¹ Yesu washisha hotu n'e bhemisa bhae: mwea uma mutumba abhesenga urikire na mubiki webhehe uno wasongererwa kuriwe , mbu unsansang'e bhehe byae. ² Wamubhikira wamwire: inki ngi chorukirangy'ani kuri ongo? Tur'emwanso w'ebhukorange ongo, bhushwa utusimaniri tu e bhikai byani. ³ E murangi w'e bhehe webha kumunda nae wisine: Nironje bhuni, bhushwa Tita wankuto mor'irang'ebhehe byae? Erihinga, ntamukocharo. Bhuhemi, norukira' ro nkene. ⁴ Nasibha e kiseronj'ani, kongo kwabhese bheya bhanikoke mo manumba nsekiya nakuturwa mo murimo. ⁵ Wabhikira kinsi uri na mwinda wa Nyerekuritu, were waroso: singa ngi sahwa eninka Ongo nyerekurwitu? ⁶ Ngerero iyana sa mafuta; wamusako tinge e mutiro wabhe: Rika tete, tiranya makumi asanu. ⁷ Washisha umpe: na ongo singa ngi sahwa Ongo? w'ebha: Nyerero iyana sa bhuhi. Wamwire: tinge erwandiko rwabe, tiranya makumi munane. ⁸ Nyerekurwabho watata e murangi we bhehe usir'ereira, bhushwa wakoranga mu bwenge; bhushwa e bheya bha mo kiranga kino bhari na wenge. mumbi bhasusene nabho ireng'e bhana bh'echaka. ⁹ Nani nibhushishange; mw'ironjei mira n'e masoki nty'ereira, kongo bhabhukoke mo ndikaro y'e matu ati n'eati, mukukiayo mumaruka bho. ¹⁰ Ingu w'eira munkati na bhikai bhikeke nti weira hotu munkati na bhikai bhikiri, nangu nti weira mu bhikai bhikeke nti weira na mu bhikai bhikiri. ¹¹ Amabhesa nti mukubhese bh'eira mo bhusoki bhusir'eira, inye ng'wasebhuninka bw'ereira. ¹² N'amabhese nti mukubhese n'eira mu bhehe bya umpe, inye ngiwa bhuninkayo e bhinu? ¹³ Kusira mukori wa murimo wamukoch'ikore bhahanga bhabhi, Bhushwa wabhaa uma n'ishima eumpe; ari wetingire mu uma n'inena eumpe. utukochi ikore Ongo ne bhehe. ¹⁴ E bhafarisayo abhesenga bhashim'ebhehe bhorukira hotu e bhiti mbyo, na nti bamuseange. ¹⁵ Yesu werebho: bhanu musondange ishea eira mo makako a Ongo,ina Ongo usi e mitima y'inu. Bhushwa echasimanikwa kuri e beya, mikonsi kuri Ongo. ¹⁶ E myomba n'e bhatahwa yabhese iya mo kiranga cha Yohana, itukire kare, e bhubhake bwa Ongo bhuturwange, na kinsi mwea ukiange maa mw'ekime mubho. ¹⁷ Rasanguha nguru e mbingu n'e chuo iyeta irenga kinwa kima chamu myomba erekiya chatuka. ¹⁸ Kinsi mwea wahensa mukari n'ebhinga umpe nti waronja osingirwa, nangu wabhinga momina wakuhensiwa na moke ntw'aronja osingirwa. ¹⁹ Kwabhesenga wabhume musoki nti wambara nchangi isanange, na kinsi otu nt'umoange na wa bhuingo bwakonda. ²⁰ Musene uma wabhikirwa mbu Lazaro, abesenga wekindenga hamuyango, urisere bhihuru, ²¹ Nt'usondange isikuta mo bhihukange ituka mo bhutanda bw'emusoki; n'esambibhi nti seyange kakomba tu e bhihuru byae. ²² E musene wakwa, wariarwa n'esangashani mo bhukubha bwa Ibrahimu. E musoki na e wakwa hotu n'itawa. ²³ Munkati n'erirunga, wakukum'emeso, warikiya uri mo minubo wasungirekore Ibrahimu na Lazaro mo bhukuba bwae. ²⁴ Wakua: Tita Ibrahimu, ni kwiri bhonso na ndebeke Lazaro wariye e murimba wa e munkati e mecha wahoreye e rwami; bhushwa nanuba nguru mo kasha kano. ²⁵ Abrahamu wasako: e mwana 'ni anikira abhesenga Ongo kwengi bhehe byabhe nty'ongo kiriho na Lazaro nt'uri mu minubho mo matu ae run'otu uri hano wabhongwabhongwa n'ongo nubange. ²⁶ Nampo, harikire bhanu n'inu kanyenka kakiri, kongo e bhasondang'ieta ituka kuri bhate bhatamukocha. ²⁷ E musoki webha: nikuhemange tita Ibrahimu shisha Lazaro wendi mo numba ya Tita; bhushwa niri na bhasike bhitu bhasanu. ²⁸ Washishe bho ereira rabhino bhikai , kongo bhatiingiyo nabho tu mo minubho ino. ²⁹ Ibrahimu wasubya: bharikire na Musa n'e bhatahwa , bhorukiri mbo. ³⁰ Webha: inga tita Ibrahaimu, eina kubha uma mo bhakwi wamenda kuribho, bhamubhunduka. ³¹ Ibrahimu wa mwire; kubha nti bharukire Musa ne bhatahwa bhatasimira nakiro mbu uma mo bhakwi wamufukange.