¹ Petero na Yohana bharekia bh'ebhange n'ebhea, hbiya e bhakungu, e mukwakare w'erirameso n'ebhasadukayo. ² Nti bhayongwa byabhesanga bhihanange bho ebhea, n'itura mor'ina ra Yesu erefuka r'ebhakwi. ³ Bhatinge bho n'irekera bho mo ngori n'iya mukoma, bhushwa abhesanga nti murisisi. ⁴ Eina bhingi nabhorukirang'e kinwa bhasimira n'enwanso w'ebhabhume weya m'oero rwa bhihumbi bhisanu. ⁵ Mo mukomakoma e bhakakare bh'ebhea, e bhakungu n'e bhandiki,bhakumanana ku Yerusalemu. ⁶ Na Ana, e mukungu mukiri Kayafa, Yohana, Alesandere n'e bhati bh'er'oharo rw'ebhakungu bhakiri. ⁷ Petero na Yohana bhariarwa munkanti nabho nishishabho: Bhuni bhunkangwe namu rina ranye ngi mwakuronja bhanu mbyo. ⁸ E ntambi njo Petero nturisere Mutima wakonda washisha bho : bhakwakare bh'ebhea na bhakungu bha isiraeli. ⁹ Bhushwa twashishiwa runotu mubyakonda byakuronjiwanga mwea mukoni, kongo twebha bhuningi bwakuramawe. ¹⁰ Musibhe cho bhanu bhati n'e bhea bhati bhaku Isiraeri bhasibhe morina ra Yesu Kirisitu wa ku Nasareti, ingwakushuranga bhanu muriyango, na ongo wamufura munkati n'ebhakwi ,morina rae ngy,asingw'e mwea ngu w'a simana munkangwe bhusondori ninu. ¹¹ Yesu nge rikoy ratawanga niinu bhanu bhumbi, naro nge rikoy rikiri hankunso. ¹² Kusira nchukaro kuri umpe, bhushwa kusira hasikw' embingu rimpe rina era ninkanwa munkanti n' ebea, muro ngi rakomenwa iyoshukare mo bhate. ¹³ Bharekiya bhasunga er'isimira rikiri ririkire na Petero na Yohana, bhashishara, nti bhasi bho bhabhesanga bhabhume bh' ebhea nti bh' eta masare, na bhasibwa mor' ibhesa bho hima na Yesu. ¹⁴ Ina bhuri ebwabhesanga bhusungange bho kwihi nabho e mwea wakuramiwanga bharuka ch'er' isako. ¹⁵ Bhashishabho bhatuke morushu, bharisia munkati nabho. Bhebha: tukie nki mo bhea mbi? ¹⁶ Bhushwa risibhirwe mo bhisa ku Yerusaremu mbu bhamaronja kashingishiro, na tutamutuna ko. ¹⁷ Ina, kongo kitansansabhaningi nguru mo bhea bhati, tuhangise bho n' esua, iebha itukire entambino anga bhebha mu mwea uti erina ndo. ¹⁸ Na moribikira bho, bhahangise bho nguru iebha nihana mo rina ra Yesu. ¹⁹ Petero na Yohana bhasubhie bho: mukere ro kubh' eira kubhusondori na Ongo, tubhorukire irenga Ongo. ²⁰ Bhushwa tutamukocha ifundi ebha mo byakusunganga bhate n'yorukira. ²¹ Bhasue tu bho, n' irekebo, mw' isera bhuni bhukieri bho bhubhi, bhushw' ebhati bhabhesanga bhatatange Ongo mo byamabhese. ²² Bhushwa e mwea wasingwanga erirama r'ekashingishiro rabhesa wabhesanga ntu kwengi miaka makumi anye. ²³ Ikindi siabho, bhenda kuri ebhea bhabho, n' itura ebhiti byakukiang' ebhakungu bhakiri n' ebhakungu bhashisha bho. ²⁴ Bharekiya bherukirange bho, bhasimanya e murenge bhati mongo kuri Ongo, n' iebha: Mukota, ongo ngi ukianga e mbingu enyasa n' ebhiti bhiri mo. ²⁵ Ongo ng' webhanga ietere e Mutima wakonda, mo bhunu bwa tita witu, kuri e mufuku wabhe Daudi: bhurunga bwa'nki munkanti e sanganda na' nji myanikiri y' ebhusa munkaty' ebhea? ²⁶ Ebhami bh' echuo bhasimana, n' ebhana bh' ebhami bhisonya mw' ikwanya Nyerekuritu n' emubhake wae. ²⁷ Nambo, moribhaa emufukw' abhe washuururwa Yesu, ewatiranga ongw' emakuta, Herode na Pontio Pirato bh' eriya hima mur' uno 'bhungu n' esanganda hima n' ebhea bha ku Israeri . ²⁸ Kongo bhabhereresha e mikorere yabhe ne risasa rabhe bhuri ebwarengekanyanga ongo byo erisondori.. ²⁹ N'entambi 'no, Emukota, sunga erisua rabho, ninka esantumwa sabhe, bhendi katur' e mwasi n'isimira rikiri. ³⁰ Mor' esimany' emwine wabe, kongo kwabhesa karamo , tushingishiro na bhishisharo morina rentumwa' bhe yashuururwa Yesu. ³¹ N'entambi yahemange bho, ehabhesanga hatumana bho hatenga, ebhati bharisa Mutima wakonda, bhatura e mwasi wa Ongo nisimira rikiri. ³² Ebhihumbi by' ebhasimira, bhabhesanga nti mutima uma n'iyanikira rima. kusira webhanga mbu ebhikwengi we byae eina nti byabho ebhati. ³³ Esantumwa saninkana kariho kingi murifuka ra Nyerekuritu Yesu. Na nchumo nkiri ntiri hambasiro nabho ebhati. ³⁴ Bhushwa nti habhesanga munkati nabho mubhi: E bhati bhabhesanga na mashwa ari manumba bhachuyanga byo bharish' ebhiti byakuchuyangabo. ³⁵ N'isicha byo momiindi ye santumwa; na nti bhabhanyabyo mukinsi mwea bhuri emurao wae. ³⁶ Yosefu, ewabhikirwa tu n'esantumwa 'mbu ngi Baranaba, ngierieba musiky' a mahano Murawi, mubhutirwa wa ku Kipro. ³⁷ Wachuya ishwa rabesanga rikwengi we warish' ebhehe n' iterekabyo mo mindi y' esantumwa.