¹ Kuruma, Yesu watamba ku Gariraya, bhushe wabhesanga ntwashima erika ku Yudea bhushwa e bhayahudi ntibhamusondange mbu bhamuye. ² N'er'otu rukiri rw'ebhayahudi rw'ebhimbo ntiye ruri kwihi. ³ Bhasike bhabho bhamushisha: tuka hano, enda kuYudea, kongo e bh'emisa bhasunga e tushingishiro tukorange ongo. ⁴ Kusira ukoranga ra nama wamabesa usondange esungwa. Kuti ongo sondang' ibhesa mbo, ishee mo chuo ong' wesine, kubha ukora bhikai wisheye. ⁵ Bhushwa bhasike bhabho n'abho babesanga nti nti bari n'esimira ekuri we. ⁶ Yesu washisha bo: entambi y'ani neki ntyarumira. E sa ntambi sinu siri kinsi otu. ⁷ E Chuo kitamukutina, ani chantina bushe nisheange e mikorere yacho yema. ⁸ Banu mutaye mor'otu rukiri, ani ntendi bushe ntambi yani neki nti yeya. ⁹ Kuruma, erishishabo, wasiya ku Gariraya. ¹⁰ Barekiya bamenda, nae wataya buri mu nama nti rakwishea. ¹¹ Ebayahudi bamusond' er' otu rukiri nti bebange: uri kuni? ¹² Habesanga hari tumensimensi ko kuri Yesu. Bima nti bebange mbu mweya hunda. Bampe mbu anga uriminyang'e bea. ¹³ Nti kusira webange ra nguru, mor'isubaha ebayuda. ¹⁴ Yesu w'ishaisha munkati er'otu rukiri wakime mor'irameso; wabhuch' ihano bho. ¹⁵ Ebayahudi bashishara, esunga buni ng' wasiba we emitiro na nt' warihanwa byo? ¹⁶ Yesu wasako bo: Emwenjo uri mwani nti wani, eina wa'ngu ewantumanga. ¹⁷ Ewasond' ikora er'isasa rae, ntwaasiba kuti emwenjo wani watuka kuri Ongo ari n' ebange byani. ¹⁸ Ingu webange mw'isasa rae nt'usondange er' itatwa rae, eina ing' usondang' eritatwa rang' wamutumanga, ingo nti w'eira nt'usira oneno kumunda nae. ¹⁹ Musa nt'wabuninkang' e myomba na kusira mu bhanu ing'wemisa yo. Banu musondang'inishure nki? ²⁰ Enkumanano basako: Ongo'ri mo kifasi. Inye ng' uhunang' ikushura? ²¹ Nakuronja, bhanu bati mushishara. ²² Musa wabuninkanga er'otende, naro ntiratukana nae ina ratukana na b'eshiku, na banu muronjange otende otu rweinga. ²³ Kuti mweya wakierwa otende er'otu rw'er'einga nti bush'irangana n'emyomba ya Musa. Inki ngi kusibhukengi bhanu bhushe naramya mweya otu rw'einga? ²⁴ Angi kera binwa mw'ika e mweya, eina mukere bhinwa mw'eira. ²⁵ Bhima mo bhisa ku-Yerusaremu bh'ebha: nt'ingu ng'usondange rero eshura bo? ²⁶ Sunga w'ieberengi nabhatanga mushisha kikai. Ebhakakare bhasi hombu iwe ngi Kirisitu? ²⁷ Euno tusi mbeti wakuni. Eina Kirisitu usekiayo weya kusira ewasibi kuti wa kuni. ²⁸ Yesu wabesa nt'uhanange morirameso; Banu munisi na banu musi kuni kwasaire ani. Nti narikwerisha, eina ing'wantumanga w'eira na nti banu mumusi. ²⁹ Ani ni musi, bushwa natuka kuri we, nae ng'warintuma. ³⁰ Basondi 'mutinge ina kusira wakochang'imutinge, bushe entambi yae yabesanga neki nti yeya. ³¹ Bhingi bhamusimira mo nkumanano nti bh'ebhange: Kirisitu usekiyayo weya, waseronjayo tushingishiro irenga etukiyange uno? ³² Ebafarisayo borukira bwomumange 'nkumanano, ebashebakungu batum'ebakori b'abo kamutinge. ³³ Yesu w'eba: nikiri n'inu mu ntambi nkeke, kuruma nsekweire kuri ngu ewantumanga. ³⁴ Mukunsondekanya na mutunchei; na mutumukoch' iya ekusebesayo ani. ³⁵ Mu'ncho ebayahudi b'eba besine na besine: kuni ngi kusenda we na tutamusungi? Usenda mo barinsansabana eku bayunani, n'ihan'ebayunani? ³⁶ Kinwa nki nchi echebange we; mukunsonda na mutunchei ma mutumweya ekusenda 'ni? ³⁷ Er'otu rw'ehende n'er'otu 'kiri, Yesu wasimana weba mu murenge mukiri: kuti mweya uri na mbusha, wiye 'kury' ani womu. Ing'wanisimira, ngesi sa mecha a karamo sisetiya kumunda nae imbu bw'eba emitiro. ³⁹ W'ebanga ncho bushe n'e Mutima Mushasha ingu wakomenwa eninkwa ebasemusimira; bushwa e Mutima wabesanga neki nti weya, bushwa Yesu nti ntineki watatwa. ⁴⁰ Mo nkumanano beya babuch'ieba: euno eira mutahwa. ⁴¹ Bampe b'eba: ngi Kirisitu. Na bampe b'eba: Mbeti ku Ngariraya ngi kwakomenwa itukire Kirisitu? ⁴² E mitiro nti yatiko mo mbuto ya Daudi, na mor'obungu rwa ku Beterehemu,himpo habesanga Daudi ngi haasaireyo we? ⁴³ Bushe nae, enkumanano y'ibanya. ⁴⁴ Bima mubo bashima bamutingi, ina ntiba mutinge mo. ⁴⁵ Ebhafuku bhakuruka kuri ebakungu be bisinso ne bafarisayo. Ebakungu bashisha bo: nti mumurisha bushwanki? ⁴⁶ Ebhafuku bhasubhie bho; tutangasunganga wabume webange buri ngu. ⁴⁷ Ebafarisayo basubiebo:Na bamu mukuhusiwa? ⁴⁸ Mukusunga uma mo bakakare ari mubafarisayo ewakumusimira? ⁴⁹ Ina ekikembe enti kisi emyomba, chaherawa cha herawa. ⁵⁰ Nikodemu, ewiyanga mutu kuri Yesu, uma mubo werebo: ⁵¹ Emomba witu, uminanga mweya ntu makindi mwerukira n'isibha byakukorangae we? ⁵² Bamusubie: nongo muGariraya? sisirisa n'ukusunga ku Ngariraya kutangatukanga mutahwa. ⁵³ Na kira mwea wakuruke mumwae.