¹ Kwa rikanga mwea uma mu bha farisayo , e rina rae Nikodemu, uma mo bhakakare bhe bhayahudi. ² W'iyere Yesu mutu, wamwere: E muhani, tosi mbu ongo muhani mukiri, na uritumwa na Ongo bhusha kusira mweya wamukore bhishisharo bhikoranga ongo kuti nt'uri hima na Ongo. ³ Yesu wamusubhie: mo riira, nikushishange, e mweya wamafundw'ibhutwa re meta abhi, watakoche isunga e bhubhake bwa Ongo. ⁴ Nikodemu wamushisha: bhuni wamakiya mweya wabhutwa tu na wamakunguha? wamakuruke tu mo bhura bwa nina n'ibhutwa? ⁵ Yesu wasubya: muriira nikushishange, e mweya wamafund'ibhutwa mo mecha na mo mutima watakoch'ikime mo bhubhake bwa Ongo. ⁶ Inchi chabhutwa mo mubhi nti mubhi nanchi chabhutwa mo mutima nti Mutima. ⁷ Ang'ishishara bhush'ekinwa chakushisha 'ni,ukomenwa ibhutwa re met'abhi. ⁸ Eriyuhu rifufenga nku kwashimaro na nt'worukira ho e bhurunga,iina utusibhi nku kusaange ro na nku kwendange ro, Ngi bhuri kinsi mweya ngu wamabhutwa mo mutima. ⁹ Nikodemu wamushisha: bhuni wamabhundukabyo? ¹⁰ Yesu wamusubhie: ongo muhani mo Israel, n'e bhinwa mbi nt'ong'osi byo? ¹¹ Mor'eira, nikushishange, twebhange mbi byosi bhate, na tuturange mwasi mu mbi bhisungange bhate, mutungasimira e mwasi witu. ¹² Mumafundwa esimira na nibhushishange bhikai bya kino chuo,bhuni bworukirayo bhanu naakiyayo nibhushishange bhikai by'e kwiyo? ¹³ Kusira mweya wamatayanga kwiyo, uma hongu wahitanga isaire e kwiyo, mwana we mweya ingu uri e kwiyo. ¹⁴ Nambu bwahanikanga Musa e nsoka mu bweru, ng'wahanikwayo e mwana we mweya. ¹⁵ kongo kinsi mweya ngu wamusimira, washei e bhuingo w'ematuati. ¹⁶ Bhushwa Ongo warishima e chuo nguru, wasibhura e ngomo kongo kinsi ngu wamusimira watakwingi, iina washei ee bhuingo we matu ati. ¹⁷ Ongo nt'warituma musike we mo chuo bhushwa er' obhansa mo chuo, iina bhushwa woshukaye e chuo. ¹⁸ Ingu wamusimira usira obhansa, iina ingu ntwamusimira iye uri n'obhansa,bhushwa watin'erisimira e ngomo ya Ongo. ¹⁹ Nerubhansa ndo ngi runo: e chaka cheyanga mu chuo, e bheya bhashim'emwirimya irenga e chaka bhusha e mikorere yabho yanyara. ²⁰ Bhushwa kinsi ng'ukorenge bhubhi wanyarirw'echaka na watakoch'isaa kuri 'echaka e mikorere yae yamenda kasungwa. ²¹ Iina ing'ukorange mu r'iira ukimengi muchaka bhushwa e mikorere yae isungwange, bhushwa yam'eswa kumunda na Ongo. ²² Kuruma naha,Yesu, hima n'esa ntumwa sae bhenda mo chuo cha ku Yudea, warika ko nanko abhesenga urubhikange bhea. ²³ Yohana nae nti urubhikanga bhea ku Ainoni, kwihi na ku Salimu, bhushwa abhesenga kuri eribha nti 'ngi kurubhikwange e bheya. ²⁴ Bhushwa Yohana ntinti neki waminwa. ²⁵ Kwa saa obhangu munkati e ntumwa sa Yohana na muyunani uma, nt'wamaturana mu kinwa ch'er'ishuururwa. ²⁶ Bhenda kuri Yohana bhamushisha: E muhani, ingu wabhesanga uri nabhe mo rumpe oharo rwa Yorodani, umutata nakubha, rinotu urubhikange, n'ebhea bhati ngiye bhamwemisange. ²⁷ Yohana wasubhie: kusira ngu wamushee nki nti kaninkwa we nangu we kwiyo. ²⁸ Bhaanu mosi bhanu bhesine, nakubhushishanga: nti ani nge Kirisitu, iina ani ntumwa yae. ²⁹ Shemine 'momina ngi moke, iina mira we abhume uri na ngoa singi mor' iyorukira ekikoe chae: E ngoa sa ngi siri nani, ngoa sashuururwa. ³⁰ Rakomenwa iwe wataye nani nihite. ³¹ Ingu usaange e kwiyo uri habhasirwa ne bhati, ing'uri e kwansi wa kwansi, na webhange bhuri mweya wa kwansi, Ing'usaange e kwiyo uri ho habhasirwa e bhati, ³² W'ebhange mumbi byasunganga we nambi byorukiranga we, na kusira ingu wasimira e bhinwa byae. ³³ Ingw'areriya e mwasi wae, osi shushu mbu Ongo w'eira. ³⁴ Bhusha ingu warebhekwa na Ongo w'ebhanga e bhinwa bya Ongo,bhusha Ongo 'tamuninkanga e mutima wae na ngerero. ³⁵ Tita washima musike we, na waremuninka e bhikai bhiti. ³⁶ Ingu wasimira musike wa Ongo uri na bhuingo we matu ati, ingu nt'wamusimira watasungiyo e bhuingo iina e bhusubhuke wa Ongo warika habhasirwa naye.