¹ Warekiya wamakind' iyebha, Yesu wasimany'e meso e kwiyo, webha: tita e ntambi yameya tata musike wabhe, na musike wabhe wakutate, ² E bwamuninkanga ongo e maa mu kinsi mweya bhushwe waninkane e bhuingo bwe matuati mu bhea bhati e bhamuninkanga ongo. ³ N'e bhuingo bwe matuati, bhushwa bhamakusibha ong'wesine Ongo, ne ntumwa yabhe, Yesu Kirisitu. ⁴ Namakutata mo chuo, namakinda e murimo e wanininkanga ongo. ⁵ Ne ntambi ino, Tita nitate kumunda nabhe e ritata e rabhesenga nani mu makako abhe kubhusundori e chuo kibhe ho. ⁶ Namashea e rina rabhe mo bhea bhaninkanga oongo mo chuo. bhabhesanga nti bhabhe, n'unininka bho, na bhamabhika e bhinwa byabhe. ⁷ Bhumbo bhamateerera mbu e bhiti byanininkanga ongo byatuka kuri ongo. ⁸ Bhusha naninka bho e bhinwa byampesanga ongo na bhamashee, na byo n'iteerera mbu narituka kuri ongo, na bhamasimira mbu urintuma. ⁹ Bhushwe na'bho ngi chasingwa nahema. Ni hemange nti bhushwa bwe chuo, ina, mumbi e bhanininkanga ongo, bhushwa ibho bh'abhe. ¹⁰ Ne bhiti byani byabhe, n'ebyabhe byani, na natatwa kuribho. ¹¹ Nti niri tu mukino chuo, ibho bhari mo chuo na nenda ko kwabhe. Tita ng'washuururwa, ranga mu rina rabhe, ebhanininkanga ongo, kongo bhabhesi mwea uma bhuri bhate. ¹² Nakukiya nikiri nabho mo chuo naranga bho mu rina rabhe. Na rebhika e byampesenga oongo, na kusira anga numa e warerimina ina ho e mwana we ririmina, bhushwe e kinwa chabhe kibherereshwe. ¹³ Nenda kuri ongo,na namebha e bhinwa bhino mo chuo, kongo bhabhesa na ngoa kuri ani. ¹⁴ Nareninka bho e kinwa chabe, ne chuo chatina bho, bhushwa ibho nti bhe chuo, e bhuri ani nti we chuo. ¹⁵ Ntanga kuhema mbu kuto bho mo chuo ina ranga bho n'ebhubhi. ¹⁶ Ibho nti bhe chuo, ebhuri ani nti we chuo. ¹⁷ Shuurura bho mo riira rabhe: e kinwa chabh' eira. ¹⁸ E bwantumanga ongo mo chuo, nani natuma bho mo chuo. ¹⁹ Na neshuurura ani sine bhushwa nabho, kongo nabho bhashuururwa mu riira. ²⁰ Nti bhushwe rabho ngi chasiungwa nahema, ina tu mumbi nabho ebhasensimira itukana ne bhinwa byabho. ²¹ Kongo e bhati bhabhesi uma, e bhuri ongo, tita, Ongo uri kumunda nani, ne bhuri ani kumunda nabe, bhushwe nabho bhabhese kumunda nitu bhushwa e chuo kisimire mbu urinituma. ²² Nareninka bho e bhushime ebwampesanga ongo bhushwa bhabhese mweya uma bhuri bhate. ²³ Ani kuribho na Ongo kuri ani kongo bhakomenwa ishu, ne chuo kisibhe mbu ongo ng'untumanga na urishima bho ebwanchima oongo. ²⁴ Tita, nashima impo haserika ani, nambo e bhampesanga Ongo bha bhesi ho, kongo bhasunga e ritatwa rani, e ritatwa e rantatanga ongo, bhushwa unchimanga kubusondori ne chuo. ²⁵ Tita w'eira, e chuo nti chakuteereranga, ina ani na rekusibha, na bhimbo bhamasibha mbu ongo ngi urinituma. ²⁶ narekindi ishea bho e rina rabhe, na nseshea bho, kongo e nchimi eyanchima Ongo yabhesa kuri bho, n'ani nabhesa kuri bho.