¹ Kirisitu waretobhora; musimikanga, mutukurukingi tu kuruma, mumekira mo kishoriya ch' ebukobhe. ² Mukohyanga , ani Paulo nibwerengi mumaninkwa mbu er'otende n' erisubhaha emyomba y' e Bayahudi ngi yasingwa musibwa na Ongo, kai Kirisitu nti usira tu nchi echamukorae. ³ Nibwerengi tu mbu kinsi mwea wamaninkwa kinwa na Ongo n'er'otende wabhesanga nti watunda e myomba eiti. ⁴ Mumasiarwa na Kirisitu bhanu 'mbi musondange mwansirwe bhongo iyeter' e myomba; musheiwa, n' ituka mo nchumo ya Ongo. ⁵ Eina bhate mor'isimira ngi mwarinde bhate, mo Mutima 'konda emwenyihiro w'er'eira, ⁶ Bhushwa ekuri Yesu Kirisitu ewatuninkwanga ekaramo k' ematu eati, nti twaraa tu ibha na koha k'er'otende, ari eruk'otende, eina erisimira ngi rikorange mo nchimi. ⁷ Mubhesingi nti bhanu mukanyahange ishu, inye ngwabhuhangire, efund'isimira er' eira? ⁸ Nti Ongo ng'wakora'mbi bhinwa, bhushwa iwe ngw' abhurishienga ekaramo kuri Yesu. ⁹ Ntero nkeke yamubhoya ebhiyo bhiti. ¹⁰ N' iri na mwenyihiro kuri bhanu iyetire Nyerekuritu,mbu mukubhesa bhuri ani. Ongo ngi wafine ingu mwea eubhunubyange, ngi wakae mbyo bhinwa byae; na kiro wabhesa nye, ¹¹ N' ani, bhanu bhanakitu namebha mo mwasi w' er'otende n' erisimira e myomba y' e Bayahudi, bhushwa nki chasingwa nanubhiwa iya n'enompena? kuti ng' ebhumbo, kai ntamunubhiwange tu. ¹² E charaa mw' ani nt' isunga imbi bhea ebhabhunubyange, bhesine nti bhametunja kasa. ¹³ Bhushwa, mbu bhanu bhanakitu, mubhikirwanga mw' ituka mo bhukobhe; eina ekaramo kinu katabhingi k' ikor' emubhi , eina musakani mo nchimi. ¹⁴ Bhushwa e myomba eiti yamabhererera mu kinwa kima, nacho nge kino: Ushimanga euri hima nabhe bhuri mbu ebweshima Ongo w' esine. ¹⁵ Eina mumabhesa nti bhanu mubhabhayanange n' ikambana bhanu bhesine, n' ifund' ishimana, mukohyanga, mu mushamburana bhanu bhesine. ¹⁶ N' ibwerengi, mwemisanga emikorere y' e Mutima mushasha, bhushwa mutumakocha ikore ebhihuno by' emubhi. ¹⁷ Bhushwa emubhi usondange ibhangana n' emutima, n' e mutima nao usondange ibhangana n' emubhi; bhushwa mbi bhibhi nti by' orukirane; bhihindanange; na mutumakora ebyamukorange bhanu. ¹⁸ Kuti mwenjiwa n' e Mutima mushaha, nti nti bhanu muri tu hasikw' e myomba. ¹⁹ E mikorere y' emubhi isungwanga: Erosingirwa, e mikonsi, ebhuhaka, ²⁰ empero y' etumoi, ebhukufi, ebhurenda, e bhushokoshoko,erui, e bhusubuke, e bhushu esambangu, ebhushukishuki, erisingana bhinwa bya manko, meso ema ebhuyeri, ²¹ ekarawa, e bhutamiri,e bhuroho ebyasusana n' ambi; m' umbi bhinwa, nabhusubhukia imbu ebwabwerenga ani itukira kare; imbi bhea ebhamukora mbyo bhinwa bhatangasungi e bhubhake bwa Ongo. ²² Eina ebyuma by'eMutima mushasha: Enchimi, ngoa, bhuhoro, muho ebhongo, erikasanyie, er'eira, er'ikonda, e mutima more, ²³ Emyomba ntyasiana n'ebhinwa mbyo. ²⁴ Bhana Yesu Kirisito bhamasibhura emicho y' emibhi yabho hima n' emyanikiri y' ema n'e bhihuno byemema. ²⁵ Twamabha ho mo e Mutima mushasha, twendi etukana n'e Mutima, ²⁶ Kiro twitata mu bhinwa bya bhusabhusa n' ishoshana, n' isonda ibhakana byabhene.