² Daudi wabuta bana ku Heburoni entangi yabesa nti ngi Amnoni, wa Ahinoamu waku Yesereheri; ³ e w' emisa, Danyre wa Abigairi wa ku Karmeri, mukary' a Nabari; w' emet' ashatu, Abusaroma; mwana wa Maaka, mwisy' a Tarmai, mubake ku Geshuri; ⁴ W' emet' anye, Adania, mbuta ya Hagathi, w' emet' asanu Shefutia, mbuta ya Abitari; ⁵ na w' emutuba, ithreamu wa Egra, mukary' a Daudi. Bimbo, ngi babutenga Daudi ku Heburoni. ⁶ Mo ntambi y' embua munkati enumba ya Daudi na ya Sauri, abneri wabere nguru n' enumba ya Sauri. ⁷ Na Sauri wabesa nt' ukwengi musingirwa 'e 'rina rae Rispa mwisy' a Aya. Ifibasheti w' ire Abneri: ongo tukange kwa musingirwa tita busha nki? ⁹ Ongo wankori bumbo n' irenga amabesa nti nakora hima na Daudi, etukana ebwasere Mukota kuri Daudi. ¹⁰ Mor' iyeba mbu wasetunja ebubake etuka nia numba ya Sauro ienda mo yae, na usetereka ekitumbi ch' ebubake cha Daudi kuri Isiraeri n' ekuri Yuda etukire ku Dani iya ku Beer-Sheba. ¹¹ Ifibosheti nt' werek' isako anga na kinwa kuri Abneri, bushwa abesanga wamusubaha. ¹² Abneri watuma beya kuri Daudi emw' ire bushe nae: Echuo chanye? Ranja ndani n' ani, na sung' emwine? ani usekusake ebundur' ekurianga Isiraery' euti. ¹³ Wasako: Nongobo! Nsekia ndani hima nabe; eina nakuhema kikai kima, ngy' ebura mbu utumusung' embasw' ani,kuti nt' undishie Mikari mwisy' a sauri w' eye 'kury' ani. ¹⁴ Daudi watuma bea kuri Ifibosheti musiky' a sauri emw' ire: Nininke mukary' ani Mikari, ewarananga n' ani mu bikoba iyana bya bafirisitini. ¹⁵ Ifibosheti wamuringa kwa moke Partieri, musiky' a Raishi. ¹⁶ Na moke wamubungura n' urengi iya ku Bahurimu. Himpo Abneri wamw' ire: Endanga, ekuruki; na w' ekuruke. ¹⁷ Abneri wabesa na mushambaro hima n' ebakungu ba ku Isiraeri na w' ire bo: Abesanga mushima ibesa na Daudi buri mubake; ¹⁸ mumusimik' enompena, bushwa Mukota warebo ekuri we: E kuri Daudi, mukory' ani, ngi musoshukayayo 'ani ebea b' ani Isiraeri etuka mo mine y' ebafirisitini n' etuka mo mine y' ebarenda bae bati. ¹⁹ Abneri w' eba hotu na Benjamini na w'enda katurao mo mate a Daudi ku Hebroni eby' ebanga Isiraeri n' enumba iti ya Benjamini. ²⁰ Weya kuri Daudi ku Heburoni watindikiwa na boa makumi abi; na Daudi wamutea kiyo bingi hima n' ebea babesanga nae. ²² Sunga, Yoabu n' ebea ba Daudi babesanga nti bakurukange mu mbua, barisha mishokoro mingi. Abneri nt' usira tu hima na Daudi ku Heburoni, bushwa Daudi nt' wamamukurucha, na nt' wamenda mu buhoro. ²³ Yoabu hima n' ebea bae barekia b' eya, batur' emwasi kuri we: Abneri, musikya Neri, wameya kury' emubake, wamamukurucha na wameira mu buhoro. ²⁴ Yoabu w' enda kury' emubake k' emw' ire: umakia 'nki? Abneri wameya kuri ongo; umamukurucha w' eiri mu buhoro, bushanki? ²⁵ Ongo Abneri, musiky' a Neri! Ekuhusangi ramasingwa weya, kongo wasib' ebukimenga ongo, n' ebusanga ongo n' esibirira ebiti bikiange ongo. ²⁶ Na Yoabu warekia wamatuka kuri Daudi, watuma bea iyemisa Abneri, bamukurucha etuka ha kisi cha Sira: Daudi utasibi kikai. ²⁸ Daudi w' erukirao kuruma,n' ieba: nsira bubi n' er' uti hamakako na Mukota mo nchama ya Abneri, musiky' a Neri, n' ebubaky' ani hotu. ²⁹ Enchama njo ya kurukenga kuri Yoabu na mo numba iti bishe! Kubesy' ematu ati mwea mo numba ya Yoabu, wasetingirwayo n' etukwa na nchama ari no bibembi, ari w' iendengi mu nkoma, ari wakusa mu mwere, ari waruka kambonsa. ³⁰ Bumbo Yoabu na Abishai, musiky' abo, bashura Abneri, bushwa washuranga Asaheri, musiky' abo, ku Gibeoni, mo mbua. ³¹ Daudi w' ire Yoabu n' ebea bati babesanga hima nae: muberae esangombe sinu, mwambare makunia na muri hamakako na abneri! n' emubake Daudi wabesa kurum' entundwe. ³² Batereka Abneri mor' esinda ku Heburoni. Emubake ware mu murenge mukiri hamakako n' er' esinda ra Abneri, n' ebea bati bare. ³³ Emubake waronja kiro kuri Abneri n' ieba: Abneriwakomenwa reroikwa ebukwang' emuyeri? ³⁴ Nt' ukubesanga na mine yaminwa ary' emindi mu bure! Ebukwang' emwerwamakime munkati na babi. ³⁵ N' ebea bati bare tu bushe na Abneri. Ebea bati b' ehie Daudi mw' isonda warise biyo bikeke nti kukiri mu mwishi; eina Daudi wasere n' ieba: Ongo wankori cho kuti narisa kambonsa ari kikai kiti-kiti busondory' emwishi utangasika! ³⁶ Incho chasibwa n' esimirwa mo bea bati, basung' ebiti by' eba emubake byakonda. ³⁷ Ebea bati na Isiraeri uti basibirira er' otu ndo mbw' atuko nti mombo w' emubake ng' wakukwanga mo Abneri. ³⁸ Emubake w' ere ehakari bae: nti banu musi mbu muhango, mwea mukiri ng' wa makwa rw' otu mo Isiraeri? ³⁹ Nikiri mo butetera nakiro mbu narekuburi rwa ngaha ya bubake, na bano beya, ebana ba Seruya bakwengi bunkangwe nguru kury' ani. Mukota watu etukana n' ebubi ing' wakukorabo!