¹ Kuruma mpo, Daudi washisha Mukota, w' eba: Na mutaya muruma rw' esambungu sa yuda? Mukota wamusako: Taya Daudi w' eba: kuni kusetariy' ani? Na Mukota wasako: ku Heburoni. ² Daudi wataya kuro, hima n' ebomina bae babi Ahinoamu wa ku Yesereheri, na Abigairi wa ku karimeri mukary' a nabari. ³ Daudi watarisha hotu ebea babesanga bari hima nae. kinsi uma n' eb' enumba 'e na barika mosambungu sa ku- Heburoni. ⁴ Ebea ba Yuda b' eya, na 'nko bakubure Daudi ngaha wabesi mubake mo numba ya Yuda. bature daudi emwasi mbw' atuka bea ba Yabech- Gireadi ngi bakuterekanga Sauri mor' esinda. ⁵ Daudi watuma bea kuri bisa ku Yabesh-Gireadi, mw' iere bo: Mukasanirwe na Mukota, bushe bumbo Mukushea ikonda kuri Sauri, nyerekurinu, mukumutereka mmor' esindo. ⁶ N' enompena Mukota waburonjie ikoma n' eira. n' ani hotu nseburonjie byakonda, bushe mumakora bumbo. ⁷ Emine yinu ibesi na maa, na mubesi beya barai, bushe nyerekuritu sauri, Wamakwa, n' ani ng' enumba ya Yuda yamanditere ngaha mubake wayo ⁸ Kuruma Abneri, musiky' a Neri, mukwakare w' ebichiri bya Sauri, watinge Ishbasheti musiky' a Sauri wamwecha ku Mahanaimu. ⁹ Wamutereka wabesi mubake ku gireadi kuri bana Asheri, ku Yesereheri kuri efraimu, kuri Benjamini; kuri isiraeri bati. ¹⁰ Ishbosheti, musiky' a sauri wabesanga ukwengi myaka makumi anye, warekiya wabunduke mubake wa Isiraeri, na wasima myak' ebi. kw' abesanga ho enumba ya Yuda ngy' asianga yasimira Daudi. ¹¹ Ematu asimanga Daudi ku Heburoni mo numba ya Yuda yabesanga 'myak' erinda na myeri mutuba. ¹² Abneri, musiky' Neri n' ebea ba Ifibosheti, musiky' a sauri batuka ku Mahanaimu benda ku Gibeoni. ¹³ Yoabu musiky' a Seruya n' ebea ba Daudi nti batambange nabo. bakukumanane kwihi n' ekisi eba ku gibeoni, barika b' imbi mu 'ngu mwiri w' ekisi na 'mbi mu 'ngu mwiri. ¹⁴ Abneri w' ire Yoabu: Ebasike mbi basimane na bakwane mo mesw' itu! Yoabu wasako: Basimane! ¹⁵ Basimana bashere kubusondori mu mwanso urengeke! ekumi na babi bana- benjamini , na bana Ifibosheti, musiky' a Sauri, n' ekumi na babi b' ebea ba Daudi. ¹⁶ Kinsi uma wating' eukwanange nae mo muntwe, wamukur' emwere mos' enkanga, n' ebati b' akwire mongo babikira mbo butaka buri kwihi na Gibeoni rina ra herkath- hasurimu. ¹⁷ Er' otu ndo kw' abesa mbua 'suma muya Abneri n' ebea ba isiraeri ba! mwa n' ebea ba Daudi. ¹⁸ Himpo habesanga harikire bana bashatu ba Seruya: yoabu, abishai na Asaheri. Asaheri wabesanga nty' emindy' ae yasanguha buri mburi ku ya mashwa. ¹⁹ Warikitana na Abneri, ang' imusierer ikae kwabume arikurembe. ²⁰ Abneri w' ikebera, n' ieba: ngi ongo Asaheri? Na wasako: ngy' ani. ²¹ Abneri wamw' ire: Kasure mo kwabume ari mo kurembe; etingiri uma mo myoshukire njo, nating' ekinda chae. Eina Asaheri nt' wahuna emusierere. ²² Abneri w' ire tu Asaheri: nireki bushanki nikukasu na nikuye ko kwansi? kuruma buni ngi busesimanya 'ni emeso hamakako na Yoabu musik' inu? ²³ Asaheri watin' emusierere. Himpo Abneri wamukaso mo bura n' ekabunda k' er' etuma rae, n' er' etuma rasaa morumpe oharo. w' enduka n' ikwa hiha-hiha. Ebati babesanga b' eyange mpo hakukwire nsaheri nti basimanange ho. ²⁴ Yoabu na Abishai b' emisa Abneri n' emwishi waoraba nti bameya mor' ou rwa Ama, Oharo rwa ku Gia, mo 'nse y' ebweru ya ku-Gibeoni. ²⁵ Ebana ba Benjamini bakumanana kuruma na Aboeri na bakiya kikembe kiima, n' etindira hambasiro n' ou. ²⁶ Abneri wabikira Yoabu w' eba: Emwere ushirie ho ematu ati? Nty' ongo 'si mbu kusebesa bwae kwenda? Ini ntambi ngy' arindire ongo eshish' ebea bareki iyemisa banachabo? ²⁷ Yoabu wasako: Ongo 'ro ho utumwebange, ebea batamurekeng' iemisa banachabo, bbusondori buche. ²⁸ Na Yoabu wabuha mo kahanda n' ebea bati batindira, nti b' emisa tu Isiraeri na nti benderana tuikwana. ²⁹ Abneri n' ebea bae b' enda mo mutu muti mo burambo; basoka Yorodani, bakundukanya bithoni eiti na beya ku Mahanaimu. ³⁰ Yoabu wakuruka mmor' iemisa Abneri, wakumanyany' ebea bati; nty' aruka bea ekumi na mwenda mo bea ba Daudi, na Asaheri. ³¹ Eina bana Daudi babesa nti bamaya bea mana 'shatu na makumi mutuba munkati n' eba- Benjamini na Abneri. ³² Bariya Asaheri n' emutereka mor' esinda riishe ku Betherehemu. Yoabu n' ebea bae b' enda mutu-mutu, n' ebutu bwacha nti bameya ku Heburoni.