¹ Muteereranga mbu e mwea wamakwa,na shekusiyerwa e mwandu wamabhesa ukiri mwana makeke, usungwange bhuri mukobhe na kiro wamubesa ng' emine mbyo bhikai ebhiti ebyakusiyererwae n' ishe; ² Eina wahw' iemisa 'mbi bhasimanire byo, n'ebharangi iy' ere wasekiyawaba na bwenge ewashang' ishe. ³ N'ambo ngwabhesanga bhate kubhusondori n' eriya ra Kirisitu twabhesanga nti bhate bhafuku bh' emyomba n' esantungo s' ebhayuda, bhushwa twabhesa twanikirange mbu samuturamya. ⁴ Eina entambi y' akonda ya Ongo yarekia yameya watuma musikewe ingu wabhutwanga na momina mo myomba. ⁵ Wabhesa nti uri na murimo w' itukuto m' obhukobhe, kuri bhate mbi twabhesanga bhakobhe bh' emyomba, n' itubhindura ibha bhana bhae. ⁶ Na twamabhesa nt' iye bhate bhana bhae, Ongo warebhekanga e Mutima wa musike we m' omitima y' itu mw' isonda tw' endi tw' ebhange mor' eira mbu Ongo ngi tita w' itu. ⁷ Nti bhate bhakobhe tu, eina bhate bhana bha Ongo, na kuti ongo mwana, ongo mine mwandu mo nchumo ietire Yesu Kirisitu. ⁸ Kubhusondori erisibhirira Ongo mubhesanga bhakobhe bh' ikore tumoi nti tusibhirwe. ⁹ Eina mumakind' isiba Ongo, na iye bhanu musibhirwe na Ongo, bhushwa nki mumakuruke tu mu mbi bhinwa bya bhutetera na bhusene, bhisondang'ikore tu bhanu? ¹⁰ Bhanu mwansange matu, myeri, ebhiranga n'emyaka. ¹¹ Nasubhaha,namubhesa nti ninubhengi bhusa mor' ibhukore ¹² E chakong' ani kuri bhanu banakitu, mubhesanga bhuri ani, bhushwa ani nirikire bhuri bhanu. Ebhanakitu nibhukongange ncho nguru. ¹³ Eina bhanu m' usi mbu m' obhutetera bw' emubhi, ngi mwabhuturenga 'ni eraroso emwasy'akonda. ¹⁴ Na mo bhutetera ebwabhesenga m' omubhi wani nti murensiyerere, ari nti muretina, eina munikoke bhuri ngashani wa Ongo, bhuri Yesu Kirisitu. ¹⁵ Inki chashea er'eshima rinu? Bhushwa nisi mbu chamubhesange mbo, mumukurang' e meso inu n'imbese o. ¹⁶ Namabha murenda w' inu bhushwa eribwere ho er' eira? ¹⁷ Emuho uri nabho kuri bhanu nt'wakonda, bhasondang'ibhukuto kuri bhate kongo mwemisa bho. ¹⁸ Rakonda ikora bhongo ematu ati, nakiro namubhesa nti n' iri n' inu. ¹⁹ Bhanu bhana bhani bhanunke, niri tu na bwae kuri bhanu, hakiyayo Yesu wasungwa kumunda n' inu. ²⁰ Imbu ebhusondangi ibhesa ani hima n'inu, n' irenganya emurenge wani, bhushwa n' iri na koha kuri bhanu. ²¹ Mun' eri; bhanu mbi musonda kw' ehicha ekwansi n' emyomba? nti m' orukira e myomba, ²² Bhushwa randikwa: Iburahimu wabhesanga na bhana bhabhi, uma wamubhutanga n'e momina mukobhe; n' eumpe kuri ngu mukari w' endani. ²³ Eina ingu mwana wabhutwanga n' emukobhe wamubhutanga m' omubi, n' ango umpe mo ndani. ²⁴ E bhinwa mbyo mushumo, bhushwa ebhomina bhano, ibho ndani sibhi uma ituka mo e r'ou rwa Sinai ngi mwaninkanangae e myomba, E r'ou Sinai ngi ngi rwabhesa buri Hagari. ²⁵ Bhushwa Hagari nge Sinai eruri ku Arabia rwasusanyiwa na Yerusaremu y' ematu itu ano; rurikire mu bhukobhe n'ebhana bhae. ²⁶ Eina Yerusaremu y' ekwiyo ngi koyo w' itu, bhate bhati. ²⁷ Bhushwa chandikwa: n' iebha bhuno: kokoma, ongo ngumba ukuwanga, ongo ngu utungairwa bhushwa mbu ebhana bh' emomina washombwanga bhingi irenga bh' angu momina wabhingwa ²⁸ Kuri bhanu bhanakitu, bhuri Isake, bhana bha ndani. ²⁹ Eina bhuri ngo matu ingu mwana w' emubhi wanubyanga ingu wabhutwanga m' omutima, na ngi bhumbo ngi bhuri cho n' enompena. ³⁰ Erwandiko rw' ebha bhuni? Hensa emukobhe n' emwana wae, bhushwa emwana w' emukobhe utamura mwandu n' embutirwa bhutaka. ³¹ Ngi bumbo, ebhanakitu, nti bhate bhana bha mukobhe, eina bhana bha nyangansi.