¹ Bhanakitu, uma mubhate wamakime mu bhubhi bhuti-bhuti, bhanu e bhea bhe Mutima, mukuruche mweya o mu mutima wa bhurongu; nt'wiranga ong'wesine umenda kakime mu mwereko. ² Musakani mo mirio yinu, ibho nti mubhereresha eh momba wa Mukota. ³ Kuti e mweya wamesunga mbu we kikai, nawe nti kikai, nt'wehusange wesine. ⁴ Kinsi mweya w' ereke murimo wae wesine,bhumbo wamukocha kw'itata wesine, nti mu bheya bhampe. ⁵ Bhushwa kinsi mweya waseriayo emurio wae. ⁶ Ingu hanwange e kinwa wabhesi na muhango w'ebhiri nae isake 'ng'umuhanange. ⁷ Anga kwitima : angi kamba Ongo, inchi ch'ekang'emweya ngi chaakaoyo we. ⁸ Ingu weka mo mubhi, wakaoyo mu mubhi ina ingu weka mo mutima, wakaoyo mo mutima bhuingo bw'ematu ati. ⁹ Ang' imusia ikora byakonda, bhushwa twaakaoyo mu ntambi yahunda, twamabhesa nti twareke. ¹⁰ Ngi bhubho, twamashee ntambi tukie byakonda kuri ebhati, chahunda nguru, tukie byakonda kuri bhana bha Ongo. ¹¹ Mukae rwandiko rukiri natiranya ro mo mwine wani. ¹² Ebhati mbi bhashima kw'ekiya shushu mo mubhi, mo kamimo k'erotende kongo tutanubiwi ngi bhushwa n'er'iyango ra Kirisitu. ¹³ Bwisha 'mbi bhend'ekotende, bhisine,bhatangakae momba, ina bhashima, twendi ekotende, mu kweria mu mwanya mu mubhi wabhe. ¹⁴ Mumbi byankae, kore nani, e mwanikiri wa kwiria kwiyo, kimpe kikai, ina murihango na mukota Yesu Kirisitu, bwisha kwisibhura mu chuo, imbu muriani mu chuo. ¹⁵ Bhushha nti bhusa ekotende na anga,kusira otende. bwisha kikai kima nti ibhesi ubhuto rushasha; ¹⁶ Bhuhoro na bhonso mo bhati bh'emisa e momba mo Isiraeri wa Ongo. ¹⁷ Kinsi mwea ituke runotu, watankwanyi mubhihumbo, bwisha naria mu mubhi n'ani rina ra Mukota. ¹⁸ Bhanakitu e mukisa wa Mukota Yesu Kirisitu ubhesi ne mitima inu Amina.