¹ E mitima y'inu kiro y'eshishirisha. Musimira Ongo munisimire n'ani. ² Kuri ndikaro ningi kwa Tita, bhibya bhitamubhesanga, namubhushishange. nenda kabhusonde ndikaro, bwari. ³ Nakubha nabhesa nti namenda nanti namabhusonde ndikaro, nsekurukayo na nabhuringayo hima nani, himpo hariana na bhanu mubhesi ho. ⁴ Bhanu musi e kwendangyʼani, na bhanu musi ense. ⁵ Tomasi wamushisha, e nyerekuritu, nti tosi e kwendange ongo, bhuni bwamusibha bhate ense? ⁶ Yesu wamusubhie, ani nge nse, reira n'ekaramo, kusira wamwiya kwa Tita kuba ntwakunetire mo. ⁷ Kubha mumunsibange, mumunsibhange Tita, n'itukire e ntambi ino bhanu mumusi na murimusunga. ⁸ Filipo wamushisha, e Nyerekuritu, tushee Tita nancho charengeka. ⁹ Yesu wamwire, iyo matu niri ninu nti urinisibha, Filipo ingu warenisunga nt'wamasunga Tita. Bhuni bwebha ongo, tushee Tita? ¹⁰ Nti ongo si mbu niri kumunda naTita, na Tita kumunda nani? ebhinwa byabwire ani, ntangebha byo ani sine na Tita ngu uri kumunda n'ani, iwe ngi ukorange. ¹¹ Munisimire, niri kumunda na Tita na Tita kumunda nani, simira bhushwa bwe mikorere yae. ¹² Mureira, nabwire, ingu wanisimira wakiyayo mikorere ikorangy' ani, na wakii na bhikiri, bhushwa nenda kuri Tita. ¹³ Ne bhiti bhisekongayo bhanu mo rina rani, nakiyayo byo, kongo Tita watatwa kumunda na musikewe. ¹⁴ Kubha muhema kikai murina rani, nakiyayocho. ¹⁵ Kubha munishima, mwemise emyomba ni. ¹⁶ Nani, nsehema Tita na usebuninka umpe w'er'ibhusake, kongo warika hima ninu ematu ati. ¹⁷ Mutima we ira, echuo kitamuninkwao, bhushe bhatangasungangao na nti bhasi o, ina bhanu musi o. ¹⁸ Ntabhusiiyo bhuri nkubhi Tita, nsiyayo kuri bhanu. ¹⁹ Ntambi nkeke tu, echuo kitanisungi, ina bhanu, mukuni sunga, bhushe niri ho, na bhanu mubhesa ho. ²⁰ Mo matungo, mukusibhayo mbu niri kuri Tita, bhanu muri kuriani, nani niri kumunda ninu. ²¹ Ing' ukwengi e myomba'ni, na'ngu waranjayo, ngi wanishima, nangu wanishima washimayo na Tita, namushimayo nansekwisibishayo kuriwe. ²² Yuda, nti Isikariote, wamwire: Bhuni bw'ebhange ongo, ukwesibirisha kuri bhate nti kuri e chuo? ²³ Yesu wamusubhie: ingu wanishima, warangayo ekinwa chani, na tita usemushimayo, tusiyayo kuriwe na twakiyayo ndikaro kuri we. ²⁴ Enti wanchima utamuranga ebhinwa byani. n'ekinwa cherukirange bhanu nti chani ina cha Tita ewantumanga. ²⁵ Narebhushisha ebhikai'mbi mo matu akurika 'ni hima n'inu. ²⁶ Ina emubhongi-bhongi mutima mushasa ingu usebhurebheka Tita morina raani, wabuhanayo kinsi kikai, na usebhusubhukiayo ebhiti bya bhushishangani. ²⁷ Nabhusiere bhuhoro, nabhuninka bhuhoro, nti nabuninka bhuri mbu ebhuninkananga echuo. emitima inu kiro y'eshishirisha, na kiro mure. ²⁸ Mumorukira mbu bwamabwire 'ani, neire na nsebwiyere.Mumunchimange, mu mumoange mbu nenda kuri tita, bhushe Tita mukiri kuri ani. ²⁹ Enompena namabwire ebhikai mbi kubhusonderi bhisae kuriani, na mo ntambi yasaa byo mubhesi n'esimira. ³⁰ Ntebhiyotu ninu, bhushi emubhake we chuo wiya, usirakiti kuriani. ³¹ Ina kongo echuo kisibhe mbu nashima tita, na nikiange bhurimbu bwanininkangu tita wanininka, musimane tutuke hano.