa Ongo. ¹⁰ Simana, eenda. busha nti hano tu ngi heriruhuke, busha n'e rinyara, mukusunga bwahe, bwahe mbu bwasuma. ¹¹ Mwe wamakimirwa na mutima wa manko, naa kuninka utahwa mu mau, mu rutukuu. waabese mutahwa. ¹² Naa kutuma hima; O Yakobo, Naa tutuma hima nkuni sa ku Isiraeri; naa sonja bo buri buri sa murangi umaho, buri iimba mu r'okero rwabo; kwa abesi changa kiingi cha bea. ¹³ Ungu wa noa wasondore bo muritaya; bashambura, bakime mu rubi n'isaa; mubake waabo wasonderi bo, na Mukota warika mu mintwe yaabo.