¹ Entambi ino bhanu bhasoki, muri nguru nebhibhe bhushe n'emario aseyayo kuri bhanu. ² E bhusoki bwinu bwamabho ne myambaro inu yamariwa na runsenge. ³ E noro ne bhehe bhinu bhiri na bhakenge; Ne bhakenge bhinu bhasebhesa kariho kuri bhanu na bhaserisayo e mibhi yinu bhuri kasha. Mumatuma bhikai mo matu a hende! ⁴ Sunga, er'ohembo rw' ebhakor' imbi bhakorang'e mashwa inu enti bharetua bhanu musubahya bho bharengi, ne mirenge ye bhakori yariya mo mate a Nyerekuritu mine bhichiri. ⁵ Mumarika mo chuo mwikiya bhubhi na kw'imoesha mo sambusha y'inu musukucha e mitima yenu m' otu rwikerwa. ⁶ Mukere bhis' ereira obhansa mukuyanga mbi nti bhabhutinirenga. ⁷ Mubhese n' erindire bhanakitu iya mor' otu rwa Nyerekuritu. Sunga emuhingi warindire byuma byakonda by' eroto, mwirindire iya mwishee e mbura yaroso ne ya hende. ⁸ Na bhanu, mubhese nirindire bhushwa erotu rwa Nyerekuritu ruri kwihi. ⁹ Kiro mwirakasae bhima mu bhampe, bhanakitu, kongo mutukererwi obhansa: sunga ,emukeri w'emansa uri ha rubhi. ¹⁰ Bhanakitu mutingi tukairiro tweminubho ne rindirire mo bhatahwa ebhebhanga mo rina ra Nyerekuritu. ¹¹ Sunga ,twebha mbu bhakasanirwa imbi bhanubhiwanga nguru. Murorukira bhebhange mo muho wa Ayubu,na musunga hende we bwamuhembanga Nyerekuriti, bhushwa Nyerekuritu urisere nsasi na bhonso. ¹² Bhusondori ne bhiti, bhanakitu, kiro musere mo mbingu ari mo chuo, ari muimpe nsererwa. Ina ererisia rinu ribhese erisia neretina rinu ribhese etina, kongo mutuhukingi mo robhansa. ¹³ Uma mu bhanu uri mu minubho? waheme. Uma uri mo sa ngoa? wasimbe ndumbo. ¹⁴ Uma mu bhanu wamabhese mukoni? Wabhikire ebhakungu bhe rirameso, ne bhakungu bhamuhemi, mwimukubhur' engaha mo rina ra Nyerekuritu. ¹⁵ N' erihema rerisimira riseramya emukoni, na Nyerekuritu ntwamusimanya; na kuti wakukora bhubhi ntwasasirwa bho. ¹⁶ Mushishan' ebhubhi bw'inu ebhima mo bhampe, muhemani ebhima mo bhampe kongo murama. E mahemo e bhunkangwe emwea wereira ari na maa mingi. ¹⁷ Eria wabhesanga mwea uri na nsusanya nima niitu: wahema na muho kiro mbura yake, nanti yakenga mo chuo mu kiranga cha myaka ishatu na myeri mutuba. ¹⁸ Wahematu n' ekwiyo kwahicha mbura, ne roto rwabhuta byuma. ¹⁹ Bhanakitu kubha uma mu bhanu wahabhuka kore nereira n' ompe wamukurucha muro, ²⁰ Wasibhe mbu ingu usekurucha mukori wa bhibhi inku kwariminenga we woshukayayo 'ngo mutima ne roku ne bhumbe bhubhi bwingi.