¹ E bhurunga n'esa mbangu munkati n'inu sisairengi kuni? Mbe nty'eturawa turi n'inu ngi tuburishiengi e bhita mo bhitambo by'emibi y'inu? ² Muraa, iina mutungashee 'mbi bya raa mo bhanu. Bhanu bhayeri bha bheya, na bhanu muhiyange mumbi bhitakoch'ishee bhanu. Bhanu mukwanange bhita na kwikwanya, iina mutungashee kikai bhushwa mutungahema kuri Ongo. ³ Bhanu muhemange na mutunganinkwa e mirao y'inu bhushwa bhanu muhemange bhubhi, kongo mubhereresha e turawa twinu. ⁴ Bhanu bhashuma! musera mbu er'ishima echuo ibhe murenda wa Ongo? Ingu washim'echuo, w'ikiya murenda wa Ongo. ⁵ Bhanu muhakange mbu e rwandiko rw'ebhange busa, Ongo mu mono, washima e mutima wariangawe kumunda n'itu. ⁶ Iina, kore n'ambyo, Ongo uninkanga mukisa mukiri nguru, ngy'asingwa e rwandiko r'webha: Ongo ntwanana n'ambi bhari n'engari, iina uninkange mukisa kuri 'mbi bhahehera. ⁷ Muhehere mo makako na Ongo, ang'isimirana na mushumbu, naye waabheka kore n'iinu. ⁸ Mweye kwihi na Ongo, nae waashere kuri bhanu. Bhanu bheya bhe bhibhi, mushue mine na mushuururwe e mitima y'inu ye tukorotima. ⁹ murike mu wae, mw'iyonge, mubhe mu kiro! Mubhundure erisea ribhunduki kiro, n'e bhukokome bw'inu bhubhinduke bhonso. ¹⁰ Muhehere mo makako a Mukota, n'ae wa'bhutumbia. ¹¹ Bhanakuti, ang'ihambikane. Ing'uhambikengi munachabho, mungo uhakanyange munachabho, wahambike na wahakamya e mwomba wa Ongo. Umahakamya e mwomba, nti nt'usimira e mwomba, iina uhakanyao. ¹² Uma ho ng'wasimane e my'omba, mukeri wesamansa Ongo w'isine ngw' akomenwa ishukaya n'ibhishabhisha ongo ng'inye; ongo ng'uhakanyange munakinu? ¹³ Murukire bhanu mbi mw'iebyange: run'otu ari mukoma tw'enda m'obhungu rurebhe, twaheanyako mwak'uma, twa'kiyako murimo n'isheeko mwengerero. ¹⁴ Inye ng'usi imbi byabhese mukoma ne bhuingo wae? Bhanu muri bhuri muka, wamasungwa mu kashangi kakeke na nt'washirira. ¹⁵ Mum'ebhange bhuno: '' Mukota wamasibhura, twamabha ho, twamukora inchi na cha''. ¹⁶ Iina runotu mumoere er'ikwisunga. Na kw'itata k'wema. ¹⁷ Ng'ebhumbo, kinsi ng'usi ikora byakonda, wamafundw'ikora byo, nt'wamakiya bhubhi.