¹ E Bagaratia, bhanu bhashire? Inye ngw' arebhuroa, mutin' isimira er' eira, bhanu mbi mubhesanga hima na Yesu Kirisitu, musunga mo meso inu imbu ebwakonorwangae? ² Muncheanga kinwa kima: Muninkwanga e Mutima mushasha mo mikorere y' emyomba ari m' orikwerukira e mahano mw' isimira? ³ E bhanu bhirunge, mumatangira ikora n' e mutima, bhanu musondonge iheyanya mo mubhi? ⁴ Mukukumanana n'eminubho bhusabhusa? Amabhesa eira nti bhusa. ⁵ Ing' wabhurebheka e Mutima mushasha, n' ikora bhishisharo munkati n' inu, waronja mbi mu mikorere ya myomba ari muiyorukira mw' isimira? ⁶ Imbu bwakianga Abrahamu wasimira Ongo, wasungwa nti mwea w' eira, ⁷ Musibhirire mbu imbi bhari n'eresimira ng'ebhana bha Iburahimu. ⁸ Hima nacha, erw' andiko itukire kare. rashea ngi ntambi ya Ongo waansir' ebhabhi eira mor' isimira rabho. Mwasi wakonda kuri Iburahimu, enganda siti saakasanyiwayo kuri ongo. ⁹ Imbi ebhari n' emwenyihiro bhakasanirwa hima na Abrahamu min' emwenyihiro. ¹⁰ Bhushwa ebhati bh' emikorere y' emyomba bhaherawa,bhushwa randikwa. waherawa kinsi mwea ingu usira ntambi y' ibhera munkati ebhiti mbi byandikwa kumunda n' ekarisi k' emyomba n' ikora byo , ¹¹ Rashea nti kusira mwea uti wamansirwa eira mo myomba mo makako a Ongo, bhushwa bhisa er' eira bhasesimayo mor'esimira rabho. ¹² N' emyomba nti bhushwa ensimiri, eina charebwa emwea ukorange imbi bhinwa ngw' arami mu'byo. ¹³ Kirisitu waretukurure, etuka mo r'otaki rw'e myomba, bhuri mbu ebwandikwangacho: Ubhesanga ntwamaherawa emwea uti wabhambwa mw'iyango. ¹⁴ Kongo e mukisa wa Abrahamu wehiye esanganda iyetere kuri Yesu Kirisitu, kongo twaninkwa mukisa w' e Mutima mor'isimira. ¹⁵ E bhanakitu, nebhange bhuri mwea, nakiro endani yamaterekwa na mwea, kusira mwea wamuriribhanya yo, ari iongerere kinwa. ¹⁶ Endani yaninkwanga kuri Iburahimu n'embuto yae, nti ch'ebwa mbu n'esambuto sae bhuri singi, eina imbu bhuri yo mbuto n'ima: na mo mbuto y'abhe, ng'er'iyebha mbu kuri Kirisitu. ¹⁷ Sung' ebworukira 'ni: endani yaterekwanga na Ongo wesine er'isondori, itamukoch' eriribanyiwa, injo ndani yamakinda myaka mana 'nye na makumi ashatu. ¹⁸ Ra mabha nti emwandu watukire mu myomba, nti ntiwatukire tu mo ndani, eina etukire mo ndani ngi mwakia Ongo waninka Iburahimu ungo muhango. ¹⁹ Emyomba yarishiwanga bhushwa nki? E myomba yarumishiwanga bhushwa n'ebhutengu n' erindirire eriya njo mbuto ya 'njo ndani, yaturwa n'esangashani iyetire murongani nge ntumwa. ²⁰ Injo ntumwa nti ntumwa ya mwey'uma, eina Ongo iwe uma. ²¹ Emyomba nt' isusene n' endani ya Ongo? Anga, nti ng'ebhumbo. Bhushwa kwamubhesange momba wamurisha karamo, er'eira ramutukirengi mo myomba. ²² Eina erwandiko rwarekundika ebhati mo bhubhi; kongo ebyarairwanga mor'esimira kuri Yesu Kirisito mu'mbi bhasimira. ²³ Kubhusondori n' eriya ensimiri, twarangwanga n'e myomba, mw'erindir'ensimiri isungwe. ²⁴ E momba wabesanga nti mwenjo w' etwisha kwa Kirisitu, kongo twanswa iyetire 'nsimiri. ²⁵ Eina ensimiri y' arekind' iya, nti turi tu mo muri we nse myomba. ²⁶ Bhushwa bhanu bhati bhana bha Ongo; m' onsimiri kuri Yesu Kirisitu. ²⁷ Bhanu bhati mbi murubhikwanga n' ekimishiwa kuri Kirisitu, mumambara Kirisitu. ²⁸ Nti kuri tu Muyuda, ari Muyunani, nti kuri tu mufuku ari 'ngu w' obhorwa nti kuri wabhume ari m' omina, bhushwa banu bati mwea uma kuri Yesu Kirisitu. ²⁹ Na ramabha nti bhanu bhana Kirisitu, mu mabhesa bh' erobhuto rwa Iburahimu bhe mwandu etukana n'endani.