¹ Mureira, nabw'ire cho , kinsi mweya uti ngu ntwakimire mo rurubi rw'ekisumba ina wetere kumpe, iwe nti mwibi na mubandi. ² Ina e wakime mo rubi nge murangi w'e samburi. ³ E murangi w'er'orubi woboranga ro, n'e samburi nti sorukira e murenge wae, ubikirange to mo mina insi e sae, n'isumba to e kubutara. ⁴ Wamasaisha e samburi sae, ntweta kubusondori nato nti murenge wa nyere kurwabo. ⁵ Sitamwemisa mweni, ina nti samubheke kore, bushwa nti sosi e samwemisa bushwa sisi emurenge wae. ⁶ Yesu werebo e mushumo uno, ina nti borukira e byebange we. ⁷ Yesu were tubo : mureira, nibwerengi, aninge rubi rwe samburi. ⁸ E bati betanga kubusondori nani bibi na babandi, ina e samburi nti sarorikire bo. ⁹ Ani nge rubi,E mwea wametere kuri ani, iwe nti warama, ntwakime na ntwasaa, ntwashee okero. ¹⁰ E mwibi wiyanga ho bushwa washume, iniya n'ebishabisha, ani, nariya bushwa e samburi sishei karamo, na basheiko mu bwingi. ¹¹ Ani nge murangi wakonda, E murangi wa konda uninkananga e bhuingo bwae bhushwa n'esamburi. ¹² Ina enkimiriya, e nti murangi, na nti ngimeneto,wamasunga ntare, nt'wasia e samburi, nt'wabeka, ne ntare ntyanyaka n'insansabany'e samburi. ¹³ E nkimiriya nti wabeka, bushwa iwe nkimiriya, n'otamwiya mw'enube e samburi. Ani nge murangi wakonda. ¹⁴ Nisi e samburi sani, nato sinisi. ¹⁵ Ne bunisi Tita, nani e bumusi ani, na naninka e samburi e bhuingo bwani. ¹⁶ niri na simpe mburi, nti siri mo kisumba, nanso risondange nirishe to mo kisumba, na sorukire e murenge wani, na ntihabese eimba rima, na murangi uma. ¹⁷ Tita wanchima, bushwa naninkana e buingo bwani, nishee tubo kuruma. ¹⁸ Kusira e wamuninyakabo, ina na ninkanabo ani sine, niri ne bunkangwe bwe rininkanabo, na niri tu ne bunkangwe bwe ritinge bo: etukana n'emyomba ya ninkwangani na Tita. ¹⁹ Itukana ne binwa mbyo, habesa tu ibanyana mo bayahudi. ²⁰ Munkati nabo bima beba: uri n'eshumbu, mushire, bushwa nki mwerikire? ²¹ Bampe beba: nti binwa bya mushire, e mushire wamwobora meso a bihumihumi? ²² Babesenga notu'kiri rwe ninkana bisabo ku Yerusalemu:Na nti matu a keme. ²³ Yesu ntutambange mo numba ya Ongo, mo rubi rukiri rwa Soromono. ²⁴ Ebayahudi nti bamutimba, bamwere: iya runi otu ukwendi ongo tutimbyange e bwenge? kuti Ongo ngi Kirisito, tweri er'eira. ²⁵ Yesu wasakobo: Naribwere, na mutusimiranga. e mikorere ikorange ani morina ra Tita yebange bushwa ani. ²⁶ Ina mutungerikira, bushwa nti banu mburi sani. ²⁷ E samburi sani sorukiranga e murenge wani, Nisi to, na sinemisanga. ²⁸ Na naninka to e karamo ke matuati, batariminiyo, na kusira e wa seninyakayo to mo mine' ani. ²⁹ Tita ngi wampanga bo, iwe mukiri irenga e bati,na kusira e wamuninyaka mo mine ya Tita. ³⁰ Ani na Tita turi mwea uma. ³¹ E bayahudi basombo makoi mbu bamushure. ³² Yesu werebo: namabushea mikorere mingi ya konda itukange kuri Tita: Bushwe mbyo muniye? ³³ E bayahudi bamusako: Tutangakurekera makoi, bushw'emikorere yakonda, ina bushwa ne rikamba ekinwa cha Ongo, n'erikwekiya Ongo na tusi mbu ongo mweya. ³⁴ Yesu werebo: Ntiratiranyiwa mu myomba yinu: nebanga: mbu banu ba Ongo? ³⁵ Imbu bwa kuninkae rina ra ba Ongo imbi bareturirwa e kinwa cha Tita Ongo, bushwe rwandiko rutamukochi iriribanyiwa. ³⁶ Ungu washururwa na Tita na watumwa mo chuo mumwere: ukamb' e kinwa cha Ongo nacha bushwa na kubwere: Ani musike wa Ongo. ³⁷ Namafundwa ikora e mirimo ya Tita angi' insimira. ³⁸ Ina kuti nikorangebyo, mutungansimira, musimire e mikorere y'ae, kongo musiba niteerera mbu Tita uri nani,nani niri kumunda nae. ³⁹ Nampo, basonda tu imutinge, ina weshunura mo mine abo. ⁴⁰ Yesu wenda tu, wetunda kore na Yorodani, kwihi nampo habesanga harubikengi Yohana warika ho. ⁴¹ Bhea bingi bamwemisa mpo, na werebo: Yohana nt'wakianga kashingishiro katikati, ina e bhiti byebanga Yohana kuri e mweya ngo eira. ⁴² Na harikanga bo, bea bingi bamusimira.