¹ Musiky' a Sauri warekia worukira mbu Abneri wamakwa ku Heburani, emine 'aae yasia nt' isira maa, na Isiraery' eiti babesa na mushiki. ² Musiky' a sauri wabesa ng' okwengi bahanga babi, bakwakare ba bikembe euma ngy' abesanga baana, n' eumpe nti 'ngi rekabu; Babesanga nti bana ba Rimoni wa ku Beerothi wa mo bana Benjamini, Bushwa ku-Beerothi kwabesanga kusungwange nti butaka bwa Benjamini, ³ n' ebaberoothi babeke ku githoimu, inko ngi kurikanga bo iya run' otu. ⁵ N' ebana ba Rimoni waku Beerati, Rekabu na Baana, b' enda mo chuka ch' emumwishi, mo numba ya Ifbasheti, wabesanga wekinde, waruhuka munkaty' emwishi. ⁶ Bakime iya munkaty' enumba, buri basondang' eria; kuruma Reakabu na Baara musiky' abo babeka. ⁷ Bakimenga mo munumba warekia waruhuka hantangy' ae kumund' er' echumbi rae, bamukaso n' emushura, bamukeker' emuntwe. Bating' emuntw' ae, b' enda mutu muti iyeta mo burambo. ⁸ Barishie Daudi emuntwe wa Ifibosheti, ku Heburoni, na b' ere mubake: sung' emuntwe wa Ifibosheti, musiky' a sauri, emuernda 'be, wabesang' osondange buingo bwabe; Mukota w' une run' otu emubake nyerekuritu kuri Sauri n' embutw' ae. ⁹ Daudi wasako Rekabu na baana musiky' abo, basike ba Rimoni wa ku beerothi: Mukota 'ngwandanga na kinsi eshirira, uriho. ¹⁰ Ing' weyanga kantureo mbu sunga sauri wamakwa, nt' wanikirange mbu wandishie mwasy' akonda, na mutingenga n' emuya ku Sikragi, mw' emunink' erohembo rw' emwasy' ae. ¹¹ Na bea b' ema bama shura mwea usira bubi mo mwea na motoro twae, buni bwamukia nafundi hema enchama 'e mo mine y' inu, nafund' ibushiria mo chuo? ¹² Na Daudi wahema mo bea bae bashure bo; bakekeraa bo emine n' emindi bahanika bo wendende n' ekisi cha ku- Heburoni. Kuruma bating' emuntwe wa Ifibasheti bariya mor' esinda ra Abneri ko Heburoni.