¹ Nampo Pirato wasibhura Yesu bhamuhumba tushushu. ² E bhashirikani bhamuruke kembo ka menke n'imumbaricha ko mo muntwe,na bhamumbarich'ikoti rabhusi bwasuma; na bhiya kiri we. ³ bhebha:twakukea,mwami we bhayahudi ! N'imurasa bhihi. ⁴ Pirato wasaa tu n'iere e bayahudi:nge ungu nabhushaishie we habhutara,kongo musibha mbu ntinasunga bhubhi bhuti kumunda nae. ⁵ Yesu wasaa nt'wambara kembo ka menke na nganju ya bhusi bwasuma. Pirato washisha bho: ngeungo. ⁶ Bhashe bhakungu n'ebhea bh'emurimo bharekiya bhamusunga,bhakua : wakwe!wakwe! Pirato washisha bho: mumutingi bhanu bhesine. Na mumuye bhushwa ani ntinamusunga na bhubhi. ⁷ E bayahudi bhamusako: turi na momba;na mu momba witu wakomen'ikwa,bhushwa wekiya musike wa Ongo. ⁸ Pirato warekiya worukira e kinwa ncho,watingirwa na mushiki mukiri. ⁹ Wakuruke tu mo numba y'er'ikere samansa. Washisha Yesu:utuka kuni? Ina Yesu ntwamusakonga. ¹⁰ Pirato wamwere: n'ebhange nabhe n'utunganisako? Ntong'osi mbu niri na bhunkangwe bweri kuya.ne bweri kuramya? ¹¹ Yesu wasako: utumubhese na bhunkangwe kuri ani,kubha nt'uninkwanga bho itukir'ekwiyo. Ngechasingwa e wansibhura kuri ongo wakia bhubhi bwasuma. ¹² Itukire muntambi njo,Pirato wasonda imurekerere. Ina e bhayahudi bhakua: umamurekerere nti ntyʼongo mira wa kaisari. Kinsi ngu wekiya mbu we mwami ,ntwirengecha na Kaisari. ¹³ Pirato murirukira e bhinwa mbyo,wasaisha Yesu habhutara ,nʼirika mo kitumbi che kibhu, e habhikirwa hʼikoi na mo kiebrania Gabate. ¹⁴ Bhabhesanga nti bharangange Pasaka, bhuri ntambi mutubha. Pirato were e bhayahudi: e mubhake winu nge ungu. ¹⁵ Ina bhakua: mutunje,mutunje washurwe! Pirato were bho: nishure mubhake winu? E bhashe bhakungu bhasubhie: turi na mubhake uma ho nti kaisari. ¹⁶ Nampo wamusibhura kongo bhamushura. Bhatinge Yesu bhenda nae. ¹⁷ Yesu,waria e riango rae,wiya hambasiro erou hantondori, nti habhikirwa Gorigota mo kiebrania. ¹⁸ Himpo ngi hamuyerenga bho,iwe na bhea bhabhi,uma mukira uharo na Yesu munkati. ¹⁹ Pirato watira mitiro warandisha yo hambasiro eriango,nt'yatiranyiwa: Yesu wa ku Nasareti e Mubhake w'e Bhayuda. ²⁰ Bhingi mo bhayahudi basoma e rwandiko ndo, bhushwa mbu mpi hamushurenga bho, habhesanga kwihi nʼerubhungu rukiri; rwabhesanga rwatiranyiwa mu kiebrania,mu kigriki namukiratini. ²¹ E bhashe bhakungu bhe bhayahudi bhashisha Pirato: kiro kiya rwandiko mpo mbwʼiwe mubhake we bhayahudi.Ina tira ho ebwebhanga we: Ani nge mubhake we bhayahudi. ²² Pirato wasubya: ebyamatiranya 'ni namatiranya byo. ²³ E bhashirikani,kuruma nʼerishura Yesu,bhatinge e sa nchangi sae,bhabhanya to meta anye kinsi mushirikani kebhe kima.Ne nganju yae,ngombe nji e nti yarandwanga itukire ha nkoto iya na mutunsinsiro. Na Bhashishana: ²⁴ Kiro twabhenga yo,ina tukub e mbai kuba yeenda kuri nye. Incho cheya kongo e kinwa chʼemitiro kibherereshwe: bhabhanyana e sanchangi sani na b akub a mbai mo nganchu yani. Bhimbyo ngibyaronjanga e bhashirikani. ²⁵ Nina warikanga kumushi neriango ra Yesu na mwisi 'abho Maria mukari wa Kreopa na Maria mwisa ku Magidara. ²⁶ Yesu,wasunga nina,na kumushi nae ntihari mwemisa uungʼushimangae webha na nina:mumina,kaenga musikyʼabhe. ²⁷ Ituka mpo were e ntumwa:kae nsonko. na mu ntambi nanjo e ntumwa yamuria kukwae. ²⁸ Kuruma naha,Yesu,wasibhanga mbwebhiti byamasira,webha:nakwa mbusha,kongo e mitiro ibherereshwe. ²⁹ Habhesanga mpo kambiri karisa kabhi; e bhashirikani,bhatubhika e rosara nʼitarisharo mu muronge,bhashea ro mo bhunu bw'ae. ³⁰ Ikindʼiyomo e kabhi Yesu weba:E bhiti byabhererera. Waombya e rikoti,wakera e mutima. ³¹ Murisubhaha e kinda kirike mo riango,mo rotu rwereinga,bhushwa nti bharindirengi e rotu rukiri rwe Pasaka,e bhayahudi bhakonga kuri Pirato,bhanowe e mindi ye bhakwi nʼitunja bho. ³² E bhashirikani bhiya,bhanoa e mindi ye waroso ne ye umpe e washurwanga hima nae. ³³ Morisheere kuri Yesu,ntwamakwa rero,bhatamunoi tu e mindi. ³⁴ Ina uma mubhashirikani wamukura e ritumo mosankanga,ne nchama yasaa hima na mecha. ³⁵ E Wamusunganga, wabhesa e kariho,n'ekariho kae nti k'eira wasibha nt'webha eira kongo na bhaanu musimira. ³⁶ E bhiti mbi byasungwa kongo e mitiro ibherereshwe;anga n'ikuwa risenowayo. ³⁷ Na kumpe tu e mitiro yebha: bhaasungi ngu wakasonga bho. ³⁸ Kuruma nampo,Yosefu wa Ku Arimateya,na iwe nti ntumwa ya Yesu,ina ntwebhisange murisubhaha e bhayahudi, wakonga Pirato e mubi wa Yesu. ³⁹ Nikodemu ing'uendanga kasungana na Yesu mutu;nae wiya na marashi na mwaka byasonyiwa byamwiya mu bhutea iyana. ⁴⁰ Bhenda ne mubhi wa Yesu,bhabhumbe o nchangi n'itirao marashi itukana ne ntungo ye bhayahudi. ⁴¹ Nampo nti hari k'ishwa hakianga bhashure Yesu,na munkati n'erishamba nti muri esinda rishasha ritanga kimenga mo mwea n'er'ishwa. ⁴² Himpo ngi harianga bho e mubhi wa Yesu,bhushe n'er' itunganyie 'rotu rukiri bhush' eresinda nti ririkire kwihi.