¹ Kuruma na myaka ikumi na inye, n' enda tu ku Yerusaremu hima na Barnaba, narondora Tito hima n' ani mwentindike. ² Ani n' enda mw' isheiwa, na shambar' ebhea e mwasi wakonda ingu ewaturang' ani munkati ebhabhi, eina mu nama k' uri mbi bhea bhatundwa, ritabhingi nakanyahe, bhusabhusa. ³ Eina Tito, ingu wabhesanga n' ani, iwe nti muyunani, nti wamimwanga ekotende, ⁴ Eina bhushwa bhanakitu mbi ebhakongobhanya ebhasoswanga munkati n' itu mu nama; mw' irorota er' ibha r' itu ishu k' uri Yesu Kirisito, m,w' ituria mu bhukobhe; ⁵ Eina anga na ntambi n' ima nti t' warikw' e hicha ekwansi nabho, kongo er' eira re mwasi wakonda r' ibe hima n' inu. ⁶ Eina imbi ebhatundwa, bhasungwa bhuri bhea bhakakare nti randaisha imbu ewabhesanga ekubhusondori, Ongo ntw' atina mweya, imbi ebhatundwa nti bharenimima kinwa kiti. ⁷ Eina kare nambi bhinwa bhiti, bharekia bhasunga imbu namaterekwa mu mwasi wakonda kuri' mbi e nti bhende 'kotende, imbu bhuri Petero mo 'bhende 'Rotende, ⁸ Bhushwa ingu ewaterekanga Petero wabhe ntumwa y' ambi, ng' iwe hotu wandonjanga ibha ntumwa y' ebhabhi, ⁹ Na bharekia bhasibha enchumo eyaninkwanga ani, Yakobo, na Kefa na Yohana, bhasungwa nti ng' esankuso, bhan' orore, ani na Baranaba emine tusibh'iyenda ekuri e bheya bh' abhi, n' abho ienda kuri ebhayahudi. ¹⁰ Eina kinwa kima chatwerenga bho mbu twenda twanikirange isak' ebhasene, inchi kinwa chabhesa nti kiri kuri ari ironja cho. ¹¹ Eina Petero werekia w' eya ku Antiokia, n' ebhana nae meso mu meso, n' imufine bhushe wakomenwang'efinirwa. ¹² M' oriya e, warire hima n' ebhabhi mu ntengi n' ima, , nabo nti ntibhasiana n' esantungo sabho sa karekare, eina bhira ba Yakobo bhayahudi bharikia bhamiya, Petero wareke irire hima n' ebhabhi, mw' isubhaha ebhayahudi mbi ebhabhesanga bharangana n' esantungo sa karekare, n' iebha mbu kusira ingu warama wamabha nt'wende 'kotende. ¹³ E Bhayahudi ebhasianya, hima na Baranaba, bhabhesa bhuri bhasimira Petero. ¹⁴ Eina, narekia namasunga emikorere ya'bho nti ntiyarengekana n' emwasi wakonda, n' ere Petero munkati n' ebheya bhati: umabha nti ongo Muyuda,mbutirwa bhutaka, ongo sondange isimanya emyomba y' ebhabhi n' itina emyomba y'e Bayuda, bhushwa nki ong' omimange ebhabhi bhemise esantungo s' e bha Yuda? ¹⁵ Ani n' abhe, bhati bhayuda mbutirwa bhutaka, tutamubha bhabhi bhuri mbi e nti bhayuda; ¹⁶ Tusi bhate bhayuda, imbu kusira ingu wamansirwa eira mo mikorere y' esantungo situ; eina mw' isimira Yesu Kirisitu, bhate mbi twasimiranga Yesu Kirisitu, kongo twansirwa er' eira mw' isimira Yesu Kirisitu; eina nti bhushwa mikorere y' esantungo, ¹⁷ Eina tw' ebhe bhuni, twamabha nti twamasimira Yesu ngw' aturamye twasungwa nti bhate bhea bh' abhi, Yesu Kirisitu wamabha mukori wa bhibhi? Anga, ¹⁸ Bhushwa namasimanya ebhiti mbi ebyarekeng' ani, nti namabha mukongobhanya, ¹⁹ Bhushwa, n'e myomba, ani nakwire munkati e myomba, mw' ishee karamo kuri Ongo. ²⁰ Nashurwanga hima na Kirisitu, eina niri ho; nti ani, eina Kirisitu ng' uri kumunda n' ani; n' ebhuingo bhuri n' ani m' omubhi, bhuingo bhuri mo Mwana wa Ongo ingu wanshimanga n' isibhura ebhuingo bwae bhushwanki. ²¹ Nti nanena enchumo ya Ongo, bhushwa ramaba er' eira rashekananga mo myomba, kai er' ikwa ra Kirisitu nti rabhusa.