¹ Yesu wakerebho mwami uma, murishea mbu bhahwi hema, na ang' ireke. ² Webha: kwabhesenga kuri mukeri wa mansa mu bhungu ruma nti ti wasubhaya Ongo na nti nt'waraa mu mwea. ³ Na mundo ubhungu nti kuri na mushumbakari uma wiya kamushisha: nikeri e rubhansa ani n'emushumba wani. ⁴ Wabhesenga nti utinange, weshisha nakiro nti nasubhaha Ongo na nti naraa mu mwea. ⁵ Ina bhushe e mushumbakari utiyanga mo ntabhi, na mukere e rubhansa, kongo kiro wiyayo tu kanikiere bhurunga. ⁶ Mukota webhatu: e rukira e byebhange e mukiri we sa mansa. ⁷ Na Ongo utakeriyo obhansa mumbi bharirondorawe, e bhamukongange mu mwishi na mutu. ⁸ Nabwire, wakere yo bho ubhansa ina mo ntambi emwana wa mwea usiyayo, wakumanayo isimira mu chuo? ⁹ Webhatu e mushumo, kongo bhea bhima bhasimira mbu bhabhesenga bheira, na nti ntibhakiya bhikai bhima mu bhampe. ¹⁰ Bhea bhabhi bhataya mwirameso kahema: uma nti mufarisayo nompe mukongori wa horo. ¹¹ E mufarisayo wahema bhuno wesine, ongo Ongo nikutatange bhushi ani nti niri bhuri e bhampe bhea bhanyai, nti bhasimira, bhasingirani na bhuri ngu e mukongori we horo. ¹² Ni konganga r'eritina erisa ngendo sibi mo r'eingo, nininkananga enima yerikumi mo bhikwengi ani. ¹³ E mukongori we horo ntwarika kumushi anga nikae kokwiyo ina nti urakasaange, mwiebha: Ongo nisasire ani mubhi. ¹⁴ Nibwirengi ingu watuka ko kwae ntwamasasirwa nti uri bhuri eumpe, bhushe ingu wesimanya waahichiwayo, nangu wehicha waatarishiwayo. ¹⁵ Bhamurishie e bhana bhakeke, kongo wakasanyie bho. ina e santumwa murisunga bhubho, nti bhahangisange imbi bharushangebho. ¹⁶ Na Yesu wabhikira bho webha: mureki e bhana bhakeke-bhakeke, kiro muhangise bho bhushe e bwami bwa kokwiyo bwambi e bhasusa bho. ¹⁷ Na bhushisha mureira ingu watinge e bwami bwa kokwiyo nti bhurimbi e bhana bhakeke utakimiyoko. ¹⁸ Mukakare uma washisha Yesu webha: e muhani wakonda, bhuni bhukie ani murininkwa e bhuingo bwe matuati. ¹⁹ Yesu wamusubhie: bhushwa nki unibhikira mbu nakonda, kuri wakonda uma ngi Ongo. Ongo'si e myomba? ²⁰ Angisingirana, angi shura, angi shuma, ang'iebha myasi ya bhushukishuki, tunda so na nsoka. ²¹ Wasako: e bhinwa bhiti 'mbi n'emisa byo etukire mo bhusike bw'ani. ²² Yesu wakiya wamerukira bhumbo, wamushisha: urukirwa na kinwa kima, chuya bhiti bhiri nabhe banyiebyo ebasene, ukubhesayo na bhusoki mo mbingu, iya kwe, unimise. ²³ Warekiya wamerukira e bhinwambi wabhesa na bhonso bwingi: Bhushe wabhesenga musoki. ²⁴ Yesu wamusunga nt' uri na bhonso, webha: rasuma mo bhari n'e bhutumba murekime mo bhubhake bwa Ongo. ²⁵ Bhushi ratamba mo mpunda murekime mo kiribu ch' enandi kuri e mutumba mor' ekime mo bhubhake bwa Ongo. ²⁶ Nambi bhabhesanga bhamorukirengi bhebha: Inye ngwa mukochi oshukara? ²⁷ Yesu wasubya: E kitamukocheka mo bhea, chamukochekana kuri Ongo. ²⁸ Petero webha: Kae twamasiya e bhiti twamakwemisa. ²⁹ Na Yesu wasako bho: moreira nabwire cho, kusira mwea ingu, wakusia numba, mumina, nti munachabho, bhabhuti na bhana bhusha na bhubhake bwa Ongo. ³⁰ Washee byarenga ngendo ningi, mokiranga kino, na mo chuo kisiya yo karamo ka matu ati, ³¹ Yesu watinge ere kumi ne bhabhi, werebho: mukai , twataya mwienda ku Yerusaremu ne bhiti byatiranyiwanga ne bhatahwa kuri e Mwan' e mwea bhisebhererera. ³² Bhushe waariarwa mu mine y'ambi nti bhasimira; washatishwa na bhasemukiere bhinwa byema n' imuture inte, ³³ Na bhasekia bhamamuhumba mpimbo, nimushura: ne rotu rwa ashatu waafuka. ³⁴ Eina bhatorukiri kikai mumbyo; abhesenga kuri bho nti mwebe wabhiswa, bhinwa mbi nti byorukiranga bho kuti bhisondang' iebha nki. ³⁵ Yesu warekiya uri kwihi na ku Yeriko, kihumihumi kima nti charika kumushi n' ense na kihemange. ³⁶ Wakia werukira enkumanano yetange, washisha mbe ntinki. ³⁷ Bhamwire: Yesu waku Nasareti ng' wetange. ³⁸ Wakua; Musike wa Ndauti n' orukiri bhonso! ³⁹ Imbi bhabhesenga bhasondora bhamukemeae wabhebhere; eina iwe wenderana ni kua: musike wa Ndauti n' orukiri bhonso. ⁴⁰ Yesu wamasimana , mbu bhamurishii we, wakiya wamiya kwihi nae, ⁴¹ Wamushisha: ongo sondange nikukiere nki? wasubya: e Mukota, nani nikai. ⁴² Yesu wamwere: kae, erisimmira rabe ramakuramya. ⁴³ Montambi ya wakae, na wemisa yesu, n'itata Ongo: e bhea bhati bhakia bhamasungambyo bhatata Ongo.