¹ Kwabesanga abume uma mukoni,Rasaro wa ku Betania wa mo rubungu rwa Mariamu na Marita mubitwabo. ² E Mariango ngwatiranga Mukota e rungo n'ikono ro nebuteo bwe muntwe wae na musiky'abho Rasaro ngi wasambanga. ³ E babitu barera mwea kuri Yesu:mukota,e washima oongo wasamba. ⁴ Warikia worukira mbo weba:e bukoni mbo nti bwikwa ina wirisha itatwa ra Ongo bushwa musike wa Ongo watatwe mu bo. ⁵ Yesu wabesanga washima Marita, mubitwa Rasaro. ⁶ Wakianga wamorukira mbu Rasaro wasamba,warika tu matu abi inko kwabesanga we. ⁷ Kuruma nampo weba ne bafuku bae mbu:tukuruke ku Yudea. ⁸ E bafuku bae beba:e muhani witu,e bayahudi akosa bakuya na twakuruka tu ku Yudea. ⁹ Yesu wasubie bo:kurikire ntambi ikumi nasibi mor'otu? e mwea wamenda mumwishi utakoch'isitara bushwa uri na chaka cha kino chuo. ¹⁰ Ina e mwea wamenda mutu , nt'wasitara bushwa usira chaaka. ¹¹ Kuruma ne binwa mbyo,washisha bo:Rasaro,m'iriitu urere,nenda kamusimo. ¹² E bafuku bae bamweere:kuti erere,userama. ¹³ Yesu webanga bushwa n'er'ikwa rae,ina bahaka mbu webange bushwa toro twambiru. ¹⁴ Yesu w'ire bo shu mbu Rasaro wamakwa. ¹⁵ Na bushwa banu,kongo musimira, namoa bushwa atuka nsira ko. Ina twendi kuribo. ¹⁶ Tomasi,Didime,washisha. e bampe bafuku:twendi nabate tukwe nae. ¹⁷ Yesu moriya rae,wakumana Rasaro ntwamakia matu anye mor'esinda. ¹⁸ Nambwakianga Betania yarika kumushi na kuYerusaremu,buna byati binye. ¹⁹ Bayahudi biingi beyanga kuri Marita na Mariamu mwibongabonga bo mu kikwiri cha musiky'abho. ²⁰ Marita worukira mbu Yesu weya,wasaa n'ienda kubusondori nae,ina Mariamu wasia warika mo numba. ²¹ Marita weba na Yesu:e Mukota,umabindukengi hano,mubitwani utamukwange. ²² Ina,enompena,n'osi mbu kinsi kinwa chamukonga oongo kuri Ongo nt'wakuninka cho. ²³ Yesu wamusako:mubitw'abe wafuka. ²⁴ Marita wasako:n'osi mbu wafukayo e rotu rwahende. ²⁵ Yesu wamwire: ani ngi naasimoyo e bakwire n'ani nge karamo. E wansimira utangakwi na kiro wakwa. ²⁶ Ne mwea utiuti ngu uriho,na wansimira utangakwi. Usimira cha? ²⁷ Wamw'ire: bumbo,Mukota,nasimira mbu ongo ngi Kirisitu,musike wa Ongo ,e wamwiyange mo chuo. ²⁸ Ikind'ieba mbo,wenda. Kwesina,wabikira Maria,mwisi abo,n'emwire,e muhani uri hano na ukushishange. ²⁹ Maria wakia worukira e mwasi, wasimana tete n'ikanyire ko. ³⁰ Yesu nt'utangakime neki emunumba ina wabesanga mpo hamukumananga Marita. ³¹ E bayahudi mbi abesanga bamurishange mu numba,bakianga bamusunga wasaa tete,nabo bamubungura nti bahakange mbu wend'a ekwesinda rae. ³² E ntambi Mariamu weyanga hari Yesu witaa mo bisando byae n'ieba: e Mukota,umabindukengi hano,mubitu wani utamukwange. ³³ Yesu murimusunga ureengi nambi bamutimba,warukira bwae mo mutima na washishara. ³⁴ Weba:mukumuria hani?bamusako: e Mukota,iye ununkange. ³⁵ Yesu ware. ³⁶ E bayahudi beba:kae bwabesanga bwamushima we. ³⁷ Na bima mubo beba:iwengu wakukando e meso e bihumihumi ,kinki chamusingwa utahangisi e mwea ngu,utakwingi? ³⁸ Kuruma n'eriyorukira e bwae bwemeta abi,Yesu wenda e kwesinda. Barianga ikoi habasirwa n'er'esinda. ³⁹ Yesu weba:mukutu e rikoi.Marita,mubitu wang'wakukwa weba: e Mukota,ngie ununkange bushwa iye matu anye uri kumunda. ⁴⁰ Yesu wamushisha:ntinakukushisha mbu umasimira,ukusunga bishisharo bya Ongo? ⁴¹ Bahimira er'ikoi Yesu wakae e kwiyo n'ieba:Tita nakutata bushwa ongo ndukirenga. ⁴² Ani n'osi mbu ongo ndukirenga;ina neba bushwa ne bantimba hano basibe mbe ongo ng'untumanga. ⁴³ Ikind'ieba mbo,wakua na murenge mukiri:Rasaro saa! . ⁴⁴ N'ewakukwa wasaa,e bisando ne mine byaminwa ne mbaso hotu. Yesu washisha bho: mumobhore n'imureke wendi rae. ⁴⁵ Bingi mu bayahudi beyanga kuri Mariamu, basunga chakora Yesu,bamusimira. ⁴⁶ Bima mubo benda kasunga e bafarisayo,n'iture bo mwasi we byamakora Yesu. ⁴⁷ Nampo,e bakungu bakiri ne bafarisayo bakumanya erushu n'ieba:tukie buni? bushwa e mweao ukorange bishisharo bingi? ⁴⁸ Twamamusia wakore,bea bingi basemusimira,na baroma basiya katunyaka e rubungu rwitu ne bwami bwitu. ⁴⁹ Uma mubo ngi Kayafa nti ngi mukungu mukiri mo mwaka ngo washisha bo:murindire nki? ⁵⁰ Mutungaanikira mbu rakomenwa mwea uma wakwiri e bea bati ne chuo kiti? ⁵¹ Na ntwebange mbo wesine bushwa ntiwe ngi mukungu mukiri mo mwaka ngo,nampo warora mbu Yesu wamukwange bushwa ne chuo kiti. ⁵² Na nti bushwa e chuo kima,ina bushwa ikumanya e bana ba Ongo babe mubi uma. ⁵³ Itukire e rotu ndo,batinge rwanko rw'imuya. ⁵⁴ Ngyasigwa Yesu ntwisheanga tu chaanana kuri e bayahudi,wishika mo sa mbungu sa kumushi mo bweeru,m'obungu ruma rubikirwange Efuraimu;nanko warika ko ne bafuku bae. ⁵⁵ E rotu rukiri rwe pasaka rwe bayahudi rweya,na bea bingi bataya ku Yerusaremu murikweshurura. ⁵⁶ Basonda Yesu na nti bashishanange mo r'irameso: kuri inki,mbe utei mo rotu rukiri? ⁵⁷ Na nti e bakungu bakiri ne bafarisayo bamaninkana mwomba,wimusonda ni mumina kutikuti nku kwasesungwayo we.