¹ Kuruma nampo, bhabhese n'otu rukiri rwa bhayahudi,Yesu wataya ku Yerusalemu. ² Nanko ku Yerusalemu, kwihi ne rubhi rw'e samburi, nti hari eribha ribikirwange mo. Kiebhurania Betesata ra ndubhi isanu. ³ Kumunda na kinsi rubhi nti kuri nkumo nkiri ya bhakoni,munkati nabho bhihumihumi, nkata na bhakoni bha rumbosa bharindirengi er'ihue re mecha. ⁴ Bhushwa e ngashani, ntumwa ya Ongo, ntu hitanga mund'iriba ni sarucharo. Ewitaa muro waroso kuruma er'isaruka re mecha, nt'warama e makoni ari nae. ⁵ Himpo nti hari wabume uma warisamba miaka makumi ashatu na munane. ⁶ Yesu murimusunga wikinde, nambu bukoni bwa matu mare wamwire:Ushima irama? ⁷ E mukoni wa musubie: nsira mwea wamunitaa kumunda neririba entambi yasaruka ro ne ntambi nsondange ikime umpe munkangwe ntwakime, Waroso indenga. ⁸ Yesu wamwire: simana,tinge endaro yabe enda. ⁹ Nampo, emukoni ngo warama niria endaro yae. E rotu rwa Sabato. ¹⁰ Rwabhesenga otu rw'einga, e bhayahudi bhebha ne mwea ngo waramiwanga, runotu rwiinga, ntirakomenwa iria endaro yabe. ¹¹ Werebho: Ewamaniramya ngi wamebha, tinge endaro yabhe enda. ¹² Bamushisha:Inye wabumengo, wakukwire tinge endaro yabe enda? ¹³ Ina ewaramanga ntitiwosi Yesu bushwe nti wamariribana mo kikembe che bea. ¹⁴ Kuruma nampo,Yesu wamukumana murirameso weba: mukai,ukurama, angi kora tu bubi,bushwe chasuma charenga mpo chamukwehie. ¹⁵ Ewabume ngo wenda usonsomorange mo Bayuda mbu Yesu ngi wakumuramya. ¹⁶ Chasingwa e bayahudi bahia Yesu bushwe ukorange bishisharo eroti rwe riinga. ¹⁷ Ina Yesu wasubie bo: Tita usubyange nani nikorange bishisharo. ¹⁸ bushwe nancho, bayahudi bashee inse yeri mushura bushwe nti ukorange otu rwiinga, n'obikirange Ongo witu ishe, mbu iwe musike we. ¹⁹ Yesu wasonsomora, webha: muriira, nibwirengi, e mwana watakoche ikora wesine, ukorange ebyasungangae kuri ishe ne bhiti bhikoranga ishe, nae ntwakora byo. ²⁰ Bhushwe tita washima musiky'ae n'imuhana ebhikorangae, hima nampo wakora bhishisharo bhikiri irenga kongo mushishara. ²¹ Bhuri tita ufurange e bhakwanga,musikewe uninkange e karamo mo bhashima we. ²² Tita utangakera mansa,ina waninka musike we ikera esamansa. ²³ kongo ebhati bhaninka e mwana otunda eraninkabho ishe; ewatin' etunda e Mwana, nt'watina etunda n'ishe. ²⁴ Muriira, nabwere ungu worukira e kinwa chani na wasimira ungu warintuma, uri n'e karamo ke matu ati nanti uritu mo rubhansa ina wameta etuka muroku ni kime mu karamo. ²⁵ Muriira, nibw'irengi cho,etambi yamiya, na yamokind' iya, imbo bharekwa bhorukira e murenge wa musike wa Ongo, n'ebhasorukirao bhaserama. ²⁶ Bhushwa, Tita e bhuriwe ne Karamo, nangebhumbo waninka ko e mwana we. ²⁷ Na wamuninka bhunkangwe bw'ikera mansa, bhushwa iwe mwana wa mwea. ²⁸ Kiro mwisarima mu'ncho, bhushwa e ntambi Yeya, mu bhati e bhari mo masinda bhorukirayo e mrenge, na nti bhafuka. ²⁹ E bhakoranga byakonda bhafukayo nininkwa e karamo ke matuati, n'ebhakorang'ebhubhi bhafukeyo mw'ikererwa obhansa. ³⁰ Ntamukora kinwa kiti ani 'sine: narindire e rubhansa rwani rweira, bhushwa ntangasonda e risasa rani, ina e risasa rewantuma. ³¹ Kubha ani ngi narisha bhususe bwani, e bhususe bwani ntiti bwa hunda. ³² Hari umpe ngi userushayo e bhususe bwani, na nisi mbwe bhususe bhurushunge we kuri ani bwe ira. ³³ Mutumanga mwea kuri Yohana, na warusha bhususe bwe ira. ³⁴ Kuri ani, nti mwea ngwa mpese e bhususe bwani, ina nebha kino, bhushwe muninkwe karamo. ³⁵ Yohana wabhesanga chaka, na mubhesanga mushima irika ntambi nima muncho chaka. ³⁶ Ani nikwengi bhususe bhukiri irenga bwa Yohana, bhushwa e mikorere ya Tita yampesenga ibhereresha, e mikorere ikorange ani, yashea nti Tita ngwarentuma. ³⁷ Na Tita ngwarentuma washea e mikorere Yani, mutungerukiranga e murenge wae, ne mbaso yae mutungasungangayo. ³⁸ E Kinwa chae nti kiri kumunda ninu, bhushwe nti musimira Ongo. ³⁹ Bhanu murorotange e mitiro bhushwe bhanu mwanikira nge ishee kuriyo e Karamo; nambyo ngi byarusha e bhususe bwani. ⁴⁰ Mutungasonda iya Kuri ani mushei Karamo. ⁴¹ Ntanga huna itatwa ne bhea. ⁴² Ina nisi mbu bhanu musira e nchimi ya Ongo. ⁴³ Nariya morina ra Tita na nti murenikoke; nompe wamiya murina rae, nti mumukoke. ⁴⁴ Bhuni bwamusimira bhanu, na bhanu muraa mwitatwa, na mutungasonda itatwa na Ongo? ⁴⁵ Kiro mwanikira mbu naabhusangereyo mo makako a Tita, ina e wabusongerenga ngi Musa, bushe ngi kwarianga, bhanu e mwenyihiro. ⁴⁶ Bhushwe murisimira Musa, nani munsimire, bhushwe watiranyanga murina nani. ⁴⁷ Kuti nti musimira e bhinwa bwae; bhuni ngi bwa musimira bhanu e byani?