¹ Nyerekuritu wasibha mbw'e bhafarisayo bhorukiranga mbwabhesanga ukorange n'irubhika bhemisa bhingi irenga Yohana. ² Ina Yesu wabhesenga utangarubika wesine, ina e santumwa sae. ³ Watuka ku Yudea n' ikuruka ku Gariraya. ⁴ Rakomenwanga nti wetiri ku Samaria; ⁵ Wiya m'obhungo rwa ku Samaria,rwabhikirwa mbu Sikari, kwihi n'erishwa raninkwanga Yosefu na Yakobo ishe. ⁶ Hiha abhesenga hari e tukuriro ra Yakobo. Yesu waruha munkati ne ruwendo rwae warik' e kwansi ku mushi ne r'etukuriro. Abhesanga nti ntambi mutubha. ⁷ Mumina uma wa Kusamaria wamukumana mpo ntusondang' ituko mecha. Yesu wamw'ire, nininke mecha iyomo. ⁸ Bhushwa e santumwa sae nti samenda mo rubhungu rukiri mwienda kachura bhio. ⁹ E mumina musamaria wamushisha;bhuni ng'wamukiya oongo muyahudi unihema mecha iomo na ntiani musamaria? nty'ongo 'si mbu bhanu bhayahudi na bhaate bhasamaria tutanunsananga? ¹⁰ Yesu wa musako: umusibange e muhango wa Ongo n'esibha inye ng'ukuhemange 'mecha er'iyomo, umuninkwange,umunihemange mpe mecha iyomo ,bhumbo umuninkwange mecha a bhuingo. ¹¹ E Nyerekuritu washisha e mumina ngo, mbu oongo sira irea ritukure mo mecha n'ekiribhu ehareha nguru; kuni nge ngi kutukurengi oongo e mecha e karamo? ¹² Mbe oongo mukakare kuri tita witu Yakobo watuninkanga e riribha rino, nawe wesine womore nga muro ne bhana bhae ne sankambu sae. ¹³ Yesu wamushisha: Uti uti e womo mumecha ano wasebhesa yo tu na mbusha. ¹⁴ Ina ungu eusomoyo mu mecha ea mamunink'ani ingu watorukiriyo tu mbusha,nango mecha amuninka ani amuronjie nchoko ye matu ati. ¹⁵ Emumina wamwire: e Nyerekuritu, mpesi mo mecha ngo kongo ntabhi yotu na mbusha na nteyiyo tu katuko mecha hano ¹⁶ Yesu wa mwire enda kanibhikire moke wabhe iyan' ehano ¹⁷ Emomina wamusubie: nsira wabhume. Yesu wamushisha iira rabhe ndo muiebha mbu ongosira wabhume. ¹⁸ Bhushwa ubhesenga na bhabhume bhasanu ne uri nabhe mwino ntambi nti wabhe. ¹⁹ E mumina were Yesu: nakae nti ongo mutahwa. ²⁰ Bhatita bhahere nga murou runo na bhanu mwebange;mbu h'er'ihere nti ku Yerusalemu. ²¹ Yesu wamw'ire: Nisimire,e santambi siya, ritabhesiyotu mor'ou runo ari ku Yerusaremu e kusehereyo bhanu. ²² Bhanu muherengi entibhisi bhanu, eina bhate tuherange ekisi bhate bhushwa e nchukaro yatuka ekubhayahudi. ²³ Ina esantambi samiya,na seyange e bhahemi bhakonda bhasondange Tita mo mutima na mor' eira bhushwa imbo ng'e bhahemi me Miriam mutabheri mu Fiona. ²⁴ Ongo Mutima bhasondange Ongo. rakomenwa e bhamuherengi,bhamuhereri mo Mutima n'eira. ²⁵ Emumina wamwire : Nyerekuritu,wasiya,eutukurwanga mbu Kirisitu ;entambi wiyayo watutureyo Kinsi kikayi. ²⁶ Yesu wamwire :mbwani ngi ungo;ani ngi Na kwere. ²⁷ Kuruma nampo ,e bhemisa bhae bhatingirwa Na koha mumbi byabhesanga byebhange we n'e mumina. Harukan'uma wimwere inki ngi chebhange ongo. ²⁸ Himpo, e mumina wasia e rirea rae wenda morungu washisha e bhea. ²⁹ Mwie kasunga e mweya wakunture e bhiti byar'ikora ani,ntinge Kirisitu? ³⁰ Bhatuka murobhungu bhamwehie. ³¹ Muntambi njo esantumwa se nti bhari na by'erisa bhebha e muhani:risa. ³² Iina wasako bho:niri na bhio nti byosi bhanu. ³³ E santumwa sashishana kuti bhamamurishie bhiyo? ³⁴ Yesu w'ire bho: e bhiyo byaani ikora erisasa rangu wantumanga irengecha e mikorere yae, ³⁵ mbe mutungebha mbu kwasiya myeri inye nti tweya mo mata? Mukai nibhushishange na mukandu e meso bhushwa e mirime yamako murikao. ³⁶ Ing'ukaongi unikwanga ohembo n'ituma e byuma bhushe ne bhuingo bwe matu ati kongo 'ngu mwekange nang'ukaongi bhashei ngoa hima. ³⁷ Bhushwa inchi chebwange ch'iira: e wekange umpe, n'eukaongi umpe. ³⁸ Nabhutumanga ikao imbi nti byakoranga bhanu, bhampe ngi bharikora na bhanu mukimenga mo murimo wabho. ³⁹ Bhasamaria bhingi mo rubhungu ndo bhasimira Yesu bhushwa e bhinwa bye mumine: wakunshishanga e bhiti mbi bya koranga ani. ⁴⁰ E bhasamaria bhatuma tu bhea kamusunga bha hema warike nabho. Warika nabho matuabhi. ⁴¹ Bhingi nguru bhamusimira bhushwa bhamiyorukire ne kinwa. ⁴² Bhashishanga e mumina nti bhushwa mbi byakweba ongo ngy'asingwa twasimira, bhushwa bhamirukire bhisine na bhasimira iwe Mukota. ⁴³ Kuruma na matua bhi Yesu watukampo,wenda ku Ngariraya. ⁴⁴ Bhushwa wabhesanga wamebha wisine mbu e mutahwa watatundwanga mu chuo chae. ⁴⁵ Wakia wameya ku Ngariraya bhisa ku Ngariraya, imbi bhasunganga byakorangae ku Yerusaremu e rotu rukiri bhamukoke na chuuka. ⁴⁶ Wakuruke tu kuKanaani ka ku Ngariraya inku kwabhindurengae e mecha abhe nsande. Ku Kaperenaumu abhesenga kuri mwana wa muhanga uma nti mukoni. ⁴⁷ Wakiya wamorukira mbu Yesu usairengi ku Yudea murihite ku Ngariraya wenda kamukumana wamuhema wendi karamya musike we na nti uri hansanga na reke. ⁴⁸ Yesu wamushisha mumafund'wisunga bhishisharo na tushingishiro mutukoche isimira. ⁴⁹ Shebhiraya we mubhake webha: Mukota enda tete na musik'ani ntinti neki bhutanga kwa musiky'ani. ⁵⁰ Yesu wamushisha oongo enda ,musike wabhe wamarama. Ne wabhume ngo wasimira e kinwa cha muere Yesu, wenda nakubha. ⁵¹ Muntambi yendangewe,e bhafuku bhae bheya kamuture mwasi:musike wabhe wamarama. ⁵² Washisha kubha wakuramanga munye ntambi;na bhamusubhie e kabhurura kakukukanga muntambi sirinda. ⁵³ Ishe wateerera mbu ngy' atuka e santambi sakumushishanga Yesu:musike wabhe wamarama. Itukire hiha wasimira iwe ne ruanda rwae ruti. ⁵⁴ Yesu wakora bhishisharo bhino bye metabhi erotu rwatukanga bho ku Yudea nti wendange ku Ngariraya.