¹ Kuruma nampo Yesu wasoka mungo mwiiri we nyansa ya ku Ngariraya ngi Tiberia. ² Kikembe kikiri cha bea chamubungura ,bushwa nti basungange bishisharo mbi bikorange we mo bakoni. ³ Yesu wataya mu rou,warika ko ne bafuku bae. ⁴ N'er' otu rwe pasaka y'e bhayahudi nti ruri kwihi. ⁵ Ntwamakae e kwiyo n'osungange kikembe kikiri cha bea ch'iyange kuri we,Yesu washisha Firipo,kuni kwachure baate biyo e bea mbi barise? ⁶ wamushincho mw'imwereka ,ina ntosi nchi chakora we. ⁷ Firipo wasako: e tumbonsa ntu turi hano tutamurisha e bhea bhatimbi bhatutimba hano. ⁸ Andere,muna chabho Simon Petero uma mu bhafuku bha Yesu webha : ⁹ kuri musike uma uri na tumboonsa tusano na bhikwa bhibhi,ina tutamukia kikai mo bhea bhati bhano. ¹⁰ Yesu webha :murikeche bhea . Ntihari bhisu bhingi mo bwari mbo. Bharika,bhuna bhea bhihumbi bhisanu. ¹¹ Yesu watinge e tumbonsa,watata Ongo n'ibhanyie mbi bharika e kwansi; waninka bho ne bhikwa kinsi mwea mo murao wae. ¹² Bhakia bhamasukuta,washisha e santumwa se : musombu e byombo anga kwarimina na chunda kima,e byombo byarisia mitundu ikumi na ibhi. ¹³ E bhea bhakia bhamasunga imbi bhikorange we, bhebha : ¹⁴ uno nge mutahwa wakomemwa iya mo chuo. ¹⁵ Yesu wasibha e myanikiri yaabho y'isond imusimika mubhake we chuo ncho,wishika murou ndo. ¹⁶ Mo murisisi,e bhafuku bhae bhahita wendende ne nyasa. ¹⁷ Bhataya mu kitange,bhateana e nyansa nti bhendange ku Kapernaumu ne bhutu nti bwamasira ina Yesu nt'utanga kumana nesi bho. ¹⁸ Na mu mecha nti kwetange eyuhu rikiri. ¹⁹ Kuruma n'ienja e kitange mu byati makumi abhi ari bhuna amakumi ashatu,bhasunga Yesu ntweyange kuri bho hiyo ne mecha n'isheere kuri e kitange. Bhatingirwa na koha. ²⁰ Ina Yesu washisha bho,anga musubhaha,ani uno. ²¹ Bhasond'imukoke mu kitange,nampo bhasoka mo chuo chabhesanga ch'endange mu'bho. ²² E bhea mbi bhasianga mumpe mwiri,bhasibha mbu e haribho hasira kimpe kitange ,ne bhafuku bha Yesu bhakusoka bhisine ,Yesu nti nt'urinabho. ²³ Mukakomayo,bhimpe bhitange byeya,ituka ku Tiberia n'isimana kumushi na harirengabho e tumbonsa ntu twakasanyienga Mukota. ²⁴ E bea basonda Yesu ne bafuku bae baruka bo,nabo bataya mu bitange mbyo n'ienda kamusonda ku Kapernaumu. ²⁵ Basoka n'imukumana mo mwiri n'enyasa, bamushisha: emuhani witu, ukwiya kuno ini ntambi? ²⁶ Yesu wasako bho:nibwirengi mureira,mutungansonda bhushwa mukusunga bhishisharo ina bhushwa mukura tumbonsa mumiyoro na mukusukuta. ²⁷ Anga mukore e bhiyo mbi bhibhihange bya kino chuo ina mukore bhushwa e bhiyo mbi bhirishange bhuingo bwe matu ati. Imbi bisekuninka musike wa Ongo,ingu Ongo warimutereka mo nsimiko. ²⁸ Bamushisha:tukore nki kongo twakore mirimo ya Ongo? ²⁹ Yesu wasako bo, emurimo wa Ongo nty'esimira e ntumwa yae. ³⁰ Bamushisha: bini bishisharo bikorange oongo kongo twasimire byabe? ³¹ Batitanku barisanga mana mo bweeru,itukana nambwatiranyiwa byo:waninka bo kambonsa ka kokwiyo. ³² Yesu wasako bo :Musa ntwabuninkanga e tumbonsa twa ko kwiyo,ina tita ngwaninkanga bo. ³³ .Bushwa e kamboonsa ka kokwiyo,katukange kokwiyo nirisha buingo mo chuo. ³⁴ Bamushisha: eMukota,utunikanga mo kamboonsa nko matuati. ³⁵ Yesu werebho: Ani nge kamboonsa ke bhuingo .E weya ku kwani utorukiriyo rwaka ne wansimira utorukiriyo mbusha. ³⁶ Ina,nabhushisha cho ,mukunsunga na nti mukunsimira. ³⁷ E Bati mbi bandishie tita ,basiya kuri ani na ntarikitiyo ebeya kuri ani. ³⁸ Bhushwa narihita ituka ko kwiyo,nti morisasa raani,ina mo rangu warentuma. ³⁹ N'erisasa rangwarentuma, ntangariminya kikai mu mbi byanininkanga we,ina iranga bho iya er'otu rwahende. ⁴⁰ Isasa ra tita, mbu ingu wasunga musikewe na wa musimira wabhe na karamo ke matu ati, na naamufurayo mo r'otu rwa hende. ⁴¹ E bayahudi babubura mumbyo, bushe webanga: ani kambosa katuka ekwiyo. ⁴² Beba: nti Yesu, musike wa Yosefu, ingu tosi ishe na nina? Buni bwebae mbu natuka ko kwiyo? ⁴³ Yesu wasubhukiya bo, kiro mubhubhura mukati ninu. ⁴⁴ Kusira wamweya kuri ani kuba nti Tita ingu wanitumanga ngwakumurisha, na namufurayo mor'otu rwa hende. ⁴⁵ Byatiranyiwa mo batahwa, basehanwayo bati na Ongo. Mwieba ingu warorukira tita waninkwa ihano rae ntweya kuri ani. ⁴⁶ Nti kinsi waresunga Tita, ina ingu warituka kuri Tita, ungo waresunga Tita. ⁴⁷ Mo r'iera, nabushisha ewanisimira uri na karamo ke matuati. ⁴⁸ Ani kambosa ka karamo. ⁴⁹ Baso barisanga tumbosa mo bweru, na bakwanga. ⁵⁰ Hano ngi kambosa katuka kokwiyo, bushe ingu warisako utamukoch'ikwa. ⁵¹ Ani kambosa kariho katuka ko kwiyo, kuba mwea warisa mo kambosa, warikayo ematuati, n'ekambosa kaninkana ani, mubi wani ngi useninkanayo ani mo buingo bwe chuo. ⁵² Hiha, ebhayahudi bhabhesanga nti bhebhanange bhuni bwamutuninka we emubhi wae mbu turiseo. ⁵³ Yesu werebo, mureira, kuba ntimurisi emubi we mwana we mwea, na kuba ntimomo enchama, banu musira karamo kumunda ninu. ⁵⁴ Ingu warisa emubi wani ni omo enchamani uri na karamo ke matuati, na namufura mor'otu rwa hende. ⁵⁵ Bushe mubi wani biyo, ne nchama yani chiomo. ⁵⁶ Ingu warisa emubi waani niomo enchama warika kumunda nani,nani kumunda nae. ⁵⁷ Buri tita euriho warenituma, na narika kuri tita, nangu wanirisa warikayo kuri ani. ⁵⁸ Hano nge kambosa katuke kwiyo ntibiri buri baso barisanga tumbosa na bakwa: kinsi warisa ekambosa, warikayo matuati. ⁵⁹ Yesu weba ebinwa bino nturi mo sinangoki nti uhanange ku Kapernaumu. ⁶⁰ Ntumya ningi, kuruma n'imwerukire ekinwanchi chasuma inye ngi wamerukiracho. ⁶¹ Yesu wasiba mbu esantumwa sibuburange washisha bo ekinwanchi cha busubucha? ⁶² Mbeti musunga emwana we mwea wataya ekwatukangawe? ⁶³ E mutima urubikange, emubi ntwaraisha. Ebinwa byabwirenga ani ibyo mutima na karamo. ⁶⁴ Kuri munkati ninu bea bima nti basimira. Bushe Yesu wabesanga usi montangiro banye ntingi basimiranga, nantinye ngwamusiburi. ⁶⁵ N'iwebange tu, chakusingwa nabushisha, mwea utamukochiya kuri ani kuba ntiwasiburwa na Tita. ⁶⁶ Itukire entambi njo, bhingi musantumwa sae bhakuruka kuruma,nti bhendatu nae. ⁶⁷ Yesu weba n'er'ikumi n'ebabi: na bhanu mutunga huni ienda? ⁶⁸ Simoni Petero wasubya: mwami, twendi tu kwanye? ongo nguri ne bhinwa bye karamo ke matu ati. ⁶⁹ Na bhate twasimira, na twa masibha mbu ongo ngi kirisitu , e washuururwa wa Ongo. ⁷⁰ Yesu werebo: nti ani ngi naburondoranga? banu ikumi na babi? na uma mu banu mushumbu. ⁷¹ Wabesanga webanga bushwa bwa Yuda Isikarioti, mwana wa Simoni bushwa iwe ngi wamusiburanga, iwe , uma mo rekumi ne babi.