¹ Warekiya wam'ebhanga e bhinwa'mbi, Yesu wenda n'e bhemisa bhae mu rump'uharo rwe rusi kiduroni mundo uharo nti kuri ishwa rikeke wenda ho iwe ne bhemisa bhae. ² Yuda e wamushianga nti abhesanga usi e rishwa ndo, bhushwa Yesu wabhesanga ukierenga ho nkumananano n'e bhemisa bhae. ³ Nampo Yuda hima na kikembe kikiri cha bhashirikani nti batinge nkeko, tusuku na manduki. ⁴ Yesu bhushwa abhesanga usi ebhisemwehie w'ishea ni shishabho: bhanu musondang'inye? ⁵ Bhamusubhie, Yesu waku Nazareti, Yesu werebho: Ngi ani. Yuda ungo e wamushianga nturi nabho hima. ⁶ Wakia werebho mbu ani, bhakuruka kuruma, bh'enduk' e kwansi. ⁷ Kuruma nampo, washisha tu bho: bhanu musondange inye: bhasubya tu, Yesu wa ku Nazareti. ⁸ Yesu wasubhie: Namabhushisha mbu ngi ani. Na kuti bhanu munsondange mureki e bhampe mbi. ⁹ W'ebhanga ncho kongo wabhereresha, ch'ebhanga we; Nti nareriminya n'uma mumbi bhambesenga ongo. ¹⁰ Nampo Simoni Petero nti uri na mwere, watomora o mo hara wakera e kote kwa kwabume kwa ntumwa n'ima ye mukungu. E ntumwa njo erina rae abhesanga ngi Mariko. ¹¹ Yesu w'ere Petero; kurucha e mwere wabhe mu hara. E rosara rwambese tita mbeti ntinahwi omo ro? ¹² Kuruma nampo, e bhashirikani ne mukwakare wabho hima ne ntumwa se bhayahudi, bhatinge Yesu, bamumina. ¹³ bhenda nae raroso kwa Ana bhushwe iwe abhesenga eshibhe wa Kayafa , ungo ntingi mukungu mukiri e mwaka ngo. ¹⁴ Nae kayafa ng'wahananga e bhayahudi mbu rakomenwa mwea uma wakwe bhushwa n'ebhampe. ¹⁵ Bhemisa Yesu, Petero n'ompe ntumwa bhemisa Yesu. n'eumpe ngo iwe nti usibhirwe ne mukungu mukiri, bhakime hima na Yesu mu bhutara bwe mukungu mukiri. ¹⁶ Ina Petero wasia ha bhutara kwihi n'e rubhi e umpe ng'wabhesanga abhesenga usibhirwe ne mukungu murisaa were e murangi w'e rubi, wakimisha Petero ku munda. ¹⁷ Ina e mufuku murangi werubhi, washisha Petero; nti ongo uma mo bhemisa bhe mwea ngu? Iwe wasubya, mbu anga. ¹⁸ E bhakori ne santumwa bhabhesanga bhasimana mpo, bhakoya kasha kingi bhushwe nti kuri keme, Petero nae nt'worukirange mo kasha. ¹⁹ E mukungu mukiri wa shisha Yesu bhushwa n'ebhemisa bae ne mahano ae. ²⁰ Yesu wa musubhie: N'ebhanga bhunsansara mo bhea bhati e matu ati ni tondesange mo masinangoki na mo marameso munkati ne bhayahudi bati, nti narebha kinwa kiti kiti mu nama. ²¹ Bhushwanki inishisha ani? shisha mbi bhahananga ani mu'mbi byebhanga 'ni n'abho, bhosi mbi byebhanga ani. ²² Mor'isubya mbo, mukori uma wabhesenga uri kumushi na mpo wamukaso kihi, ni ebha, Ongo subhiengi mbo bhashe bhakungu? ²³ Yesu wamusubhie, kuti namebha bhubhi, nkane e kibi mumbi byebha ani na kubha namebha shushu. Bhushwanki unikaso kihi? ²⁴ Nampo, Ana wamuria, nti waminwa kwa Kayafa, e mukungu mukiri. ²⁵ Simoni Petero nt'uri mpo na nt'wonyukarange mo kasha. Bhamushisha, n'ongo , nti ongo uma mu bemisa bae? Iwe watuna, webha, ntiani. ²⁶ Mukori uma we mukungu mukiri, nae nti ng'wabhuta ewakerwanga e kote na Petero, webha: nakukusunga mo rishwa hima nae? ²⁷ Petero wa tina tu, mo ntambi njo e nkoko yabhikira. ²⁸ Mo mukomakoma, bhamukuto kwa Kayafa, n'imurisha ha Kerebho er'ubhansa bhesine nti bhakimenga ha rushu rw'erubhansa bhamwerisia mikonsi mor' er'isa e Pasaka e Pasaka. ²⁹ Pilato wasaa habhutara, webha, kibhi 'nki chasingwa murisha e mwea uno? ³⁰ Bhamusubie: utamubhange mubhi kongo nti twamurisha kuri ongo. ³¹ Pirato werebho, mwendi nae mwikeri e rubansa bhanu bhesine imbu w'ebha e myomba y'inu. E bhayahudi bhamusubie bhate tusira kara kishura mwea. ³² Abhesenga ibhereresha e kinwa chebhanga Yesu mw'ishea oku 'nki rusekwae. ³³ Pirato wakime tu e rikere e rubhansa, wabhikira Yesu, wamushisha ongo nge mubhake we bhayahudi? ³⁴ Yesu wamusubhiye, ongo webha mbo etukana nabhe ong'wesine ari bhampe ngi bhakukuture e mwasi wani? ³⁵ Pirato wasubhie: mbe ani muyahudi? e chuo chabhe ne bhakakare bhe bhakungu ngi bhakukurisha kuri ani. ukukora'nki? Yesu wasubya, ebhubhake bwani nti bwa kino chuo. e bhubahke bwani bwa mubhesengi bwa kino chuo. ³⁶ Yesu wasubya ,e bhubhake bwani nti bwa kino chuo. e bwami bwani bwa mubhesengi bwa kino chuo, e bhemisa ne bhakori bhani bhamunikwanengi kongo ntatingirwi ni rierwa ne bhayahudi .ina e bwami bwani nti bwahano hansi. ³⁷ Pirato wamwere ,ongo mubhake? Yesu wamusubhie, ongo ngiwebha,mbu ani bhubhake. Nabhutwanga na niyanga mo chuo kongo natura e kari ho kinsi ngu uri muriira worukirange e kikohe chani. ³⁸ Pirato wamwire, er'eira ngenki? kuruma n'eriebha ncho wasaa, wenda kurie bhayahudi w;erebho: nti nasunga bhubhi bhuti kuriwe. ³⁹ Ina kokw'inu kuri ntungo y'iobhora mubhi uma eroti rwe Pasaka, mbeti mushima n'ibhobhori e mubhake winu we bhayahudi? ⁴⁰ Bharita tu changa kingi; nti ngo, iina Baraba, na Baraba nti muyeri wa bhea.