¹ E matungo, e mwanso we bhemisa wongerere, e bhayunani bhahuhuma bhushwa rwe bha ebraniya bhushwe n'e bhashumbakari bhabho nti bhanenwa mo ribhanya re kinsi otu. ² Erekumi ne bhabhi bhabhikira e kikembe che santumwa, niyebha: nti rarengekana bhate tusiye e kinwa cha Ongo mwikore mo bhutanda. ³ Ngy'asingwa, bhanu bhanakitu, murondorane munkati ninu bheya bharinda, mweyangu webhererwange shu e bhaseninka bhate e murimo ngu. ⁴ Na bhate, tubhesi murikoresha e mahemo ne murimo we kinwa. ⁵ E kinwancho chashimwa ne nkumanano iti. Bharondora Sitefano, Firipo, Porokkoro, na Nikanora, na Timonni, na Perimena, na Mikora mubhunduri wa ku Antiyokia. ⁶ Bhashea bho kuri esantumwa, nabho, kuruma n'erihema bhatereka bho emine. ⁷ E kinwa cha Ongo chansansabhana nguru, er'eimba r' ebhemisa raongerere nguru ku Yerusaremu na kikembe k' ikiri ch' ebhakungu ch' abhese n' iyorukirir'e myomba. ⁸ Setefano nt' urisere nsasi na bhunkangwe, abhesenga nt' uronjange bhishisharo na tushingishiro tukiri munkaty' ebhea. ⁹ Bhima bha mor' irango bhatukurwa mbu bharibhertino na bhakirene, na bharesanduria nambo bhaku kirikia mo Asia, bhabhese na bhuhaka hima nae. ¹⁰ Ina nti bhakochang' efundana n' ebhuteesa n'e mutima abhesenga w'ebhange moe; ¹¹ Himpo bh'emisa bho na bhea mbi bh' ebanga: twakumorukiranga mo bhinwa bh' ikamba Musa n'e kuri Ongo. ¹² Bhasimanika bhea, e bhakungu n' e bhandiki bh'e myomba, bhamutinge, n' emurisha mo rushu. ¹³ Bharonja turiho twa manko, bhebha: uno mwea utangareke ikamba e hashuururwa n'e myomba; ¹⁴ Bhushe twakumworukira webhange mbu Yesu, ingu wa ku Nasareti, usekakura hano na waabhundurany' entungo satuninkanga Musa. ¹⁵ Ebhati bhabhesenga mo rushu, bharekiya bhasumy'e meso kuro Setefano embase yae yaaruka bhuri ya ngashani.