¹ Petero na Yohana bhatayanga mongo mor'irameso muntambi mwenda, ntambi yemahemo. ² Habhesenga wabhuume uma nti okata itukire eribhutwa rae, nturiarwanga, na nti bhamuterekanga kirotu hamuyango n'erirameso ubhikirwange mbu rubhi rwakonda. kongo wend'uhemange ahembo, mu bhati ebhabhesenga bhakimengi mor'irameso. ³ Ewabhume ngo murisungae Petero bhana Yohana, nti bhendange kakimemo, wakongabho uhembo. ⁴ Petero, na Yohana bhamusumy' emeso bh'ebha: turarami. ⁵ Wakaebho n'iyoro emwine mw'erindire kikai kuribho. ⁶ Petero wamwire: nsira bhehe natukoi ekiri nani ngi kisekunink'ani, morina ra Yesu Kirisitu wa ku Nasareti, simana enda ⁷ Wamutinge mo mwine w'ekwabhume wamusimanya mu ntambi nanjo, e mindi yae nesanungo sebhisando sashee maa. ⁸ Wekubha, wasimana n'ibhuchienda wakime nabho kumunda n'erirameso, mwienda, wekubhange nitata ongo. ⁹ Ebhati bhamusunga ntwendange nitata Ongo. ¹⁰ Bhamusiba nti ngi wabhesanga n'turikanga hamiango erubhi rwakonda rw'erirameso mwikonga uhembo ebhati bharisa bhishishiro mo byamamukore bho. ¹¹ Entibwa tukakanga we kuri Petero na Yohana, ebhea bhati bhashishara bhakanyahire kuri bho,m orushu rwabhikirwa mbu rwa Soromono. ¹² Petero, murisunga mbyo, wer'ebhea: bhamu bhabhume bhaku Isiraeri, bhushwa nki mutusum'yemeso, nishishara nguru bhanu mwanikirange mu bhunkangwe bwitu ari mw'ikoma ritu ngy'asingwa emwea ngu wenda? ¹³ Ongo wa Iburahimu wa Isaka na wa Yakobo Ongo wa bhatita, watata e mufuku wae Yesu, ewakusibhuranga bhanu n'e mutino bhusondori na Pirato, ewebhanga mbu bhamureki. ¹⁴ Bhanu mutin'e washuururwa n'ew'ereira namuhema wasasirwe e muyeri. ¹⁵ Muya e mubhake w' ebhuingo, ewafurayo Ongo mo bhakwi, bhate kariho. ¹⁶ Mor' esimira mor' ina rae, ngy' er' ina rae e usungange bhanu ngu neusi bhanu: Erisimira kuriwe ngi rakuninka e karamo kuri 'ngu mwea momeso inu bhanu bhati. ¹⁷ Na montambi nsi, ebhanakitu, nisi mbu mukukoranga mw' efund' isibha, n'e bhakakare bhinu. ¹⁸ Ina Ongo wabhereresha ebhiti byebhangae mo monu e bhatahwa bae, mbu Kirisitu wa komenw' inubha. ¹⁹ Musie bhubhi nibhunduka, kongo e bhibhi bhinu byasasirwa. ²⁰ Kongo ntambi sa Mukota siye, n' ibhurebheka 'ngu warairwanga, Yesu Kirisitu. ²¹ Ngi wakokerwa ekwiyo iya nampi hakiayo ebhiti byatunganana, ewebwanga na Ongo itukire kare mo bhunu bwe bhatahwa bhashuururw' eraroso. ²² Musa webhanga: Mukota Ongo winu wabhushaishieyo mutahwa munkati na bhanakinu bhuriani; mumorukireyo mo bhiti byabhushishayo we. ²³ Na nkisi ngu utorukiriyo e mutahwa ngo waashiriwayo munkat' e bheya. ²⁴ E bhatahwa bhati ebhebhanga, itukire kuri Samwere nienderana, nabho bhaturangao. ²⁵ Bhanu bhasike bh' e bhatahwa na bh' endani ya Ongo ebyakiyanga we na bhatita, iebha na Iburahimu: e bhisasa bhiti bye chuo byakasanirwayo mor' obhuto rwabhe. ²⁶ Ekuri bhanu eraroso ngi Ongo mor' ibhusheere shie e mufuku wae, wamwere mbu wendi kabhukasane, n' ibhundura kinsi uma mu bhanu mo bhibhi byae.