¹ Yesu washisha esantumwa sae, ritamukocheka nti hiya isitara, ina nchumo yema kuringu urishange ro. ² Ramuhunwange kuriwe nti bhamina ikoi murikoti rae nanti bhamutaa mo nyansa, kuti wasitayanga uma mumbi bhakeke. ³ Mukaenga shu bhanu bhesine kubha munakitu wamakia bhubhi, mukuruche, na kubha wasie bhubhi musasire. ⁴ Na kubha wakukore bhubhi ngendo sirinda na weya kahema musasiro ngendo sirinda uhwi musasira. ⁵ Esantumwa sashisha Mukota: tuninke ngendero yesimira. ⁶ Na Mukota webha: kubha mumubhesengi n'isimira bhuri chuma cha haradari mumwebhange na muti kuka enda kianda mo nyansa , Wamubhurisiange. ⁷ Inye mu bhanu, uri na mufuku uhingange ishwa ari urishange bhituana, wamumwerengi e ntambi yerituka e kwishwa iya tete enda karisa? ⁸ Utumumw'ire bhumpe,esumye undonjei bhiyo bya mw'iyorioro, kuruma 'mpo w'eteki n'iomo nti namakind'erisa? ⁹ Ongori ne simira kuri e mufuku ngu bhushi wakiyayo e byashishiwangae? ¹⁰ Na ongo e ntambi yakia ongo e bhiti byashishiwanga ongo, ebha: bhate bhakori bhusa twamaronja e byamukorange bhate. ¹¹ Yesu wenda ku Yerusalemu weta munkati ku Samaria na ku Gariraya. ¹² Wakiya ukimengi mor'obungu, bhabhembi ikumi bhiya kuriwe, bharika kwahehe bhakua bhebha: ¹³ Yesu muhani tusasire! ¹⁴ Wakiya wamasunga bho washishabho: mwendi mwishee kuri e bhashe bhakungu. Bhakiya bhendange, rasungwa nti bhamarama. ¹⁵ Uma mubho, wasunga ntwamarama, wakuruka kuruma katata Ongo. ¹⁶ Wanda e maru mo makako a Yesu, nae wamusasira. abhesanga musamaria uma. ¹⁷ Yesu webha:erekumi nti bhakurama? ne bhampe mwenda bhari kuni? ¹⁸ Wamabhesa ho e mweri uno mo r'iya katata Ongo? ¹⁹ Wamushisha: simana enda er'isimira rabe ramakuramya. ²⁰ E bhafarisayo bhashisha Yesu, runi otu rusiyayo e bhubhake bwa Ongo, wasubiebo: e bhubhake bwa Ongo bhutangiya mwikae ho. ²¹ Bhate bhiyo mbu uri hano, uri hiha e bhubhake bwa Ongo bhuri kumunda n'inu. ²² Webha ne santumwa: matu asiyayo mukusondayo esunga ematu emwana we mwea mtusungiyoo. ²³ Bhasekw'ire yo uri hano uri hiha, ang'ienda ko, kiro kanyire ko. ²⁴ Bhushe bhuri e kimpenya chetanga nakisanange kwendende na kokwiyo nangi bhusebhayo e Mwana we mwea otu rw'eyi we. ²⁵ Ina rihunange kasa ntwanuba riingi nanti watinwa n'e r'obhuto runo. ²⁶ Ebyebhesanga mo kiranga cha Noa bhiseyayo tu mo kiranga ch'e mwan'e mweya. ²⁷ E bhea bhabhesanga nti bharisange hima niomo, nti bhabhingange nibhingisha e bhana bhabho iya mo r'otu rwakimenga Noa mo bwato, e mbura yiya, yashiria e bhiti. ²⁸ E byeyanga mo kiranga cha Roti bhiseyayo tu. e bhea bhabhesenga bhomongi n'irisa, nti bhachurange n'ichuya nti bhekange hima n'eimba. ²⁹ Ina e rotu Ruti watukanga ku Sodoma, mbura ya kasha yake etuka ko kwiyo yashiria e bhiti. ³⁰ Ngebhusebayo tubyo e r'otu ruseyayo e mwan' emweya. ³¹ erotundo kinsingu uri mu mambio na uri na bhikai mo mwae, kiro wahita mw' eringa byo, nangu usebhesayo uri e kwishwa kiro wakuruka kuruma. ³² Mwanikire mukari wa Ruti. ³³ Ingu wasondayo iramya e bhuingo bwae wariminyayobo, nangu wariminya bo washeeyo bho. ³⁴ Nabhushisha mor'otu ruro bhea bhabhi bhasebhesayo ntange nima uma waringwayo nompe nti wasiya, ³⁵ Bhomina bhabhi bhasebhesayo nti bhoorange bhuhi, uma waatingirwayo nompe ntwasiya. ³⁶ Bhabhume bhabhi bhasebhesayo bhari kwishwa uma watingirwayo nompe nti wasiya. E santumwa samwire: kuni kusebhesayo e mubhake na wasubhiebho: kuni kusebhesayo e mubhingo, esebhesayo hima. ³⁷ Wamushisha, urikuni, Ongo? nae wasako: e kusebhesayo e kinda ngi kusekumananeyo bhana 'nju.