¹ Bhanakitu, kiro kwabhe bhahani bhingi munkati ninu, muteerere mbu tusekererwayo ubhansa rukiri. ² Bhushwa tusitarange bhate bhati mu bhinwa bhingi. E mweya e ntwaresitara moriyebha rae, iwe nti mwea watunganana, wamukocha irange e mubhi wae uti. ³ Mukai, twamamina muri munkatinkati ne bhunu bwe mpunda, nti yatusimira. Twa mwenja e mibhi yabho e iti. ⁴ Turungurire tu e bwasusa ebwato na kiro na kiro bwabhesa bhukiri bhuhimirwange n'e yuhu rikiri, na bwenjiwange na kikai kikeke n'ienja bho ekwashima we. ⁵ Nge bhumbo e rwami kitambo kikeke cha mubhi, ina rukorange byanga bhikiri, musunge, insense rima ra kasha rishikanga bhusara bhukiri. ⁶ E rwami naro kasha, chuo cha bhubhi,erwami kitera, kibhishange e mubhi uti, rusakange mo bhuingo buti naro rwesine rusachiwange n'ekwerunga. ⁷ E bhususe bhuti bwesenyama, bwemironge ne mikururuki n'enyama siti s'ekusi, samurangwa na samakindang'irangwa n'ebea. ⁸ Eina erwami, kusira mwea wamuranga ro. Iro bhubhi bhusira ihakanyiwa rurisere nsungu y'eshura. ⁹ Mu 'ro tutatange Mukota Tita Ongo, na mu 'ro tuherange bheya bhabhumbwa mo nsusanya ya Ongo. ¹⁰ Mo bhunu bhuma bhuma mbo musaange ikasanyie n'iheraa. Ina bhanu bhanakima kiro mubhunduke mbo. ¹¹ Nchoko nima, yamukuto mecha akoma na a bwae? ¹² Bhanakitu, bhunike! e muti uma wamubhuta byuma byakonda na byaange? E mecha e mukwa atamukuto mecha akonda. ¹³ Inye munkati ninu muteesa na mwenge? washee mikorere y'ae yakonda e itukange mu bwenge bwerikwehicha. ¹⁴ Ina mu'mabhe mo mitima y'inu na mono na bhuhaka, kiro mw'itata n'ishukashuka kuri er'eira. ¹⁵ E bwenge mbo bhutanga saa ko kwiyo ina bwa kuno kwansi mubhi n'eshumbu. ¹⁶ Bhushwa e hari mono na bhuhaka nti hari irengwarengwa na mikorere yema. ¹⁷ Ebwenge bwa ko kwiyo ibho bwashuururwa kasa bhurisere bhonso, na byuma byakonda, bhusira karondori na kakorotima. ¹⁸ E chuma che reira chekwa mu bhuhoro mumbi bhasondange e bhuhoro