¹ Byeeyi mu matu arikubusondori, Er'ou rwe numba ya Mukota ironjiwa hambasiro n'e sanguu tu kiiki twataya kwiyo, n'ebea baakumananiyo mo. ² Bea bingi beyi nko, n'iiyeba: mwiye tu basee e rou rwa Mukota, mu numba ya Ongo wa Yakobo kongo watuhanisa sanse sae, na kongo tweta mu sanse sae. na kongo tweta mu sanse sae, busha Sioni waarisha mwomba, n'e kinwa cha Mukota ku Yerusaremu. ³ Wabese mukera mbasa wa bea biingi, mushunguri wa byuo bya maa byakoree, Baseesa e mburumburu muibesa tukenge n'e matumo mw'ibese mukushu. Uanda ndurutasubiriyo tu baampe. mwere, na batahani siwi tu biita. ⁴ Kisi mweya waarimisi mu kisambu chae na mu musabibu wae, na kusira waa mushosha bwisha e buuno bwa Mukota ngi bwebange. ⁵ Iina kisi nkumo yenderengi mu riina r' e kamoi kabo, baate twenderengi mu riina ra Ongo Mukota wiitu wee matuati n'e matuati. ⁶ Mukota weeba mbu; mu rootu mdoo, naa sobosobo e bibande naa sonja mbi bahensi wanga, imbi banubyanga ani. ⁷ Ebibande naasiyabo byoombo; Ebahensanyiwanga Nkumo ya maa; na Mukota waasima kuri boo, mu r'ou rwa Sayuni, itukire mu kashangi kano n'e matu ati. ⁸ Na oongo, ndisho yee r'eimba, kakiiiki ka kikumi cha Sayuni, kuri oongo ngi kusesaire, ku kwabe ngi kwahiye eyo irikererwa ndi ra kare; E bwami bwa kikumi cha ku Yerusaremu. ⁹ Bushwa nki tu Ong' urakasaange tu? Oong' usira tu mwami, na bahani, ngi chasingwa urikira bwahe buri momina usonding' ibuta. ¹⁰ Kikumi cha Sayuni nuba n'ibibe buri momina ng' ubutange. Busha mukasha ngi kano, ukutuka mu r'obungu rukiri n'ienda karika mubisa mbu; Weeyi nakuba ku Babironi, ngi kwashukari oongo, ngi kwa kukutuchi Mukota mu mine yee barenda babe, ¹¹ Sunga bwakiya beya biingi bitumatuma mw'ikwana nabee: Bita sibwi, bwebange bo, n' e meso yitu asukute isunga Sayuni. ¹² Iina ntiosi bihakange Mukota. Utangasiba e mahano ae; basera bwakianga watumatuma bo buri bikanda bya mirime mbi bya rembeshiwa. ¹³ Kikumi cha Sayuni, Simana n'inyata. Naa kuronja ihembe rachuuma na byaana byafesa, na usinganyi beya biingi; urishie butumba bwabo kwa Mukota; butumba bwabo kuri Mukota wee chuo kiiti.