¹ Murieta Yesu wasunga abhume uma kihumihumi itukire eribhutwa rae. ² E santumwa se sa mushisha: e Mukota, inye ng'wakoranga bhubhi mo musike ngu mbe bhabhuti bhae wabhesi kihumihumi. ³ Yesu wasakobho:nti bhushwa wakoranga bhubhi nakiro e bhabhuti bhae,iina bhusha ne murimo wa Ongo usungwe kuri we. ⁴ Rakomenwa nikor'e morimo wangu wantumanga, bhukiri bwach' ebhutu; mutu mweyange nti kusira tu mweya wa mukochi 'kora. ⁵ Bhuri ani mu chuo,ani nge chaka che chuo. ⁶ Ikind'iebha mbo,wature mu roto nʼitunganya keto nʼerote. Kuruma watira keto mo meso e kihumihumi. ⁷ Wamushisha:enda,eshue mo kiisi cha Siroamu. [rina rebambu Rebeka],wenda nko wʼeshua nʼikuruka ukaengi shu. ⁸ Bhanachabho nae,nambi bhamusi morikongakonga bhebha: ntingi uno urikanga ekwansi nikongakonga? Bhima bh'ebha:iwe. ⁹ Bhampe bhebha: nti we iina wamususa. Wʼesiine webha: ani uno. ¹⁰ Bhamushisha: bhuningi bwakobhok'e meso abhe. ¹¹ Wasubya: abhume ubhikirwange mbu Yesu wakuronjanga keto, wantira cho mo meso wanchisha mbu n'endi k'eshua ku Siroamu nʼenda ko,neshua na nakando e meso. ¹² Bhamushisha:hurikuni e wabhume ngo? Wasubhie: nti nʼosi. ¹³ Bhamutindikia kuri e bafarisayo, ¹⁴ Na nti abhesenga otu rwiinga ngi rwakiyanga Yesu wasonya e keto nʼimukando e meso. ¹⁵ Ebafarisayo nabho bhamushisha tu bhuni ngi bwakukandurwa e meso. Na wasubhie bho: wakuntiranga keto mo meso ani; nenda k'eshua nʼikae. ¹⁶ Bhima mo bafarisayo bhebha:E mwea ngu nti watuka kwa Ongo,bhusha nt'usi otu rweinga. Bhampe bheebha: Bhuni mweya mubi wamukia bhishisharo? ¹⁷ Bhibhanya mo mianikiri. Bhashisha tu e kihumihumi: Nʼoongo webha bhuni kuri we,muumbu bwakuKukandoe e meso? Wasubhia :iwe mutahwa. ¹⁸ Bayahudi nti bhasimiranga mbu wabhesanga kihumihumi na wakukandurwe meso; mu'ncho, bhabhikira e bhabhuti bhae. ¹⁹ Bhashisha e bhabhuti bhae: uno musikʼinu ng'wabheseng'e kihumihumi. Bhuni ngi bwamakae we: runotu? ²⁰ E Bhabhuti bhae bhasako: twasimira iwe mwanʼitu; na wabutwanga ho nti kihumihu; ²¹ Eina ebwakukae we,nangu wakumukando e meso ngi nti bisi bhate. Mu mushishe iwe wesine wamasengeha; webhe mu' bya wesine. ²² E bhabhutɨ bhae bhebha mbo mwisubhaha e bayahudi bhushwa e bayahudi bhabhesenga nti bhamasimirana mbu; mwea uti wasibha Yesu bhuri Kirisitu waahensiwa mo sinangoki. ²³ Ngiasingwa e bhabhuti bh'ebhe mbu wamasenge ha bhumushishe wesine. ²⁴ E bayahudi bhabhikira ture metabhi ungu wa bhesenga kihumihumi nʼemushisha: tata Ongo; tusi mbue mwea ngo mubi. ²⁵ Wasako: kubha mubi; ntinosi; ho kikai kima, nabhesenga kihumihumi na ngie nikaengi. ²⁶ Bhamushisa: kiinki ngi chakukukore we? bhuni ngi bwakuku kando we e meso? ²⁷ wasubhie bho: nakubwirenga,nti mukorukira; bhushwa nki mushima tu iyorukira? na bhanu mushima ibhese ntumwa sae? ²⁸ Wamurekera ekinwa yema ne were mbo, bhanu bhafuku bhae, ina bhate bhafuku ba Moize. ²⁹ Twasibha ingu Ongo webhanga na Moize ina ti nti tinosi kuri bhampe. ³⁰ E musike wasako bho: Ishishara kubha nti bhanu musi kwatukire we,eina wakunirundo e meso. ³¹ Tusi mbu Ongo utasakonga e bhabhi; eina e wamamusubhaha nʼironja erisasa rae,uo ng'usakurwanga. ³² Anga nʼotu rwamorukiranga bhaate mbʉ mwea wakurindo meso a kihumihumi etuka wabhutwa. ³³ E mwea ngʉ wamubhesengi nti watuka kwa Ongo; utamukochange kikai. ³⁴ Bhamusako: ubhutwanga munkati ne bhubhi; nʼongo usondi ituhana. Bhamurikita. ³⁵ Yesu wasibha mbu bhakumurikita; wakumanana nʼimushisha: Usimira musike wa Ongo. ³⁶ Wasubhia: nginye; Mukota, nani nimusimere? ³⁷ Umamusunga; bwamushisha Yesu, nʼangu webhange nabhe,ngi we. ³⁸ Nae webha:nasimira e Mukota. Wakome maru mo makako nae. ³⁹ Kuruma Yesu webha: neyanga mo chʉo kino mw'iker'obhansa,mumbi bhatangakae bhakai; ne bhakaengi bhabhesi bhihumihumi. ⁴⁰ Bhima mo bafarisayo mbi bhabhesenga na Yesu; iyorukira e bhinwa byae bhamushisha: nabhate bhihumihumi? ⁴¹ Yesu wasubhie bho: mumubhesange bhihumihumi; mutumubhesengi na bhubhi. Ina mwebha: tukaengi: ngyasingwa e bhubhi bwinu bwabhesa.