¹ Ina Saulo warengeresha isheya bhobha, ni anikira ishura e santumwa sa Nyerekurwitu, wendere shebhakungu mukwakare. ² Wahema mitiro mwiyenda ku Damasiki kamina ebhemisa niriyabho ku Yerusaremu. ³ Warikiya uri mo munse, na muriya kwihi na ku Damasiki kitingi chatuke kwiyo chamusheya chaka. ⁴ Weshine e kwansi worukira murenge umwirengi: Saulo, Saulo, bhusha nki ongo ni nubyange? ⁵ Wasubya ongo ngi 'nye e Nyerekuritu? Webha ani ngi Yesu eunubyange ongo naye Rasuma kuri ongo ikaso emenke mumindi. ⁶ Nae watitimane, washishara, webha: E Nyerekuritu ongo sondange nikiye bhuni? Na Nyerekuritu wamwire: Simana, kime murubhungu werirwa ebyakomenwa ikora ongo. ⁷ Ne bheya abhesenga bhemisanya nae bhasungang' e kitingi bhorukira e murenge angisunga mweya. ⁸ Sauri wasimana ituka e kwansi, emeso ae akanduka, utasungi kikai; bhamutingire mu mombo; bhendane ku Damasiki. ⁹ Wamana matu ashatu angisunga kikai, angi risa, anga ni omo. ¹⁰ Wakiya urikire ku Damasiki, ntumwa nima erina rae Anania. Nyerekurwitu wamwire mw'isheiwa: Anania. webha, niri hano Nyerekuritu. ¹¹ Nyerekuritu wamwire: simana, eta munse yabhikirwa Nyoroka. sondekanya ekumunda ne numba ya Yuda, muri mweya erina rae ngi Sauro, mwisa Ku Tariso; bhushwa sunga, uhemange, ¹² Nae wamasunga mweya rina rae Anania, wamakime n'eriya e makasa hambasiro nae, wakochi kae tu. ¹³ Ina Anania wasubya: Nyerekuritu namorukira emyasi ye mweyangu mubheya bhingi, imbu bhukorange we byema bhingi Mubhakomenwa bhabhe ku Yerusaremu: ¹⁴ Himpo uri na bhunkangwe ituka ebhakwakare bha bhashe bhakungu wamine bhati ebhabhikirange rina rabhe. ¹⁵ Ina Nyerekuritu wamwire, enda rabhe: bhushwa emweya o namakindi murondora, wariya e rina r'ani mumbi nti bhanisimiranga, Ne bhami, ne bhana bha Isiraeri. ¹⁶ Bhushwa naamushea twengeko tukiri bhingi bya minubho bhushwa ne rina rani. ¹⁷ Anania wenda. Wakime e munumba, wamuriya mwemine webha: munakitu Sauro, Nyerekuritu Yesu ingwa kukusairenga mu munse etambi nji atuka iyange ongo wama nirera ukochi kae tu urisiwe na Mutima washuurukara. ¹⁸ Hiha byatuka mumeso ae bhuri byamba. Wakae wasimana, warubhikwa. ¹⁹ Warisa bhiyo, emaa amukuruke. warika matu makeke hima ne santumwa abhesenga siri ku Damasiki. ²⁰ Himpo wature kariho ka Nyerekuritu, munkati ne marameso, webha mbwiwe iye mwana wa Ongo. ²¹ Nebhati mbi bhorukiranga bhisarima, bhebha: Ntingi uno ewakunubyanga etuka bhatikongi erina ra Yesu ku Yerusaremu? ²² Sauri warisa bhunkangwe, bherukira nkene ebhayuda bharikanga ku Damasiki murishea bho eriira mbu uno ngi Mukota. ²³ Nampo matu mingi eta ebhayahudi bhenda nama bhamuye. ²⁴ Ina enama yema yabho yasibwa na Sauro. Bharanga esandubhi mutu na mwishi, murisonda bhamuye. ²⁵ Ina esantumwa samuringa mo mutu bhamuhicha mo kisusu mu mutariiro. ²⁶ Na Sauro warekiya wiya ku Yerusaremu wereka ikumanana ne santumwa, nabho bhati bhamusubhaha, bhatasimiri mbu nae iye ntumwa. ²⁷ Ina Bharanaba wamuringa, wamuriya kuri e santumwa, waturebho wakukiya wasunga Nyerekuritu munkati nense nambo wakukiya webhane, Nambo wakukiya webha ebhinwa anga bhobha ku Damasiki, mo rina ra Yesu. ²⁸ Wabhunduke hima nabho ku Yerusaremu, mwikime nituka. ²⁹ Webha mo rina ra Yesu na bhunkangwe webha nikia bhuhaka ne bhayuda bha bhayunani. Nabho bhasondekanya inse y'emuya. ³⁰ Ina bhanachabho bharikiya bhorukira e mwasi bhamutindikiya iya ku Kaisariya, nabho bhamwire mwendi ku Tariso. Petero uri Kuluda na Kuyopa. ³¹ Bhumbo e marameso bhakochi iruhuka Mu Yudeya iti na Galilaya na Samaria, bhimbwa, bharika nti bhari mu bhobha wa Nyerekuritu, Na munkati ne changu che Mutima Mushasha bharira. ³² Ina Petero weta musankaro siti wahitanya wiyere ebhakomenwa bharikanga ku Luda. ³³ Wasunga kuko mweya uma erina rae Aineya, abhesenga wikinde munkingo myaka munane: bhushwa wabhesanga wasamba rumbonsa. ³⁴ Petero wamwire: Aineya Yesu Mukota wakuramya, simana tunganya enkingo yabhe, hiha, hiha wasimana. ³⁵ Nebati bharikanga ku Luda na Ku Saronni, bhamusunga, bhasimira Nyerekuritu. ³⁶ Ntumwa nima yarikanga ku Yopa erina rae Tabita, ensusanya yae Dorika. e momina ngu wabhindukenga na mikorere ya hunda mingi, Nibhanya bhisabho. ³⁷ Rabhinduke ematu iya wasamba nikwa; kuruma bhamushuwa, bhamuriya mor'echumbi r'e kwiyo. ³⁸ Bhushe ku Ruda abhesanga ruri kwihi na Yopa, e santumwa sorukira mbu Petero uri kuko bhere bheya bhabhi bhendi kuri we kamuringa angirindira iya ku kwitu. ³⁹ Na Petero wasimana niyenda nabho, ne santambi siyanga we bhamutarisha mor'echumbi r'e kwiyo ne bahshumbakari bhati bhasimana kwihi nae nimusheya e myambaro nesanchangi siti sakiyanga Dorika waninka bho ntukiri ho. ⁴⁰ Petero washaishe bhati wakome emaru weba; Tabita sumuka nae wobhora emeso ae wasunga Petero wasimana warika. ⁴¹ Wamuninka e mwine wae, wamusimanya, warikiya wamabhikira e bhakomenwa ne bhashumbhakari wamuriya hamakako nabho ushere. ⁴² Byorukirwa ku Yopa uriho na bheya bhingi bhasimira Nyerekuritu. ⁴³ Na Petero warika matu mingi ku Yopa mo numba ya mweya uma erina rae Simoni witunganyanya bhihu.